2014-09-21 ~ វិទ្យុសឹង្ហមាស

Saturday, September 27, 2014

សិក្ខាសាលា ស្តីពីការជំរុញលើកទឹកចិត្ត ដល់សិស្សានុសិស្ស ត្រៀមប្រលងមធ្យមសិក្សាទុតិយភូមិ លើកទី ២ នៅខេត្តព្រះសីហនុ

Posted by Unknown on 12:59 AM with No comments

លោក កែវ ឡាយប្រធានមន្ទីរអប់រំយុវជន និង កីឡា ខេត្តព្រះសីហនុ មានប្រសាសន៏ថា ដើម្បីសំរេចគោលដៅក្នុងវេលាមួយ ចាំបាច់ដើម្បីផ្តល់ជាគំនិត ឬ ជាការបង្ហាញផ្លូវសម្រាប់សិស្សានុសិស្ស ទាំងអស់មានក្តីសង្ឃឹមក្នុងជីវិតរបស់ខ្លួន ត្រៀមចូលប្រលងសញ្ញាបត្រមធ្យមសិក្សាទុតិយភូមិ សម័យប្រលង ១៣ តុលា ២០១៤ ខាងមុខនេះអោយទទួលបានជោគជ័យ ទាមទារអោយមានការប្តេជ្ញាចិត្ត និង ការខិតខំទាំងអស់គ្នា ដើម្បីធានាបាននូវលក្ខណៈសម្បត្តិគ្រប់គ្រាន់ ក្នុងការជ្រើសរើសជំនាញសិក្សាបន្តនៅថ្នាក់ឧត្តមសិក្សា អោយបានត្រឹមត្រូវមានការរីកចំរើន ធានាបានទាំងប្រសិទ្ឋិភាព និង គុណភាព ។ លោកប្រធានមន្ទីរអប់រំយុវជន និង កីឡា ខេត្តព្រះសីហនុ មានប្រសាសន៏បែបនេះក្នុងឱកាសអញ្ជើញ ជាអធិបតីក្នុងសិក្ខាសាលាមួយ នៅមន្ទីរអប់រំយុវជន និង កីឡា ខេត្តព្រះសីហនុ កាលពីព្រឹកថ្ងៃទី ២៦ ខែ កញ្ញា ឆ្នាំ ២០១៤ ស្តីពីការជំរុញលើកទឹកចិត្តដល់សិស្សានុសិស្ស ត្រៀមប្រលងមធ្យមសិក្សាទុតិយភូមិ លើកទី ២ ។ លោក កែវ ឡាយ ប្រធានមន្ទីរអប់រំយុវជន និង កីឡាខេត្ត រួមនឹងអ្នកពាក់ព័ន្ឋ ក្នុងសិក្ខាសាលានេះ គោលបំណង់ចង់អោយសិស្សានុសិស្ មានចក្ខុវិស័យ និង ជ្រើសរើសទិសដៅរបស់ខ្លួនពិតប្រាកដ ក្រោយពេលទទួលលទ្ឋផលប្រលងសញ្ញាប័ត្រ មធ្យមសិក្សាទុតិយភូមិ បានប្រកាសជាផ្លូវការ សិស្សានុសិស្សទាំងអស់ ត្រូវតែខិតខំត្រង់ត្រាប់សណ្តាប់នូវចំណុចល្អៗ គន្លឹះសំខាន់ៗ និង បទពិសោធន៏ថ្មីៗ ដែលលោកគ្រូអ្នកផ្តល់ជូនត្រៀមខ្លួនប្រលងសញ្ញាប័ត្រមធ្យមសិក្សាទុតិយភូមិ និង ជ្រើសរើសបន្តការសិក្សានៅតាមគ្រឹះស្ថាន ឧត្តមសិក្សា និង ឈានចាប់អាជីពការងារសម្រាប់ជីវិតរបស់ខ្លួន ប្រកបដោយជោគជ័យ ៕

ភ្ញៀវទេសចរមកកំសាន្តនៅឆ្នេរសមុទ្រក្រុងព្រះសីហនុក្នុងឱកាសបុណ្យភ្ជុំបិណ្ឌមានចំនួនជិត៧ម៉ឺននាក់

Posted by Unknown on 11:08 PM with No comments

ព្រះសីហនុ ៖ លោក នូ សុផល ប្រធានមន្ទីរទេសចរណ៍ខេត្តព្រះសីហនុបានឲ្យដឹងថា ក្នុងអំឡុងពេលបុណ្យភ្ជុំបិណ្ឌឆ្នាំ២០១៤ រយៈពេល៣ថ្ងៃ គិតចាប់ពីថ្ងៃទី២២ ២៣ និងទី២៤ ខែកញ្ញាឆ្នាំនេះ ភ្ញៀវទេសចរមកកំសាន្តនៅខេត្តព្រះសីហនុមានចំនួន ៦៧.៦៨៥នាក់។ បើប្រៀបធៀបរយៈ ពេលបីថ្ងៃដូចគ្នានឹងឆ្នាំ២០១៣ មានការកើនឡើង ៧៦% ។ ចំណែកភ្ញៀវទេសចរបរទេស ដែលមកលេងកំសាន្តច្រើនជាងគេមានវៀតណាម និងចិន។ លោកប្រធានមន្ទីរទេសចរ បានបញ្ជាក់ឲ្យដឹងថា ការកើនឡើងនេះដោយសារមុនរដូវបុណ្យភ្ជុំបិណ្ឌ មន្ទីរបានធ្វើការអប់រំផ្សព្វផ្សាយជូនបងប្អូនដែលជាម្ចាស់ ឬអ្នកគ្រប់គ្រងអាជីវកម្មទេសចរណ៍ ជាពិសេសអ្នកលក់ដូរនៅតាមឆ្នេរសមុទ្រទាំងអស់ទទួលខុសត្រូវពង្រឹងគុណភាព សេវាកម្ម ការពង្រឹងការទទួលបដិសណ្ឋារកិច្ចល្អ ប្រកបដោយភាពរួសរាយរាក់ទាក់។ ចំពោះអនាម័យ បរិស្ថានជាចំណុចគោលដៅធ្វើឲ្យបានល្អនៅតាមមូលដ្ឋានអាជីវកម្ម របស់ខ្លួនឲ្យបានត្រឹមត្រូវ ពិសេសបំផុតរក្សាតម្លៃម្ហូបអាហារ តម្លៃបន្ទប់ស្នាក់នៅ ក្នុងតម្លៃសមរម្យ ក្នុងឱកាសចូលរួមអបអរសាទរ ពិធីបុណ្យភ្ជុំបិណ្ឌប្រពៃណីជាតិ សំដៅផ្តល់នូវជំនឿជឿជាក់និងភាពកក់ក្តៅពីសំណាក់ភ្ញៀវទេសចរជាតិ និងអន្តរជាតិមកលេងកំសាន្តនៅខេត្តព្រះសីហនុកាន់តែច្រើន ។ លោក ប្រធានមន្ទីរបានបន្តទៀតថា នៅតាមរមណីយដ្ឋានក្បាលឆាយ ត្រពាំងរូង និងតំបន់ឆ្នេរសមុទ្រមានភ្ញៀវទេសចរមកលេងកំសាន្តច្រើន។ ចំណែកឯ ភ្ញៀវទេសចរទៅកំសាន្តនៅតាមបណ្តាកោះ បច្ចុប្បន្នក្រុមហ៊ុនដឹកភ្ញៀវ ទេសចរណ៍ បានបំពាក់នូវទូកល្បើឿនលឿនដែលធ្វើដំណើរតែរយៈពេល៤៥នាទីទៅដល់គោលដៅ ហើយអាចឲ្យពួកគាត់ ត្រឡប់មកវិញដោយងាយស្រួលមិនចាំបាច់ស្នាក់នៅទីនោះទេ។ កាលពីពេលមុនយើងទៅលេងកោះរុង ត្រូវចំណាយពេលពី ២ម៉ោង៣០នាទី ទៅ៣ម៉ោងទើបដល់ ម្យ៉ាងទៀតនៅតំបន់កោះរុងមានអាកាសធាតុ បរិស្ថានល្អ និងឆ្នេរសមុទ្រសស្អាតមិនចាញ់ឆ្នេរអូឈើទាលនោះឡើយ ដែលធ្វើឲ្យភ្ញៀវទេសចរក្នុងស្រុកចាប់អារម្មណ៍ទៅលេងកំសាន្តនៅតាម បណ្តាកោះក្នុងទឹកដីសង្កាត់កោះរុង និងកោះមួយចំនួនទៀតក្នុងខេត្តព្រះសីហនុ ។ គួររំលឹកថាក្នុងរដូវបុណ្យភ្ជុំបិណ្ឌ២០១៣ ខេត្តព្រះសីហនុទទួលបានភ្ញៀវទេសចរជាតិ និងអន្តរជាតិចំនួន ៣៨.៤៥៤នាក់ ក្នុងនោះភ្ញៀវជាតិមានចំនួន ៣៦.០៧៥នាក់ និងអន្តរជាតិមានចំនួន២.៣៧៩ នាក់ដោយសារខេត្តព្រះសីហនុជាគោលដៅទេសចរណ៍បៃតង និងធម្មជាតិ ព្រមទាំងជាគោលដៅទេសចរណ៍ប្រកបដោយគុណភាព និងការប្រកួតប្រជែងលំដាប់អន្តរជាតិនៅក្នុងតំបន់៕

ក្រសួងផែនការផ្សព្វផ្សាយ ប្រកាសដាក់អោយប្រើប្រាស់ ជាផ្លូវការនៅថ្នាក់ក្រោមជាតិ ផែនការយុទ្ឋសាស្ត្រអភិវឌ្ឍន៏៏ជាតិ ២០១៤ - ២០១៨ តំបន់ខេត្តព្រះសីហនុ

Posted by Unknown on 7:18 PM with No comments

ក្រសួងផែនការផ្សព្វផ្សាយ ប្រកាសដាក់អោយប្រើប្រាស់ជាផ្លូវការ នៅថ្នាក់ក្រោមជាតិ ផែនការយុទ្ឋសាស្ត្រអភិវឌ្ឍន៏ជាតិ ២០១៤ - ២០១៨ តំបន់ខេត្តព្រះសីហនុ កាលពីថ្ងៃទី ១៩ ខែ កញ្ញា ឆ្នាំ ២០១៤ ដែលមានតំណាងចូលរួមមកពី ខេត្តចំនួន៦ គឺខេត្តព្រះសីហនុ តាកែវ កែប កំពត កោះកុង និង កំពង់ស្ពឺ ។ ឯកឧត្តម ហ៊ូ តាំងអេង រដ្ឋលេខាធិការក្រសួងផែនការ មានប្រសាសន៏ថា ការដាក់អោយប្រើប្រាស់ជាផ្លូវការ នៅថ្នាក់ក្រោមជាតិ ផែនការយុទ្ឋសាស្ត្រអភិវឌ្ឍន៏ជាតិ (ផ.យ.អ.ជ) ២០១៤-២០១៨ បន្ទាប់ពីបានផ្សព្វផ្សាយ និង ដាក់អោយប្រើប្រាស់ជាផ្លូវការ នៅថ្នាក់ជាតិ កាលពីថ្ងៃទី ១៨ ខែ កញ្ញា ឆ្នាំ ២០១៤ ក្រោមអធិបតីដ៏ខ្ពស់ខ្ពស់ បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។ នៅក្នុងកថាខ័ណ្ឌ ១៣៧ នៃយុទ្ឋសាស្ត្រចតុកោណេដំណាក់កាលទី ៣ ផ.យ.អ.ជ ២០១៤ - ២០១៨ គឺជាឧបករណ៏មួយដំសំខាន់ របស់រាជរដ្ឋាភិបាលកម្ពុជា តែមួយគត់សម្រាប់អនុវត្តគោលនយោបាយ អាទិភាព និង ចំណុចដៅអាទិភាពទាំងឡាយរបស់ជាតិ សំរាប់ក្រសួង ស្ថាប័នដៃគូអភិវឌ្ឍនានា ទាំងថ្នាក់ជាតិ និង ថ្នាក់ក្រោមជាតិ ត្រូវរៀបចំយុទ្ឋសាស្ត្រអភិវឌ្ឍន៏តាមវិស័យ និង យុទ្ឋសាស្ត្រគាំទ្រឈានទៅសម្រេចបានការអនុវត្ត ផ.យ.អ.ជ ២០១៤-២០១៨ ។ ដើម្បីផ្តល់ពេលវេលាអោយបានសមស្រប និង ឆាប់រហ័សជាងអាណត្តិមុនៗ ឯកឧត្តម រដ្ឋលេខាធិការក្រសួងផែនការ មានប្រសាសន៏បែបនេះក្នុងឱកាសអញ្ជើញជាអធិបតីក្នុងពិធីផ្សព្វផ្សាយ ប្រកាសដាក់អោយប្រើប្រាស់ជាផ្លូវការ នៅថ្នាក់ក្រោមជាតិ ផែនការយុទ្ឋសាស្ត្រអភិវឌ្ឍន៏ជាតិ (ផ.យ.អ.ជ) ២០១៤ - ២០១៨ នៅខេត្តព្រះសីហនុ ។ ត្រូវបានរៀបចំឡើងតាមរយៈ ដែលមានកិច្ចសហការគ្នារវាងផែនការ និង ក្រសួងស្ថាប័នពាក់ព័ន្ឋ ៕

ឯកឧត្តម អភិបាលខេត្តព្រះសីហនុ ដឹកនាំប្រតិភូសួរសុខទុក្ខកងទ័ព នៅព្រំដែនកម្ពុជា ថៃ ទិសខេត្តកោះកុង នាឱកាសបុណ្យភ្ជុំបិណ្ឌ

Posted by Unknown on 7:14 PM with No comments

នាឱកាសពិធីបុណ្យកាន់បិណ្ឌ និង ភ្ជុំបិណ្ឌនេះ កាលពីព្រឹកថ្ងៃទី ១៨ ខែ កញ្ញា ឆ្នាំ ២០១៤ ឯកឧត្តម ឈិត សុខុន អភិបាលខេត្តព្រះសីហនុ និង ឯកឧត្តម ជាម ហ៊ីម ប្រធានក្រុមប្រឹក្សាខេត្ត បាននឹងនាំគណៈប្រតិភូខេត្ត អញ្ជើញសួរសុខទុក្ខ និង នាំយកអំណោយមានគ្រឿងឧបភោគ បរិភោគ សម្ភារៈប្រើប្រាស់ និង ថវិកាទៅឧបត្ថម្ភដល់ កងយោគពលខេមរៈភូមិន្ទ អង្គភាពតំបន់ប្រតិបត្តិការសឹករង ខេត្តព្រះសីហនុ ដែលកំពង់ឈរជើងប្រចាំការ ការពារនៅព្រំដែនកម្ពុជា ថៃ ទិសខេត្តកោះកុង ។ លោកវរៈសេនីយ៏ឯក សាវីន វីបុល មេបញ្ជាការវរៈការពារជួរមុខ មានប្រសាសន៏សម្តែងនូវអំណររីករាយចំពោះ ថ្នាក់ដឹកនាំខេត្ត មន្ត្រីរាជការ និង ប្រជាពលរដ្ឋ ក្នុងខេត្តព្រះសីហនុ តាមរយៈឯកឧត្តម អភិបាលខេត្ត ដែលបាននាំយកអំណោយមកឯកឧត្តម ដល់នាយទាហាន នាយទាហានរង និង ពលទាហានទាំងអស់ផ្នែក តំបន់ប្រតិប្តតិការសឹករង ខេត្តព្រះសីហនុ កំពង់បំពេញបេសកម្មការពារបូរណភាពទឹកដី ក្នុងកាលៈទេសៈ ដែលអាកាសធាតុសំបូរភ្លៀងធ្លាក់ ដោយសាររដូវវស្សា ហើយកាយវិការនេះបើទោះបីជាជួបឧបសគ្គ លំបាកយ៉ាងណាក្តី ក៏កងយោគពលខេមរៈភូមិន្ទ គ្រប់រូបប្តេជ្ញាការពារព្រំដែនសីមាមិនអោយមានការរំលោភ ឈ្លានពានពីបច្ចាមិត្តបានឡើយ ។ មានប្រសាសន៏សំណេះសំណាលក្នុងឱកាសនោះ ឯកឧត្តម ឈិត សុខុន បានពាំនាំនូវការផ្តាំផ្ញើរសាកសួរសុខទុក្ខ ពីសំណាក់ប្រមុខរាជរដ្ឋាភិបាលកម្ពុជា ជូនចំពោះកងទ័ពការពារព្រំដែន និង បានបញ្ជាក់ថា មន្ត្រីរាជការ និង ប្រជាពលរដ្ឋ ក្នុងខេត្តព្រះសីហនុ នៅបន្តជួយឧបត្ថម្ភទាំងសំភារៈ និង ស្មារតីចំពោះវីរៈកងទ័ពគ្រប់រូប ជាបន្តបន្ទាប់ទៀត ហើយសំរាប់ការការសាកសួរសុខទុក្ខលើកនេះ ឯកឧត្តម ឈិត សុខុន អភិបាលខេត្តព្រះសីហនុ បានឧបត្ថម្ភដល់កងទ័ពអង្គភាពតំបន់ប្រតិបត្តិការសឹកខេត្ត កងទ័ពនៅទីបញ្ជាការភូមិភាគ និង កងទ័ពកងអនុសេនាធំលេខ ២ របស់តំបន់សឹករង ខេត្តកោះកុង រួមមានថវិការ ចំនួន ៣.៥០០.០០០រៀល នំអស្សម ចំនួន ២០០ដើម ទឹកត្រី ១ឡូ មី ១១កេះ ត្រីខកំប៉ុង មួយឡូ ទឹកស៊ីអ៊ីវ ១ឡូ ទឹកបរិសុទ្ឋ ១០កេះ អង្ករ ១បាវ ស្រាបៀរអង្គរ ៣០កេះ ឧបត្ថម្ភនាយទាហាន នាយទាហានរង និង ពលទាហាន ក្នុងមេបញ្ជាការចំនួន២រូប ម្នាក់ៗ ១០ម៉ឺនរៀល ពលទាហានក្នុងម្នាក់ ៥០០០០រៀល ទីបញ្ជាការ ១លានរៀល ទីបញ្ជាការយុទ្ឋភូមិភាគ ៣ ចំនួន ៥០ម៉ឺនរៀល ទីបញ្ជាការផ្នែកសឹករង ស្រុកមណ្ឌលសីមា ៦០ម៉ឺនរៀល សរុបថវិការទាំងអស់ចំនួន ១៣ ៥៨៤ ០០០រៀល ៕

Saturday, September 27, 2014

Thursday, September 25, 2014

ភ្ញៀវទេសចរមកកំសាន្តនៅឆ្នេរសមុទ្រក្រុងព្រះសីហនុក្នុងឱកាសបុណ្យភ្ជុំបិណ្ឌមានចំនួនជិត៧ម៉ឺននាក់

Wednesday, September 24, 2014

ពីស្ថានីយ៍វិទ្យុសឹង្ហមាស

Follow us on twitter

មាតិកា

ពត៌មានពេញនិយម

កំណត់ហេតុប្លុក

ស្ដាប់សំលេងពីFM 104 MHz

អ្នកទស្សនា

សឹង្ហមាស

Saturday, September 27, 2014

Thursday, September 25, 2014

ភ្ញៀវទេសចរ​មក​កំសាន្ត​នៅឆ្នេរសមុទ្រក្រុងព្រះសីហនុក្នុងឱកាសបុណ្យភ្ជុំបិណ្ឌមានចំនួនជិត៧ម៉ឺននាក់

Wednesday, September 24, 2014

ពីស្ថានីយ៍វិទ្យុសឹង្ហមាស

Follow us on twitter

មាតិកា

ពត៌មានពេញនិយម

កំណត់ហេតុប្លុក

ស្ដាប់សំលេងពីFM 104 MHz

អ្នកទស្សនា

សឹង្ហមាស

ភ្ញៀវទេសចរមកកំសាន្តនៅឆ្នេរសមុទ្រក្រុងព្រះសីហនុក្នុងឱកាសបុណ្យភ្ជុំបិណ្ឌមានចំនួនជិត៧ម៉ឺននាក់