វិទ្យុសឹង្ហមាស

Friday, October 17, 2014

ការប្រកួតបាល់ទាត់ដណ្ដើមពានរង្វាន់អាយុលើ៣០ឆ្នាំ ឆ្នាំ២០១៤ នៅទីលាន Gold Sport

Posted by Unknown on 1:29 AM with No comments

-ក្រោយពីមានការពិភាក្សាដើម្បីការប្រជួបជុំកីឡាករវ័យកាន់តែច្រើនក្នុងន័យផ្សាភ្ជាប់ការទំនាក់ទំនងនិងផ្ដល់បទពិសោធន៏ទៅកាន់មនុស្សជំនាន់ក្រោយអោយកាន់តែមានភាពស្និទស្នាលបន្ថែមទៀតទើបជំរុញទឹកចិត្តអ្នកស្នេហាវិស័យកីឡាបាល់ទាត់គ្រប់ស្ថាបនអង្គភាពក្នុងក្រុងព្រះសីហនុចាប់ពីអាយុ៣០ឆ្នាំឡើងបាននាំគ្នារៀបចំឲ្យមានការប្រកួតដណ្ដើមពាន់រង្វាន់បាល់ទាត់បុរសអាយុលើ៣០ឆ្នាំក្រោមប្រធានបទ មិត្តភាព សុខភាព និងភាពសប្បាយរីករាយ។ នេះជាលើទីមួយហើយដែលកីឡាករបាល់ទាត់វ័យលើអាយុ៣០ឆ្នាំបង្កើតឲ្យមានក្នុងខេត្តព្រះសីហនុ។

ក្រុមបាល់ទាត់អាយុលើ៣០ឆ្នាំដែលអញ្ជើញមកពីអង្គភាពផ្សេងៗមានចំនួន១២ក្រុម និង ត្រូវបែងចែកជា៤ពូល។

ពូល A ពូល B

-ក្រុមតោខេត្តព្រះសីហនុ -ក្រុម ១៥៧

-ក្រុមសាលាខេត្តព្រះសីហនុ -ក្រុមម៉ូតូធំ

-ក្រុមខ្លារខិនស -ក្រុមស្នងការដ្ឋាននគរបាលខេត្តព្រះសីហនុ

ពូល C ពូល D

-ក្រុមស្កាយម៉ូន -ក្រុមកុមាររីករាយ

-ក្រុមអ៊ែរស្ពត -ក្រុមសន់ដាន់

-ក្រុមខ្មែរអមតៈ -ក្រុមភូមិដូង

- ការប្រកួតត្រូវបានធ្វើឡើងរយះពេលពីថ្ងៃចុងសប្ដាហ៏ សៅ-អាទិត្យ ទី១៨-១៩ ខែតុលា ឆ្នាំ២០១៤ នៅទីលានបាល់ទាត់ក្នុងសាល Gold Sport វេលាម៉ោង៨h:០០ព្រឹកដល់ម៉ោង៥រសៀល។ក្នុងកម្មវិធីប្រកួតនេះក៏មានការចូលរួមឧបត្ថម្ភកម្មវិធីដោយ អង្គការម្លប់តាប៉ាង អង្គការកុមារីករាយ ក្លិបបាល់ទាត់ក្នុងសាល Gold Sport និងធនាគារ CIMB ខេត្តព្រះសីហនុ។សូមអញ្ជើញអ្នកស្នេហាវិស័យកីឡាចូលរួមអបអរសាទរលើកទឹកចិត្តនិងចូលរួមឧបត្ថម្ភជាសំភារៈឫថវិការដល់កម្មវិធីប្រកួតនេះឲ្យកាន់តែល្អប្រសើឡើងទៀត។

ឯកឧត្តម ឈិត សុខុន អភិបាល នៃគណៈអភិបាលខេត្តព្រះសីហនុ បានចូលរូមយុទ្ធនាកសំអាតឆ្នេរ(Koh Rong Clean Up Campaign)

Posted by Unknown on 12:16 AM with No comments

កាលពីថ្ងៃទី ១៤ ខែ តុលា ឆ្នាំ ២០១៤ ឯកឧត្តម ឈិត សុខុន អភិបាល នៃគណៈអភិបាលខេត្តព្រះសីហនុ រួមដំណើរឯកឧត្តមរដ្ឋមន្រ្តីក្រសួងទេសចរណ៍បានចូលរូមយុទ្ធនាកសំអាតឆ្នេរ(Koh Rong Clean Up Campaign) និង ចុះត្រួតពិនិត្យវាយតម្លៃពីស្ថានភាពជាក់ស្តែងនៅតំបន់សង្កាត់កោះរ៉ុង។ក្នុងឪកាសនោះឯកឧត្តមរដ្ឋមន្រ្តីបានសាកសូរពីជីរភាពរស់នៅក្នុងតំបន់នោះ ផងដែរ។ក្នុងនោះមានប្រជាពលរដ្ឋម្នាក់មានចិតសប្បាយរីករាយនៅពេលគណៈប្រត្តិភូសួរសុខទុក្ខហើយគាត់មានប្រសាសន៍កាលពីមុនគាតមានការលំបាកណាសដោយប្រកបមុខរបរនេសាទ តែពេលនេះដោយសាមានការអភិវឌ្ឍន៍នៅតំបន់នេះ គាត់អាចរកចំនូលពីវិស័យទេសចរណ៍ ដែលបានមកលេងលើកោះនេះ។បច្ចុប្បន្នគាត់បានសាងសង់ផ្ទះថ្មដ៍ស្រស់ស្អាត់នៅលើកោះនេះ។ឯកឧត្តមរដ្ឋមន្រ្តីមានប្រសាសន៍ផងដែ តំបន់ទេសចរណ៍ខេត្តព្រះសីហនុ ជាតំបន់រកចំនូលបានច្រើនបន្ទាប់ពីប្រាសាទអង្គវត្ត អាចរកចំនូលមិនចេះសាបសូន្យ។ជាមួយគ្នានេះដែ ឯកឧត្តមអភិបាលខេត្តបានផ្តាំផ្ញើរអោយប្រជាពលរដ្ឋក៏ដូចជាអាជីវករដែលរស់នៅលើកោះអោយខិតខំយកចិត្ដទុកដាក់សំអាតឆ្នេរអោយបានស្អាត ជាពិសេលលើបញ្ហាបរិស្ថាន កាលណាបរិស្ថានស្អាតអាចទាក់ទាញភ្ញៀវក្នុងនិងក្រៅស្រុកមកលេងច្រើន។

ពិធីគោរពវិញ្ញាណក្ខន្ធព្រះបរមរតនកោដ្ឋនរោត្តមសីហនុសូត្រមន្តរាប់បាត្របង្សុកូល

Posted by Unknown on 2:39 AM with No comments

កំពង់ឆ្នាំង ៖ ដើម្បីរំលឹកដល់ស្នាព្រះហស្ថអតីតព្រះមហាក្សត្រនៃព្រះរាជាណាចក្រ កម្ពុជា នៅខេត្តកំពង់ឆ្នាំង មានរៀបចំប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះបរមនរតនកោដ្ឋ នរោត្តមសីហនុគម្រប់ខួប២ឆ្នាំនៅ ព្រឹកថ្ងៃទី១៥ ខែតុលា ឆ្នាំ២០១៤ ស្ថិតនៅវត្តធម្មវ័ន្ត ក្នុងឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ពិធីនេះប្រារព្ធទៅក្រោមអធិបតីភាពឯកឧត្តមឈួរច័ន្ទឌឿនអភិបាលខេត្តនិងលោកជំទាវ លោកជំទាវដោក សុទ្ធា ប្រធានក្រុមប្រឹក្សាខេត្ត ឯកឧត្តមលោកជំទាវអភិបាលរងខេត្ត មន្ត្រីរាជការកម្លាំងប្រដាប់អាវុធ ទាំងបីប្រភេទប្រជាពលរដ្ឋ និង សិស្សានុសិស្ស លោកគ្រូ អ្នកគ្រូ សរុបយ៉ាងច្រើនកុះករផងដែរ។ បន្ទាប់មក ព្រះសង្ឃសូត្រជយន្តោ ស្វាធ្យា ចំរើនព្រះបរិត្ត បង្សុកូល ថ្វាយដល់ព្រះមហាវីរក្សត្រ និងមានការស្មឹងស្មាតដើម្បីគោរពថ្វាយព្រះវិញ្ញាណក្ខន្ធ ព្រះមហាវីរ ក្សត្រព្រះបរមរតនកោដ្ឋ។ ហើយយើងសង្កេតឃើញថាមន្ត្រីរាជការនិងប្រជាពលរដ្ឋដែលបានមកចូលរួមនៅក្នុងពិធីគោរពព្រះ វិញ្ញាណក្ខន្ធព្រះបរមរតនកោដ្ឋនាពេលនេះសុទ្ធតែមានទឹកមុខក្រៀមក្រំនិងភ្ជាប់មកជាមួយនូវកម្រងផ្កាភ្ញីនិងទៀនធូប ដើម្បីដាក់ថ្វាយដល់ព្រះវិញ្ញាណក្ខន្ធព្រះអង្គផងដែរ។នៅក្នុងឱកាសនោះដែរឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំងបានមានប្រសាសន៍ថា៖ ព្រះករុណា ព្រះបាទសម្តេច ព្រះនរោត្តមសីហនុ ព្រះមហាវីរក្សត្រ ព្រះអង្គបានយាងចូលព្រះទីវង្គតកាលពីថ្ងៃច័ន្ទទី១៥រោច ខែភទ្របទឆ្នាំរោងចត្វា ស.ក ព.ស ២៥៥៦ត្រូវនឹងថ្ងៃទី១៥ខែតុលាឆ្នាំ២០១២វេលាម៉ោង១នឹង២០នាទីរំលង អធ្រាត្រក្នុងព្រះជន្មាយុ៩០ព្រះវស្សានៅទីក្រុងប៉េកាំងនៃសាធារណៈរដ្ឋប្រជាមានិតចិននិងបានទទួលនូវព្រះបរមបច្ឆាមរណៈនាមព្រះបរម រតនកោដ្ឋ។ ឯកឧត្តមបានបន្តថា៖ការបាត់បង់នៃអង្គព្រះមហាវីរក្សត្រដ៏ឆ្នើមមួយព្រះអង្គ ដែលព្រះអង្គបានបំពេញ ព្រះរាជបូជនីយកិច្ចជួនប្រទេសជាតិបានបន្សល់នូវស្នាព្រះហស្ថ យ៉ាងច្រើនឥតគណនា ទុកអោយកូនចៅជំនាន់ក្រោយ មិនអាចបំភ្លេចបាននូវព្រះរាជកិច្ចរបស់ព្រះអង្គបានឡើយ។ឯកឧត្តមបានបន្តទៀតថា តាំងនាមឯកឧត្តម តំណាងអោយមន្រ្តីរាជការគ្រប់ជាន់ថ្នាក់ និង ប្រជាពលរដ្ឋនៅទូទាំងខេត្តកំពង់ឆ្នាំងសូមឧទ្ទិសថ្វាយ ព្រះរាជកុសលចំពោះ ព្រះករុណាព្រះមហាវីរក្សត្រ ព្រះបរមរតនកោដ្ឋនិងសូមបួងសួងថ្វាយព្រះវិញ្ញានក្ខន្ធព្រះអង្គយាងទៅសោយសុខ នៅឋានបរមសុខកុំបីឃ្លៀងឃ្លាតឡើយ។

ប្រជាពលរដ្ឋឃុំពាមស្ម័គ្រចិត្តប្រគល់អាវុធកែឆ្នៃ៣៥ដើមជូនសមត្ថកិច្ច

Posted by Unknown on 2:28 AM with No comments

កំពង់ឆ្នាំង៖អាវុធកែឆ្នៃចំនួន៣៥ដើមបាញ់គ្រាប់កង់និងគ្រាប់ដែក ដែលអាចបាញ់សត្វ និងសម្លាប់មនុស្សបានដែរនោះត្រូវបានប្រជាពលរដ្ឋនៅឃុំពាម ស្រុកសាមគ្គឺមានជ័យ ស្ម័គ្រនាំគ្នាយកមកប្រគល់ជូនសមត្ថកិច្ចមូលដ្ឋានខណៈដែលមានការផ្សព្វផ្សាយនិងបំផុសនៅតាមវេទិកាសាធារណៈក្នុងការពង្រឹងភូមិឃុំមានសុវត្ថិភាពកន្លងមក។ ពីធីប្រ គល់នៅអាវុធកែឆ្នៃខាងលើបានធ្វើឡើងនៅព្រឹកថ្ងៃទី១៤ ខែតុលា ឆ្នាំ២០១៤ នៅប៉ុស្តិនគរបាលរដ្ឋបាល ឃុំពាម ស្រុ កសាមគ្គឺមានជយ័ ដោយមានការចូលរួមពីលោក កែវ ឈុន នាយការរិយាលយ័គ្រប់គ្រងអាវុធជាតិផ្ទុះនៃស្នងការនគបាលខេត្តកំពង់ឆ្នាំង សមត្ថកិច្ចមូលដ្ឋាន និងអាជ្ញាធរឃុំ ស្រុកសាមគ្គីមានជ័យ។ លោក ដួង ហុង អធិការនគរបាលស្រុកសាមគ្គឺមានជយ័បានអោយដឹងថា៖ការប្រគល់អាវុធកែឆ្នៃទាំង៣៥ដើមខាងលើនេះ ដោយសារប្រជាពលរដ្ឋក្នុងមូលដ្ឋានមានការភ្ញាក់រលឹក ក្រោយពីការបំផុសចលនាបងប្អូនប្រជាពលរដ្ឋនៅក្នុងស្រុកជាច្រើនកន្លែងនក្លងមក តាមរយះការចុះធ្វើវេទិការសាធារណះស្តីពីលក្ខណះ៩យ៉ាងរបស់ភូមិឃុំមានសុវត្ថិភាព។ ម៉្យាងទៀតសមត្ថកិច្ចយើងបានផ្សព្វផ្សាយអោយប្រជាពលរដ្ឋយល់ដឹងថា៖ការរក្សាទុកអាវុធកែច្នៃដែលអាចសម្លាប់មនុស្សបានគឺត្រូវប្រឈមផ្លូវច្បាប់និងមានទោសទណ្ឌ័ទៀតផង ហេតុនេះហើយទើបប្រជាពលរដ្ឋភ្ញាក់រលឹកនាំគ្នាយកមកប្រគល់អោយសមត្ថកិច្ចនៅព្រឹកនេះតែម្តង និងបានសន្យាថានិងបញ្ឈប់កាប្រើប្រាស់អាវុធកែឆ្នៃនេះទៀតហើយ និងបានបន្តធ្វើការអំពាវនាវអោយបងប្អូនប្រជាពលរដ្ឋដែលមានរក្សារទុកនៅអាវុធកែផ្សេងទៀតសូមយកភ្ញាក់រលឹកមកប្រគល់ជូនសមត្ថកិច្ចអោយបានទាន់ពេលវាលាជៀសវៀងការប្រឈមនិងផ្លូវច្បាប់។ នៅក្នុងពិធីប្រគល់អាវុធនេះផងដែរប្រជាពលរដ្ឋម្នាក់ឈ្នោះ ខាត់ សុភ័ក្រ អាយុ៣៦ឆ្នាំ រស់នៅក្នុងភូមិក្រាំងដូង ឃុំពាម ស្រុកសាមគ្គឺមានជយ័ ដែលបានយកអាវុធ១ដើមមកប្រគល់ជូនសមត្ថកិច្ចបាននិយាយអោយដឹងថា៖ អាវុធនេះគាត់បានទិញពីគេនិងបានរក្សារទុកបាញ់សត្វនិងការពារផ្ទះរបស់គាត់។ប៉ុន្តែក្រោយពីបានចូលរួមប្រជុំក្នុងវេទិការសារធារណះបានដឹងថាការរក្សាអាវុធកែឆ្នៃបែបនេះខុសនិងច្បាប់ខណះដែលសមត្ថកិច្ចរកឃើញនោះ ទើបគាត់និងអ្នកស្រុកក្នុងភូមិស្ម័គ្រចិត្តយកមកប្រគល់អោយសមត្ថកិច្ច។ លោក កែវ ឈុន នាយកការិយាល័យគ្រប់គ្រងអាវុធជាតិផ្ទុះនៃស្នងការនគបាលខេត្តកំពង់ឆ្នាំងដែលបានចូលរួមក្នុងពិធីទទួលអាវុធកែឆ្នៃនេះបានធ្វើការបញ្ជាក់អោយប្រជាពលរដ្ឋជាម្ចាស់អាវុធទាំងអស់នោះដឹងថា៖ការរក្សាទុកនិងប្រើប្រាស់អាវុធកែឆ្នៃខុសច្បាប់ នៅក្នុងច្បាប់ស្តីពីការគ្រប់គ្រងអាវុធគ្រឿងផ្ទុះនិងគ្រាប់រំសេវនៅត្រង់ជំពូក៤មា ត្រា២០បានចែងច្បាស់ថា៖ ជនណាដែលបំពាក់នៅតាមខ្លួន កាន់កាប់ ប្រើប្រាស់ លក់ ទិញ អោយខ្ចី ផ្ទេរ ចែកចាយ ជួល កែឆ្នៃតម្លើង ជួសជុលនូវគ្រឿងផ្ទុះ និងគ្រាប់រំសេវគ្រប់ប្រភេទដោយគ្មានការអនុញ្ញាតិ ត្រូវផ្តន្ទាទោសដាក់ពន្ធនាគារពី៦ខែដល់២ឆ្នាំ និងត្រូវផ្តន្ទាទោសពិន័យជាប្រាក់ពី ៥០០.០០០រៀល ដល់ ២.០០០.០០០រៀល ដោយពុំទាន់គិតពីបទល្មើសព្រហ្មទណ្ឌផ្សេងទៀតឡើយ៕

មន្ទីវប្បធម៌និងវិចត្រសិល្បៈខេត្តទទួលយកវត្ថុបុរាណពីស្នងការដ្ឋានគរបាលខេត្តកំពង់ឆ្នាំងមករក្សាទុក

Posted by Unknown on 12:59 AM with No comments

កំពង់ឆ្នាំង៖ វត្ថុបុរាណចំនួន៨មុខ ដែលត្រូវបានកម្លាំងនគរបាលព្រហ្មទ័ណ្ឌកំរិតធ្ងន់នៃស្នងការដ្ឋាននគរបាលខេត្ត ដកហូតពីលោកនាយកសាលាម្នាក់កាលពីថ្ងៃទី១២ ខែតុលាមក នៅរសៀលថ្ងៃទី១៣ ខែ តុលាឆ្នាំ២០១៤ ត្រូវបានលោកស្នងការរង ទទួលបន្ទុកការិយាល័យកណ្តាលយុត្តិធម៌ ប្រគល់ជូនទៅលោកសុខធួកប្រធានមន្ទីរវប្បធម៌ ដើម្បីរក្សាទុកដោយមានមន្ត្រីនគរបាលខេត្ត និងមន្ត្រីមន្ទីរព័ត៌មានខេត្ត ជាច្រើនរូបទៀតបានចូលរួមក្នុងពិធិប្រគល់ទទួលនេះ។ លោក សុខ ធួក ប្រធានមន្ទីរវប្បធម៏និងវិចិត្រសិល្បៈខេត្ត បាននិយាយអោយដឹងថាៈ វត្ថុបុរាណទាំង៨មុខមាន១, ព្រះវិស្នុ ធ្វើអំពីថ្ម ដាច់ដៃទាំងសងខាង និងមានតមួយកំណាត់ជើងពីស៊ីម៉ង់ ២, ព្រះឥសូ

ធ្វើពីលោហៈ ៣, ព្រះគណេស ខ្លួនមនុស្សក្បាលដំរី ធ្វើពីថ្មកែវ ៤, ព្រះទ្រង់គ្រឿង ខ្លះហៅព្រះសិអារ្យមេត្រី ធ្វើពីថ្មកែវ ៥,ព្រះពុទ្ឋសមាធិ ធ្វើពីថ្មកែវ ៦, ព្រះខន្ត័ ធ្វើពីលោហៈ ៧ ពូថៅបុរាណ ធ្វើពីលោហៈ និង៨,ទម្រព្រះបដិមារធ្វើមិនទាន់ហើយធ្វើពីថ្មកែវ ។ លោកប្រធានមន្ទីរវប្បធម៏ និងវិចត្រសិល្បៈ បានបន្តថាៈ វត្ថុទាំងនោះជារបស់ ( គុបពី ) ធ្វើចម្លងមិនមែនជារបស់បុរាណពិតប្រាកដឡើយ តែទោះយ៉ាងនេះក្តី ក្រោយពីទទួលបានវត្ថុទាំងនេះ មន្ទីររបស់លោកនឹងយកទៅរក្សាទុក ក្នុងសារៈមន្ទីររបស់មន្ទីរវប្បធម៌ខេត្តអោយបានល្អមិនអោយបាត់បង់ឡើយ។ សូមបញ្ជាក់ថាៈ កាលពីថ្ងៃទី០៤ ខែ តុលា ឆ្នាំ ២០១៤ មានមនុស្សម្នាក់បានយកវត្ថុបុរាណ ជាច្រើនមុខ ទៅផ្ញើរនិង លោកគ្រូបង្រៀនម្នាក់ ឈ្មោះ សយ កែវ ជានាយកសាលាបឋមសិក្សាក្តុល ស្ថិតក្នុងភូមិក្តុល ឃុំក្រាំងស្គារ ស្រុកទឹកផុស ហើយលោកនាយកសាលានោះព្រមទទួលបញ្ញើទាំងនោះ ដោ យបានរក្សា ទុកនៅទីចាត់ការសាលា។ក្រោយពីទទួលបានព័ត៌មាននេះនៅរសៀលថ្ងៃទី ១២ ខែតុលា ឆ្នាំ២០១៤ លោក ប៉ុល វុទ្ឋី ស្នងការរង ទទួលបន្ទុកការិយាល័យលកណ្តាលយុត្តិធម៌ខេត្ត បានបញ្ជារអោយលោក ឌុច ចំរើន នាយការិយាល័យនគរបាលព្រហ្មទ័ណ្ឌកំរិតធ្ងន់នៃ ស្នងការដ្ឋាននគរបាលខេត្តដឹកនាំ មន្ត្រីនគរបាលក្រោមឱវាទចុះទៅពិនិត្យស្រាវជ្រាវមើល។ ក្រោយពីសាកសួរលោកនាយកសាលារូបនោះរកប្រភពម្ចាស់វត្ថុបុរាណ និងក្រោយពីបានធ្វើការអប់រំរួចមក លោកនាយកសាលាបានស័គ្ម្រចិត្តប្រគល់វត្ថុបូរាណទាំងអស់នោះជូនសមត្ថកិច្ច ហើយសមត្ថកិច្ចក៏បាននាំយកវត្ថុបូរាណទាំងនោះយកមករក្សាទុកក្នុងស្នងការដ្ឋាននគរបាលខេត្ត។បន្ទាប់ពីបានសុំយោបល់ថ្នាក់លើរួចមក នៅរសៀលថ្ងៃទី១៣ ខែ តុលា ឆ្នាំ២០១៤ លោក ប៉ុល វុទ្ធី ស្នងការរងនគរបាលខេត្តបានធ្វើពីធីប្រគល់វត្ថុបូរាណទាំង៨មុខនេះ ជូនលោក សុខ ធួក ប្រធានមន្ទីរវប្បធម៏ និងវិចត្រសិល្បៈ ខេត្ត យកទៅរក្សាទុកក្នុងសារៈមន្ទីររបស់ខេត្ត៕

ចាប់ឃាតករម្នាក់ដែលបានសម្លាប់អ្នកកាសែតមាគ៌ាកម្ពុជាម្នាក់កាលពីជាង៩ខែមុន

Posted by Unknown on 12:49 AM with No comments

កំពង់ឆ្នាំង៖ ឃាតករម្នាក់ក្នុងចំណោមបក្ខពួក៥នាក់ត្រូវបានសមត្ថកិច្ចចាប់ខ្លួនបានក្រោយពីរូប

គេនិងបក្ខពួកបានសម្លាប់អ្នកកាសែតម្នាក់ កាលពីជាង៩ខែមុន។ករណីចាប់ខ្លួនឃាតរអស់លក្ខ័

ខាងលើនេះបានធ្វើឡើងនៅម៉ោង៩និង៣០នាទីព្រឹកថ្ងៃទី១៤ ខែតុលា ឆ្នាំ២០១៤ នៅក្នុងមូល

ដ្ឋានជនល្មើសស្ថិតក្នុងភូមិក្បាលកន្លង់ ឃុំពាមឆ្កោក ស្រុកជលគីរី ខេត្តកំពង់ឆ្នាំង។ លោក ឌុច ចំរើន នាយការិយាល័យនគរបាលព្រហ្មទ័ណ្ឌកំរិតធ្ងន់ខេត្តបានអោយដឹងថា៖

ឃាតករដែលសមត្ថកិច្ចចាប់ខ្លួននេះមានឈ្មោះ យ៉ង ភាឡេង អាយុ៣៦ឆ្នាំ រស់នៅក្នុងភូមិឃុំ

ដែលបានចាប់ខ្លួនខាងលើ។ចំណែកជនរងគ្រោះឈ្មោះ សួន ច័ន្ទអាយុ៤៨ឆ្នាំ ជាភ្នាក់ងារកា

សែតមាគ៌ាកម្ពុជារស់នៅក្នុងភូមិឃុំជាមួយជនល្មើសជាឃាតករ។ សមត្ថកិច្ចនគរបាលស្រុកជលគីរីដែលបានសហការគ្នាជាមួយនគរបាលព្រហ្មទ័ណ្ឌកំរិតធ្ងន់ខេត្តចាប់ជនជាឃាតករខាងលើនេះក្នុងពេលនាំខ្លួនជនល្មើសមកកាន់ស្នងការនគរបាលខេត្តបាននិយាយអោយដឹងថា៖នៅក្នុងថ្ងៃកើតហេតុទី៣១ ខែមករា ឆ្នាំ២០១៤ វរលាម៉ោងប្រមាណ៨និង៣០នាទីយប់ ជនរងគ្រោះនិងមិត្តភ័ក្រ២ទៅ៣បាននាំគ្នាផឹកស៊ីនៅមុខផ្ទះ ខណៈនោះក្រុមជនល្មើសមានគ្នា៦នាក់ដើរកាត់មុខផ្ទះ បានលួចគប់ដុំថ្មចូលក្នុងវង់ផឹករបស់ជនរងគ្រោះពេលនោះបានចេញមកសួរនាំ ក៏មានការឈ្លោះប្រកែកគ្នាហើយក៏ត្រូវក្រុមជនល្មើសព្រួតគ្នាយកដុំវាយមកលើជនរងគ្រោះបណ្តាលអោយមានរបួសយ៉ាងធ្ងន់ធ្ងរ។ ក្រោយពេលបង្កហេតុជនល្មើសបាននាំគ្នារត់ចេញបាត់ពីមូលដ្ឋានរហូតមក។ចំណែកជន

រងគ្រោះត្រូវបានក្រុមគ្រួសារដឹកបញ្ជូនមកកាន់មន្ទីរពេទ្យខេត្ត និងបានបញ្ជូនបន្តទៅកាន់មន្ទីរ

ពេទ្យក្រុងភ្នំពេញ ព្រោះតែរបួសធ្ងន់ធ្ងរ និងបានស្លាប់នីថ្ងៃទី២ ខែមករា ឆ្នាំ២០១៤ នៅក្នុងមន្ទីរ

ពេទ្យក្រុងភ្នំពេញ។ករណីវាយសម្លាប់អ្នកកាសែតខាងលើនេះត្រូវបានគេសន្និដ្ឋានថា៖ជនល្មើ

លនិងបក្ខពួកមានគំនុំព្រោះតែអ្នកកាសែតជាជនរងក្រោះធ្លាប់បានចុះផ្សាយបទល្មើសពួកគេក្នុងទំព័រកាសែត។ ជនជាឃាតកររូបនេះក្រោយពីបានរត់គេចខ្លួនបាត់ពីមូលដ្ឋាន លោក សុទ្ធ សំអោក ជាចៅក្រមស៊ើបសួរបានចេញដីកាចាប់ខ្លួនលេខ ៣៥,១៤ចុះថ្ងៃទី១៦ ខែមិថុនា ឆ្នាំ២០១៤ បង្គាប់

អោយចាប់ខ្លួន ទើបសមត្ថកិច្ចតាមប្របាញ់ចាប់ខ្លួនបាននៅថ្ងៃទី១៤ ខែតុលា ឆ្នាំ២០១៤នេះ។ ជនល្មើសរូបនេះត្រូវបានសមត្ថកិច្ចបញ្ជូនខ្លួនទៅកាន់សាលាដំបូងខេត្ត នៅល្ងាចថ្ងៃទី១៤ខែតុលា ឆ្នាំ២០១៤ នេះហើយដើម្បីអោយលោកចៅក្រមចាត់ការបន្តតាមនិតិវិធីច្បាប់៕

ថ្នាក់ដឹកនាំខេកំពង់ធំគោរព ព្រះវិញ្ញាណក្ខន្ធ ព្រះបរមរតនកោដ្ឋ គម្រប់ខួប២ឆ្នាំ

Posted by Unknown on 12:32 AM with No comments

ថ្ងៃទី១៥ ខែតុលា ឆ្នាំ២០១៤នេះ ប្រជាពលរដ្ឋទូទាំងប្រទេស ក៏ដូចជាមន្ត្រីរាជការខេត្តកំពង់ធំ មន្ទីរ ស្ថាប័ន បានរៀបចំពិធីរំលឹកខួប ២ឆ្នាំ នៃការយាង ចូលទីវង្គតរបស់ បរមរតនកោដ្ឋ ព្រះករុណា ព្រះបាទសម្តេច ព្រះនរោត្តមសីហនុ ព្រះមហាវីរក្សត្រ ព្រះវររាជបិតា ឯករាជ្យបូរណ ភាពទឹកដី និងឯកភាពជាតិខ្មែរ ដែលបានលះបង់ព្រះកាយពល ព្រះបញ្ញាញាណ ក្នុងព្រះរាជសកម្មភាព ដើម្បី បុព្វហេតុ ឯករាជ្យ ជាតិ បូរណភាពទឹកដី ផ្សះផ្សារជាតិ បង្រួបបង្រួមជាតិ និងអភិវឌ្ឍលើគ្រប់វិស័យ ថ្នាក់ដឹកនាំ ក្រុមប្រឹក្សា ខណ្ឌ ថ្នាក់ដឹកនាំ គណៈអភិបាល ខណ្ឌមានជ័យ ក៏បានរៀបចំពិធីគោរព ព្រះវិញ្ញាណក្ខន្ធ ព្រះបរម រតនកោដ្ឋ គម្រប់ ខួប២ឆ្នាំ ផងដែរ ។ អញ្ជើញជាអធិបតីភាព នៅក្នុងពិធីគម្រប់ខួប២ឆ្នាំ នៃការយាងចូលព្រះទិវង្គត របស់ ព្រះបរមរតនកោដ្ឋ នា ថ្ងៃទី១៥ ខែតុលា ឆ្នាំ២០១៤ រួមមាន ប្រធានក្រុមប្រឹក្សាខេត្ត លោក ឈុន ឈន់ អភិបាល នៃគណៈអភិបាលខេត្តកំពង់ធំ លោក អ៊ុត សំអន និងមានការអញ្ជើញចូលរួម ពីអភិបាល រងខេត្តសមាជិក ក្រុមប្រឹក្សាខេត្ត មន្ទីរ ស្ថាប័ន នានា និង ប្រជាពលរដ្ឋ ជាច្រើននាក់ផងដែរ ។

សូមបញ្ជាក់ថា ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណ ភាពទឹកដី និងឯកភាពជាតិខ្មែរ ព្រះអង្គប្រសូតនៅថ្ងៃអង្គារ ១១កើត ខែកត្តិក ឆ្នាំច ចត្វាស័ក ព.ស.២៤៦៥ ត្រូវ នឹងថ្ងៃទី៣១ ខែតុលា ឆ្នាំ១៩២២។ ព្រះអង្គបានយាងចូលព្រះទិវង្គតនៅថ្ងៃចន្ទ ១៥រោច ខែភទ្របទ ឆ្នាំរោង ចត្វា ស័ក ព.ស.២៥៥៦ ត្រូវនឹងថ្ងៃ ទី១៥ ខែតុលា ឆ្នាំ២០១២ ក្នុងព្រះជន្មាយុ៩០ព្រះវស្សា ដោយទទួល ព្រះបរម បច្ឆាមរណនាម «ព្រះបរមរតនកោដ្ឋ»៕

យុវជនម្នាក់រងបួសធ្ងន់ធ្ងរក្នុងហេតុការណ៏គ្រោះថ្នាក់ចរាចរណ៏

Posted by Unknown on 12:25 AM with No comments

កាលពីថ្ងៃទី១៤ ខែតុលា ឆ្នាំ២០១៤ វេលាម៉ោង១២និង៣០នាទី គឺមានរថយន្តដឹកសាំងរបស់ក្រុមហ៊ុនសូគីម៉ិច១គ្រឿង ម៉ាក Dong Fing ពណ៍ក្រហមលាយលឿងឆ្នូតស ពាក់ស្លាក លេខ ភ្នំពេញ3C-6019 បានបុកពេញទំហឹងខណៈពេលធ្វើដំណើច្រាស់ទីសគ្នា ក្នុង ល្បឿនលឿនគួរសម ជាមួយម៉ូតូម៉ាក YAMAHA NEK ពណ៍ ត្រួយចេក គ្មានស្លាកលេខ បើកបរដោយ យុវជនម្នាក់ឈ្មោះ គឹម មេសា ភេទប្រុសអយុ១៧ឆ្នាំ រស់នៅ ភូមិ ត្រស់សាលា សង្កាត់ស្វាយក្រវ៉ាន ក្រុងច្បារមន ខេត្តកំពង់ស្ពឺ បណ្តាលឱ្យអ្នកបើកម៉ូតូរងរបួសធ្ងន់ធ្ងរ។ ករណីគ្រោះថ្នាក់ចរានេះបានកើតឡើងនៅតាមបណ្តោយផ្លូវជាតិលេខ៤ចន្លោះគីឡូម៉ែត្រ៤៦និង៤៧ ស្ថិតក្នុងភូមិសំណង សង្កាត់រកាធំ ក្រុងច្បារមន ខេត្តកំពង់ស្ពឺ។បើតាមសាក្សីដែលឃើញហេតុកាណ៍ផ្ទាល់ភ្នែកបានឱ្យដឹងថា៖ ម៉ូតូម៉ាកYAMAHA NEK ពណ៍ត្រួយចេកបើកបរដោយយុវជនខាងលើបានបើកបរពីទិសខាងកើតទៅទិសខាងលិច។ ចំណែក រថយន្តដឹកសាំង ម៉ាកDong Fing ពណ៍ក្រហមលាយលឿងឆ្នូតសពាក់ស្លាកលេខ ភ្នំពេញ3C.6019 បើកពីទិសខាងលិចឆ្ពោះទៅទិសខាងកើត មកដល់ត្រង់ចំណុចខាងលើក៍បានបុកនិងម៉ូតូ។ អ្នកបើកបររថយន្តបង្កបានកិចខ្លួនបាត់ស្រមោលបន្ទាប់ពីបានដឹងថាខ្លួនបានបុកម៉ូតូរួចមក ។ប្រភពបានបន្តទៀតថា ម៉ូតូបានបើកមកដល់ចំណុចកើតហេតុ ក៏គេចរថយន្តមួយផ្សេងទៀតដែលបត់នៅខាងមុខ ខណៈពេលនោះក៍រថយន្តដឹកសាំងក៏បានមកដល់ ក៍បានបុកម៉ូតូពេញទំហឹង បណ្តាលឱ្យអ្នកបើកម៉ូតូរងរបួសធ្ងន់តែម្តង។ ជនរងគ្រោះក៍បានសាច់ញ្ញាតិយកទៅសង្គ្រោះបន្ទាន់នៅរាជភ្នំពេញ ចំណែកវត្ថុតាង ទាំងរថយន្តនិងម៉ូតូត្រូវនគរបាលចរាចរណ៍ជើងគោកខេត្តយកទៅរក្សាទុករងចាំដោះស្រាយនៅពេលក្រោយ។

កម្មករផ្សារដែកពីរនាក់ត្រូវឆក់ចរន្តអគ្គិសនី រងរបួសយ៉ាងដំណំ បន្ទាប់ពីពួកគេលើក ដែកទីបទៅបះនឹងខ្សែភ្លើងតាមបណ្តោយផ្លូវ

Posted by Unknown on 12:21 AM with No comments

មនុស្សពីរនាក់បានស្ទើរតែបាត់បង់ជីវិតដោយសារឆក់ចរន្តអគ្គិសនីក្នុងខណៈពេលដែលមនុស្សទាំងពីរនាក់ដែលជាកម្មករផ្សារដែកនោះបានឡើងលើដំបូលដែលទើបសង់ជាគ្រោងដើម្បីផ្សារហើយបានយកដែកទីបបួនជ្រុងទៅប៉ះនិងខ្សែភ្លើងធំដែលអូសតាមបណ្ដោយផ្លូវជាតិលេខ៤បណ្ដាយអោយឆក់រងរបួសយ៉ាងធ្ងន់ធ្ងរ។

ជនរងគ្រោះ០១ ឈ្មោះ ងិន កុសល ភេទប្រុស អាយុ២៣ឆ្នាំ។ ០២ ឈ្មោះ យន់ ភាស់ ភេទប្រុស អាយុ២១ឆ្នាំអ្នកទាំងពីរមានមុខរបរផ្សារដែកជាក្រុមជាងមកពីខេត្តកំពត មានទីលំនៅ ភូមិដូង ឃុំស្ទឹងកែវ ស្រុកទឹកឈូ ខេត្តកំពត។ កើតហេតុនៅម៉ោង២និង១៥នាទីល្ងាចថ្ងៃទី១៥ ខែតុលា ឆ្នាំ២០១៤ នៅតាមបណ្ដោលផ្លូវជាតិលេខ៤ មុខវិទ្យាល័យហ៊ុនសែនវាលរេញ ស្ថិតក្នុងក្រុម១៩ ភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។ ដែលមានម្ចាស់ផ្ទះឈ្មោះ ទាវ ឡេង ភេទស្រី មានមុខងារគ្រូបង្រៀន។ ជនរងគ្រោះទាំងពីរនាក់ត្រូវបានគេជួយសង្រ្គោះដោយកប់ខ្សាច់និងចាក់ស្រាសអស់ជាច្រើនលីត្រចំណាយពេលជាង២ម៉ោងទើបបញ្ជូនទៅមន្ទីរពេទ្យដោយអាការៈអ្នករងគ្រោះរាងធូបន្តិច។

ពលរដ្ឋមានជម្លោះដីធ្លីចំនួនដប់សហគមន៍ប្រមូលផ្តុំគ្នាតវ៉ានៅសាលាខេត្តព្រះសីហនុ

Posted by Unknown on 2:28 AM with No comments

យ៉ាងហោចណាស់ក៏មានប្រជាពលរដ្ឋមានជម្លោះដីធ្លីយូរអង្វែងប្រមាណជាង៤០០នាក់តំណាងឲ្យពលរដ្ឋ១១០៥គ្រួសារមកពីសហគមន៍ចំនួនដប់ក្នុងខេត្តព្រះសីហនុលើកគ្នាមកតវ៉ានៅមុខសាលាខេត្តព្រះសីហនុកាលពីព្រឹកថ្ងៃទី១៣ ខែតុលាឆ្នាំ២០១៤នេះដោយពួកគាត់អះអាងថាបញ្ហារជម្លោះដីធ្លីនិងបានបណ្តេញចេញនិងរុះរើលំនៅដ្ឋានចាប់តាំងពីឆ្នាំ២០០៥កន្លងមកហើយមិនទទួលបាននូវដំណោះស្រាយសមរម្យណាមួយពីសំណាក់អាជ្ញាធរមូលដ្ឋាន អាជ្ញាធរស្រុក,ខេត្តនិងស្ថាបន្ត័ពាក់ពន្ធ័ណាឡើយ។ ប្រជាពលរដ្ឋប្រមាណជាង៤០០នាក់បានអះអាងថា គោលបំណងសំខាន់ពេលនេះគឺធ្វើការតវ៉ាដាក់ញត្តិនិងសំណូមពរឲ្យអភិបាលខេត្តថ្មីជួយដោះស្រាយជួនពួកគាត់ សារជាថ្មី បន្ទាប់ពីជម្លោះដីធ្លីនោះមានការអូសបន្លាយជាយូឆ្នាំកន្លងមក។ សហគមន៍ដែលពលរដ្ឋខាងលើអះអាងនោះរួមមាន សហគមន៍កំពេញ សហគមន៍ព្រែកត្រែង,សហគមន៍កសិករអូរកម្ពុជា, សហគមន៍ស្ពានឆេះ, សហគមន៍ក្បាលហុងទឹក,សហគមន៍វាសចន្ទី, សហគមន៍អន្លង់ត្រី, សហគមន៍ឃ្លាំងលើ, សហគមន៍សេអ៊ីប្រាំ,និងសហគមន៍អូរដំរី។ មន្ត្រីសាលាខេត្តព្រះសីហនុបានប្រាប់ឲ្យដឹងថា សាលាខេត្តព្រះសីហនុបានអនុញ្ញាតិឲ្យតំណាងពលរដ្ឋចំនួន១៥នាក់និងសង្គមស៊ីវិលមួយចំនួនចូលជួបជាមួយលោកអភិបាលខេត្តដើម្បីធ្វើសេចក្តីរាយការណ៍ព្រោះលោកអភិបាលខេត្តថ្មីគាត់ទើបអញ្ជើញមកមិនបានដឹងរឿងរ៉ាវរបស់បងប្អូននៅឡើយទេ ៕

“កំពង់ផែស្វយ័តក្រុងព្រះសីហនុ កូនសោរគន្លឹះ នៃកំណើនសេដ្ឋកិច្ចជាតិ”

Posted by Unknown on 2:22 AM with No comments

កំពង់ផែស្វយ័តក្រុងព្រះសីហនុ ជាកំពង់ផែសមុទ្រអន្តរជាតិធំជាងគេនៅក្នុងចំណោមកំពង់ផែសមុទ្រនានា របស់ព្រះរាជាណាចក្រកម្ពុជា ។
ក្រោមការដឹកនាំដ៏ត្រឹមត្រូវ និង ប្រកបដោយគតិបណ្ឌិត របស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខកំពង់ផែស្វយ័តក្រុងព្រះសីហនុ បានខិតខំប្រឹងប្រែងឥតឈប់ឈរក្នុងការស្តារ និង អភិវឌ្ឍន៍កសាងហេដ្ឋារចនាសម្ព័ន្ធ រូបវន្ត ក៏ដូចជាការពង្រឹងសមត្ថភាពស្ថាប័ន និង មន្ត្រីនិយោជិតរបស់ខ្លួន ក្នុងន័យជំរុញអោយកំពង់ផែស្វយ័តនេះបានដើរតួនាទីយ៉ាងសក្តិសមជាកូនសោរគន្លឹះនៃកំណើនសេដ្ឋកិច្ចជាតិ ។
លោក ម៉ា ស៊ុនហួត អគ្គនាយករងកំពង់ផែស្វយ័តក្រុងព្រះសីហនុ ទទួលបន្ទុកផែនបច្ចេកទេស បានគូសបញ្ជាក់អោយដឹងថា បច្ចុប្បន្ននេះ កំពង់ផែបាននិងកំពុងប្រតិបត្តិការនូវសេវាកម្មសំខាន់ៗចំនួន ០៥ រួមមាន ៖ សេវានាំនាវាចេញ ចូល សេវាផ្ទេរផ្ទុកទំនិញ សេវាដឹកជញ្ជូនទំនិញ សេវាទុកដាក់ទីលានកុងទីន័រ និង សេវាតំបន់សេដ្ឋកិច្ចពិសេស។
ចំពោះលទ្ធផលសកម្មភាព នៅក្នុងរយៈពេល ០៩ ខែ ឆ្នាំ ២០១៤ របស់កំពង់ផែស្វយ័តក្រុងព្រះសីហនុ លោក ម៉ា ស៊ុនហួត មានប្រសាសន៍យ៉ាងដូច្នេះថា ៖ សម្លេងដើម
ជាការពិតណាស់ កត្តាសុខសន្តិភាព ស្ថេរភាពនយោបាយដ៏ពេញលេញ នៅទូទាំងប្រទេសគឺជាមូលដ្ឋានគ្រឹះពុំអាចខ្វះបានសម្រាប់ប្រជាជាតិនីមួយៗ ក្នុងការជំរុញកិច្ចអភិវឌ្ឍន៍ហេដ្ឋារចនាសម្ព័ន្ធសង្គមជាតិលើគ្រប់វិស័យ អោយមានការរីកចម្រើនលូតលាស់ ស្របតាមការវិវត្តន៍នាយុគ្គសម័យទំនើបភាវូបនីយកម្មទាំងនៅក្នុងតំបន់ និង ពិភពលោក ។
លោក ម៉ា ស៊ុនហួត ក៏បានសំដែងនូវក្តីសុទិដ្ឋិនិយម ចំពោះគំរោងអភិវឌ្ឍន៍សំខាន់ៗរបស់កំពង់ផែស្វយ័តក្រុងព្រះសីហនុ ដែលនឹងចូលរួមចំណែក នាំមកនូវការរីកចំរើនខឿនសេដ្ឋកិច្ចជាតិ ក៏ដូចជា ការកាត់បន្ថយភាពក្រីក្ររបស់ប្រជាពលរដ្ឋកម្ពុជា យ៉ាងដូច្នេះថា ៖ (សម្លេងដើម)

បុរសជនជាតិរ៉ុស្ស៊ីម្នាក់ផឹកស្រាស្រវឹងខ្លាំងទាស់ពាក្យសំដីជាមួយមិត្តភ័ក្តជនជាតិដូចគ្នា បានបើករថយន្តលឿនដូចហោះមិនប្រយ័ត្នជ្រុលបុកទ្រូងផ្លូវប៉ះត្រូវម៉ូតូនិងរថយន្តពីរគ្រឿងទៀត

Posted by Unknown on 2:19 AM with No comments

បុរសជនជាតិរ៉ុស្ស៊ីម្នាក់ផឹកស៊ីស្រវឹងខ្លាំងទាស់សំដីគ្នាជាមួយមិត្តភក្តិបានបើករថយន្តមួយគ្រឿងលឿនដូចព្យុះមកដល់កន្លែងកើតហេតុក៏ជ្រុលចង្កូតហោះទៅបុកឃឿនចែកទ្រូងផ្លូវរថយន្តបានផ្លោងចំងាយប្រហែលជិតហារសិបម៉ែត្រ ទៅប៉ះនិងម៉ូតូមួយគ្រឿងដាច់ជាពីររួចបានបុកប៉ះនិងរថយន្តមួយគ្រឿងទៀត ដែលកំពុងតែចតនៅស្ងៀមបណ្តាលឲ្យក្រឡាប់ផ្ងាជើងម្ចាស់បើកបររថយន្តនិង អ្នករួដំណើរពីរនាក់ផ្សេងទៀតជនជាតិដូចគ្នាបានលូនចេញក្រៅ ដោយសុវត្ថិភាព។ហេតុការគ្រោះថ្នាក់ចរាចរណ៍បង្ករឡើងដោយរថយន្តជនជាតិរ៉ុស្ស៊ីនេះបានកើតឡើងកាលពីវេលាម៉ោង១២និង២០រំលងអាធ្រាត្រឈានចូលថ្ងៃទី១២ ខែតុលា ឆ្នាំ២០១៤ ត្រង់ចំណុចក្បែរស្ថានីយ៍ប្រេងឥន្ទនៈកាល់តិច ស្ថិតក្នុងភូមិ២ សង្កាត់២ ក្រុងខេត្តព្រះសីហនុ។ សាក្សីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងបើកយ៉ាងលឿនដូចហោះមិនខុសពីរថយន្តសម្តែងក្នុងរឿងតារាហូលីវូតនោះទេ មកដល់ចំណុចកើតហេតុក៍បានជ្រុលចង្កូតទៅបុកខឿនចែកទ្រូងផ្លូវរួចក៏បានហោះផ្លោងទៅបុកនឹងម៉ូតូមួយគ្រឿងដែលគ្នាកំពុងជិៈមិនដឹងអីផងហើយក៏បានទៅបុកនិងរថយន្តមួយគ្រឿងទៀតដែលកំពុងចតចោលនៅមុខផ្ទះបណ្តាលរថយន្តបង្ករក្រឡប់ផ្ងារជើងព្រឹតិ្តការណ៍នេះពិតជារន្ធត់ណាស់។ប្រភពពីសមត្ថកិច្ចនគរបាលចរាចរណ៍បានអោយដឹងថារថយន្តបង្ករម៉ាក វ៉ុកវ៉ូ ពណ៌ស ពាកស្លាកលេខ ព្រះសីហនុ2A-4459ជិៈគ្នាបីនាក់ជនជាតិរ៉ុស្ស៊ីដូចគ្នាទិសដៅពីលិចទៅកើត បើកបរដោយបុរសជនជាតិរ៉ុស្ស៊ីម្នាក់ឈ្មោះ សាមូខ្វាឡូ ដិននីស ភេទ ប្រុស អាយុ៣៦ មុខរបរ ភ្ញៀវទេសចររយៈពេលវែង ស្នាក់នៅភូមិ៣សង្កាត់៣ ក្រុងខេត្តព្រះសីហនុ។ បានហោះផ្លោងទៅបុកជាមួយម៉ូតូមួយគ្រឿងទៀតម៉ាកវេវស្វិតពណ៌ស្លែគ្មានស្លាកលេខ ធ្វើដំណើរទិសដៅពីកើតទៅលិច បើកបរដោយបុរសឈ្មោះ ស៊ុន ចំណាប់ ភេទប្រុស អាយុ ២១ ឆ្នាំ ជាសិស្សថ្នាក់ទី១២ នៃវិទ្យាល័យហ៊ុនសែនមិត្តភាព ក្រុងព្រះសីហនុ និងជិតដល់ថ្ងៃប្រឡងសញ្ញាប័ត្រមធ្យមសិក្សាទុតិយភូមិលើកទី២នៅថ្ងៃស្អែកនេះ។ ឥឡូវត្រូវបានរងរបួសជាទម្ងន់គឺផុងលលាដ៍ក្បាលមិនដឹងជាយ៉ាងណានោះទេ។បុរសវ័យចំណាស់ម្នាក់មានឈ្មោះ ស៊ុន មុះ អាយុ ប្រហែលជាជាងហាសិបឆ្នាំបាននិយាយទាំងអារម្មណ៍ក្តុកក្តួលថាជនរងគ្រោះខាងលើគឺជាកូនទី៥ក្នុងចំណោមបងប្អូន៦នាក់ហើយសព្វថ្ងៃរស់នៅក្នុង ភូមិ៥ សង្កាត់៤ ក្រុងព្រះសីហនុ ប្រពន្ធស្លាប់ចោលទើបតែបានរយៈពេលមួយសប្តាហ៍ឥឡូវកូនប្រុសក៏បានទទួលរងគ្រោះថ្នាក់ចរាចរណ៍ជាទម្ងន់ទៀតរូបគាត់ស្ទើរតែចង់ឆ្គួតទៅហើយ។ រថយន្តបង្ករដដែលបានហោះទៅបុករថយន្តមួយគ្រឿងទៀតម៉ាកត្រាយថុន ពណ៌ទឹកប្រាក់ពាក់ស្លាកលេខភ្នំពេញ2F-7826កំពុងចត ទុកនៅមុខផ្ទះយ៉ាងពេញទំហឹងបណ្តាលឲ្យខូចខាតផ្នែកខាងក្រោយផងដែរ។ ក្រោយពេលកើតហេតុជនរងគ្រោះត្រូវបានរថយន្តដឹកយកទៅសង្គ្រោះបន្ទាន់នៅមន្ទីរពេទ្យបង្អែកខេត្តព្រះសីហនុចំណែករថយន្តនិងម៉ូតូត្រូវបាននគរបាលចរាចរណ៍ធ្វើការវាស់វែងរួចយកទៅរក្សាទុកនៅការិយាល័យចរាចរណ៍ផ្លូវគោករងចាំការដោះស្រាយតាមផ្លូវច្បាប់ អ្នកបើកបររថយន្តខាងលើត្រូវបានសមត្ថកិច្ចជំនាញអោយផ្លុំវាស់ជាតិអាល់កុលទៅឃើញមានកំរិតដល់ទៅ ០,៥៥មីលីលីត្រឯណោះ។ គួរបញ្ជាក់ផងដែរ សម្រាប់ក្រុងព្រះសីហនុសព្វថ្ងៃមានជនបរទេសច្រើនធ្វើសកម្មភាពបើកបររថយន្តនិងទោចក្រយានយន្តយ៉ាងអានាធិបតេយ្យ ដោយមិនខ្លាចញញើតអំពីច្បាប់ចរាចរណ៍ជាពិសេសជនជាតិរ៉ុស្ស៊ីនេះឯងពេលណាសមត្ថកិច្ចនគរបាលចរាចរណ៍ធ្វើការឃាត់សាកសួរនៅពេលមានបញ្ហាគ្រោះថ្នាក់ចរាចរណ៍ម្តងៗគឺមានអ្នកធំកាងនៅពីក្រោយចេញមុខមកដោះស្រាយ កត្តាទាំងនេះហើយ ដែលធ្វើអោយសមត្ថកិច្ចជំនាញពាក់ព័ន្ធឈឺក្បាលនោះ៕

ពិធីបើកការដ្ឋានពង្រីកផ្លូវ៧មករា និងគម្រោងជួសជុលផ្លូវក្នុងក្រុង ផ្សេងទៀតសរុបចំនួន ១១ខ្សែ

Posted by Unknown on 2:11 AM with No comments

ព្រឹកថ្ងៃទី១០ ខែតុលា ឆ្នាំ២០១៤ មន្ទីរសាធារណះការ និងដឹកជញ្ជូនខេត្តព្រះសីហនុ បើកការដ្ឋានពង្រីកផ្លូវ៧ មករា និងវិថីក្រុងចំនួន ១១ខ្សែ ដែលជាថិវការរបស់សាលាខេត្តព្រះសីហនុ ក្រោមអធិបតីភាពឯកឧត្តម ឈិត សុខុន អភិបាលខេត្តព្រះសីហនុ និងមានការអញ្ញើញចូលរួមពីអភិបាលក្រុង មន្ត្រីរាជការជុំវិញខេត្ត ព្រមទាំងប្រជាពលរដ្ឋ ក្នុងសង្កាត់លេខ៤ ក្រុងព្រះសីហនុ ។
លោក ណុប ហេង ប្រធានមន្ទីរសាធារណះការ និងដឹកជញ្ជូនខេត្តព្រះសីហនុបានឲ្យដឹងថា ក្នុងឆ្នាំ២០១៤ មន្ទីរបានធ្វើការពង្រីក និងជួសជុលផ្លូវក្នុងក្រុងព្រះសីហនុបានចំនួន១១ខ្សែ ដែលមានប្រវែង៣.៨៧០ម៉ែត្រ ទំហំប្រមាណជា៣៤.៩៤៥ម៉ែត្រការ៉េ លូ៣៨០ម៉ែត្រ ព្រមទាំងការជួសជុលលុបសំបុកមាន់ ។ ពិសេសនៅព្រឹកនេះយើងបានបើកកាដ្ឋានពង្រីកផ្លូវវិថី០៧មករា ចាប់ពីភ្លើងស្តុបពេទ្យចំការចេក រហូតដល់ផ្លូវបំបែកកែងស្ថានីយប្រេងកាល់តិច មានប្រវែង ១.០៣៧ម៉េទ្រ ទទឹង ១៤ម៉ែត្រ ដែលជាថវិការបស់សាលាខេត្តព្រះសីហនុ និងនៅខែធ្នូខាងមុខ និងបើកការដ្ឋានពង្រីកផ្លូវមួយខ្សែបន្ថែមទៀតពីមុខការិយាល័យចរាចរផ្លូវគោក រហូតដល់ផែក្រុងព្រះសីហនុ ។
មានប្រសាសន៌ក្នុងពិធីបើកការដ្ឋានឯកឧត្តម ឈិត សុខុន បានគូសបញ្ជាក់ថា ខេត្តព្រះសីហនុជាខេត្តមានសក្តានុពលទេសច យើងត្រូវធ្វើរៀបចំកែលម្អរផ្លូវដើម្បីសម្រួលការធ្វើចរាចរណ៌ជូនភ្ញៀវទេសចរមកលេងកំសាន្តនៅក្នុងខេត្តព្រះសីហនុ ប្រជាពលរដ្ឋដែលជាម្ចាស់ផ្ទះសំណាក់ សណ្ឋាគារ និងភោជនីយដ្ឋានសប្បាយរីករាយនៅពេលដែលមានភ្ញៀវទេសចរមកលេងកំសាន្តច្រើន ពួកគាត់ត្រូវការទទួលទាននូវម្ហូបអាហាមានអនាម័យ ។ ក្នុងឆ្នាំ២០១៤នេះ ថវិការរបស់ខេត្តបានធ្វើផ្លូវចំនួន១១ខ្សែ ប្រវែង៣៨៧០ម៉ែត្រ និងគម្រោងថិវការបស់ឃុំ សង្កាត់ មាន២៦គម្រោងផ្សេងទៀត ។ ឯកឧត្តអភិបាលខេត្ត បានសំណូមពរឲ្យប្រជាពលរដ្ឋត្រូវចេះស្រឡាញ់ក្រុងព្រះសីហនុរបស់យើងដូចជាផ្ទះរបស់បងប្អូនផងដែរ ព្រោះពីមួយថ្ងៃទៅមួយថ្ងៃ យើងអភិវឌ្ឍនពីផ្លូវដីទៅជាផ្លូវបេតុង ដើម្បីឲ្យបងប្អូនមានផ្លូវបេតុងមួយឆ្នាំបន្តិចៗក្លាយជាទីក្រុងទេសចរ ហើយថវិកាក្នុងការធ្វើផ្លូវនេះគឺ រាជរដ្ឋាភិបាលបានទម្លាក់ឲ្យខេត្តជាអ្នកអនុវត្តន៌ និងនៅមាន១៥គម្រោងផ្សេងទៀតដែលត្រូវធ្វើនៅពេលខាងមុខ ។ ខេត្តព្រះសីហនុមានការអភិវឌ្ឍន៌រីកចំរើនផ្លូវល្អជឿនលឿន កាលណាផ្លូវមិនល្អ ជានិមិត្តរូបនៃការអភិវឌ្ឍន៌មិនទាន់បានល្អនៅឡើយ ។ សូមបងប្អូនដែលនៅសងខាងផ្លូវចូលរួមដាំដើមឈើដើម្បីកែលម្អរសោភណ្ឌភាព ព្រោះដើមឈើវាអាចស្រូបយកជាតិពុលអ៊ុកស៊ីតកាបូនិក និងបញ្ចេញនូវឧកស៊ីសែនមកវិញ ហើយជាតិពុលធ្វើឲ្យកើនកំដៅផ្ទះកញ្ចក់ ព្រមទាំងសូមឲ្យប្រជាពលរដ្ឋវេចខ្ចប់សំរាមដាក់ក្នុងថង់ផ្លាសស្ទិក កុំឲ្យហើរលើផ្លូវសាធារណះ និងជម្រុញឲ្យក្រុមហ៊ុនស៊ីនទ្រីប្រមូលសម្រាមដឹកជញ្ជូនឲ្យបានទាន់ពេលវេលា ដើម្បីចូលរួមប្រឡងប្រណាំងទីក្រុងស្អាត រមណីយដ្ឋានស្អាត សេវាល្អ ៕ ឯកឧត្តមបន្តថា ដោយផ្លូវជាតិលេខ៤ មានលក្ខណតូចចង្អៀត រាជរដ្ឋាភិបាលកម្ពុជាមានគម្រោងសាងសង់ផ្លូវដែលមានល្បឿនលឿនមួយខ្សែទៀតតភ្ជាប់ពីភ្នំពេញ មកកាន់ខេត្តព្រះសីហនុហើយគម្រោងនេះកំពុងកំពុងធ្វើការសិក្សាផងដែរ ៕

ឯកឧត្តម សឿ សុខណាល់ អញ្ជើញជាអធិបតីភាពក្នុងពិធី ប្រកាសតែងតាំងអភិបាលរងក្រុងច្បារមនថ្មី

Posted by Unknown on 1:41 AM with No comments

ពិធី ប្រកាសតែងតាំងអភិបាលរងក្រុងថ្មី ធ្វើឡើងនៅរសៀលថ្ងៃទី៧ខែតុលា ឆ្នាំ២០១៤ នៅសាលប្រជុំសាលាក្រុងច្បារមន។ក្រោមអធិបតីភាពឯកឧត្តម សឿ សុខណាល់ អភិបាលរងខេត្តតំណាងឯកឧត្តម អ៊ូ សំអួន អភិបាលខេត្តកំពង់ស្ពឺ និង មានការចូលរួមពីលោក លោកស្រី ប្រធាន អនុប្រធានក្រុមប្រឹក្សាក្រុង លោក លោកស្រីអភិបាល អភិបាលរងក្រុងច្បារមន លោក លោកស្រីប្រធាន ការិយាល័យអង្គភាពជុំវិញក្រុង លោកចៅសង្កាត់ មេប៉ុស្តិ៍ក្នុងក្រុង និងមន្ត្រីរាជការសាលាក្រុងជាច្រើន រូបទៀត ។ លោកស្រី ប៉ោក សេដ្ឋា អភិបាលក្រុងច្បារមន មានមតិស្វាគមន៍ និងបានលើកឡើងនូវលទ្ធផលសំខាន់ៗដែលបានសម្រេចកន្លងមករបស់ក្រុង មានការរីកចំរើនលើគ្រប់វិស័យ និងធានាបានសន្តិសុខ ស្ថេរភាពជូនប្រជាពលរដ្ឋចូលរួមចំណែកយ៉ាងសកម្មក្នុងការអនុវត្ត យុទ្ធសាស្ត្រតុកោណដំណាក់ទី៣ របស់រាជរដ្ឋាភិបាល ដើម្បីកាត់បន្ថយភាពក្រីក្ររបស់ប្រជាពលរដ្ឋ។ លោក សឿ ចន្ធី ប្រធានការិយាល័យគ្រប់គ្រងបុគ្គលិកសាលាខេត្តកំពង់ស្ពឺ បានអានប្រកាសលេខ ៣៤០១ ចុះ ថៃ្ងទី១៦ ខែកញ្ញា ឆ្នាំ២០១៤ របស់ក្រសួងមហាផៃ្ទ ត្រូវបានតែងតាំង លោក ម៉ម ចន្ទ័សិរីវឌ្ឍនៈ ឋានន្តរស័ក្តិអនុមន្ត្រី ថ្នាក់លេខ១៤ជាអភិបាលរងក្រុងច្បារមន ។ លោក ម៉ម ចន្ទ័សិរីវឌ្ឍនៈ អភិបាលរងក្រុងច្បារមនថ្មី បានឡើងធ្វើការប្តេជ្ញាចិត្តថា៖ នឹងខិតខំពង្រឹងសាមគ្គីភាពផ្ទៃក្នុងអោយបានល្អនៅក្នុងគណៈ អភិបាលក្រុង និងបណ្តាការិយា ល័យអង្គភាពជុំវិញក្រុង កងកំលាំងប្រដាប់អាវុធ អាជ្ញាធរមូលដ្ឋានគ្រប់សង្កាត់ ដោយឈរលើមូលដ្ឋានគោរពតាមបទដ្ឋាននានា និងច្បាប់របស់រដ្ឋ ការពាររដ្ឋធម្មនុញ្ញនៃរាជាណាចក្រកម្ពុជា រួមចំណែកពង្រឹងការអនុវត្តន៍គោលនយោបាយភូមិ ឃុំមានសុវត្ថិភាពទាំង៩ចំណុចអោយបានល្អប្រសើរ ។ យក ចិត្តទុកដាក់បំរើសេវាសាធារណៈជូនប្រជាពលរដ្ឋ ចូលរួមប្រឡងប្រណាំងកែរប្រែសោភ័ណ្ឌភាពរបស់ក្រុង ក្នុងទិសដៅអោយទីក្រុងស្អាត និងមានសេវាកម្មល្អ ។ ឯកឧត្តម សឿ សុខណាល់ អភិបាលរងខេត្តកំពង់ស្ពឺ បានមានប្រសាសន៍សំណេះសំណាល និងសង្កត់ធ្ងន់លើការអនុវត្ត គោលនយោបាយកំណែទម្រង់ស៊ីជំរៅរបស់រាជរដ្ឋាភិបាលនិងការបំរើផលប្រយោជន៍ ជូនប្រជាពលរដ្ឋ។ ឯកឧត្តម អភិបាលរងខេត្តកំពង់ឆ្នាំងក៏បានផ្ដាំផ្ញើដល់លោក ម៉ម ចន្ទ័សិរីវឌ្ឍនៈ អភិបាលរងក្រុងច្បារមនថ្មី ដែលទើបតែងតាំងថ្មីអោយខិតខំបំពេញភារកិច្ច អោយបានល្អ ក្នុងការអនុវត្តកម្មវិធីកំណែទម្រង់របស់រាជរដ្ឋាភិបាលនិតិកាលទី ៥នៃរដ្ឋសភា ដែលមានសម្តេចអគ្គមហាសេនាបតីតេជោហ៊ុន សែនជាប្រមុខ។ ការធ្វើកំណែទម្រង់ គឺមានសារៈសំខាន់ជាច្រើនចំពោះមន្ត្រីរាជការពិសេសគឺ ការលុបបំបាត់ភាពអសកម្ម លុបបំបាត់អំពើពុករលួយ និងមានតម្លាភាពចំពោះមន្ត្រីរាជការហើយសហការក្នុងជួរគណៈ អភិបាលក្រុង អាជ្ញាដែនដីគ្រប់លំដាប់ថ្នាក់ ឆ្ពោះទៅអភិវឌ្ឍន៍នៅមូលដ្ឋានដើម្បីរួមចំណែកយ៉ាងសកម្មសំដៅកាត់បន្ថយ ភាពក្រីក្ររបស់ប្រជាពលរដ្ឋ ៕

Queenco

ម្លប់ជ្រៃប៉ោកី

ទឹកពិសា ជីជី

ដែនសមុទ្រ

រក្សាមិត្ត

សាលាកសិកម្មឧកញ្ញាម៉ុង ឬទ្ធី

Friday, October 17, 2014

ការប្រកួតបាល់ទាត់ដណ្ដើមពានរង្វាន់អាយុលើ៣០ឆ្នាំ ឆ្នាំ២០១៤ នៅទីលាន Gold Sport

ឯកឧត្តម ឈិត សុខុន អភិបាល នៃគណៈអភិបាលខេត្តព្រះសីហនុ បានចូលរូមយុទ្ធនាកសំអាតឆ្នេរ(Koh Rong Clean Up Campaign)

Thursday, October 16, 2014

ពិធីគោរពវិញ្ញាណក្ខន្ធព្រះបរមរតនកោដ្ឋនរោត្តមសីហនុសូត្រមន្តរាប់បាត្របង្សុកូល

ប្រជាពលរដ្ឋឃុំពាមស្ម័គ្រចិត្តប្រគល់អាវុធកែឆ្នៃ៣៥ដើមជូនសមត្ថកិច្ច

មន្ទីវប្បធម៌និងវិចត្រសិល្បៈខេត្តទទួលយកវត្ថុបុរាណពីស្នងការដ្ឋានគរបាលខេត្តកំពង់ឆ្នាំងមករក្សាទុក

ចាប់ឃាតករម្នាក់ដែលបានសម្លាប់អ្នកកាសែតមាគ៌ាកម្ពុជាម្នាក់កាលពីជាង៩ខែមុន

ថ្នាក់ដឹកនាំខេកំពង់ធំគោរព ព្រះវិញ្ញាណក្ខន្ធ ព្រះបរមរតនកោដ្ឋ គម្រប់ខួប២ឆ្នាំ

យុវជនម្នាក់រងបួសធ្ងន់ធ្ងរក្នុងហេតុការណ៏គ្រោះថ្នាក់ចរាចរណ៏

Monday, October 13, 2014

ពលរដ្ឋមានជម្លោះដីធ្លីចំនួនដប់សហគមន៍ប្រមូលផ្តុំគ្នាតវ៉ានៅសាលាខេត្តព្រះសីហនុ

“កំពង់ផែស្វយ័តក្រុងព្រះសីហនុ កូនសោរគន្លឹះ នៃកំណើនសេដ្ឋកិច្ចជាតិ”

ពិធីបើកការដ្ឋានពង្រីកផ្លូវ៧មករា និងគម្រោងជួសជុលផ្លូវក្នុងក្រុង ផ្សេងទៀតសរុបចំនួន ១១ខ្សែ

Friday, October 10, 2014

ឯកឧត្តម សឿ សុខណាល់ អញ្ជើញជាអធិបតីភាពក្នុងពិធី ប្រកាសតែងតាំងអភិបាលរងក្រុងច្បារមនថ្មី

ពីស្ថានីយ៍វិទ្យុសឹង្ហមាស

Follow us on twitter

មាតិកា

ពត៌មានពេញនិយម

កំណត់ហេតុប្លុក

ស្ដាប់សំលេងពីFM 104 MHz

អ្នកទស្សនា

សឹង្ហមាស