2014-08-24 ~ វិទ្យុសឹង្ហមាស

Saturday, August 30, 2014

រថយន្តលុចស៊ីស RX300 ពីរគ្រឿងប៉ះគ្នាមួយបែកកង់មុខ មួយឆេះកង់ក្រោយ

Posted by Unknown on 3:25 AM with No comments

មានគ្រោះថ្នាក់ចរាចរណ៍មួយបានកើតឡើងរវាងរថយន្តនិងរថយន្តតែមិនបណ្តាលឲ្យមនុស្សណាម្នាក់រងរបួសឡើយ ហេតុការណ៍នេះ បានកើតកាលពីវេលា ម៉ោង២០និង១០នាទី យប់ ថ្ងៃទី២៩ ខែសីហា ឆ្នាំ២០១៤ នៅចំណុច ស្ពានឆេះអូរត្រេះ ស្ថិតក្នងភូមិ៥ សង្កាត់៤ ក្រុងព្រះសីហនុ។ ប្រភពពីអ្នកធ្វើដំណើរបានឲ្យដឹងថាមុនពេលកើតហេតុគេបានឃើញរថយន្តលុចស៊ីស មួយគ្រឿងបើកយ៉ាងលឿនរេចង្កូតពេញផ្លូវចេញពីតំបន់អូរត្រេះចូលក្នុងក្រុងហើយរថយន្តលុចស៊ីមួយគ្រឿងទៀតបើកពី ក្រុងចេញទៅកាន់តំបន់អូរត្រេះវិញទិសដៅផ្ទុយគ្នា មកដល់ចំណុចកើត ហេតុ ស្រាប់តែប៉ះ គ្នាភុលលាន់លឺដូចរន្ទះ។ ប្រភពពីមន្ត្រីនគរបាលចរាចរណ៍បានឲ្យដឹងថារថយន្តបង្ករម៉ាក់ RX300 ពណ៌ទឹកមាសពាក់ស្លាកលេខភ្នំពេញ2AA-0291 ជិះគ្នា៣នាក់ប្រុសពីរស្រីមួយបើកបរដោយជនបរទេមិនស្គាល់ អត្តសញ្ញាណបានបែកកង់មុខផ្នែកខាងឆ្វេង រួចព្យាយាមបើករត់គេចតែចំណាងអាក្រក់ ត្រូវបានប្រជា ពលរដ្ឋបើកដេញពីក្រោយឃើញយកមកដាក់ផ្លុង ចោល នៅត្រង់ចំណុច ភូមិ១ សង្កាត់៤ ក្រុងព្រះសីហនុ រួចបាននាំគ្នា រត់គេចខ្លួនបាត់ស្រម៉ោល។ចំណែក រថយន្ត រងគ្រោះម៉ាកលុចស៊ីស RX300 ពណ៌ទឹកមាសពាក់ស្លាកលេខភ្នំពេញ2M-2757ជិះគ្នា ២នាក់ បើកបរដោយបុរសឈ្មោះម៉ា ផាន់ណា ប្រុសអាយុ២៨ ឆ្នាំ មុខរបរ ជាងបច្ចេកទេស និងអ្នករួមដំណើរម្នាក់ទៀតឈ្មោះ ទៀង ឆាយឡាយ ប្រុសអាយុ ៣៤ឆ្នាំ អ្នកទាំងពីរនាក់ ស្នាក់នៅ ភូមិ៤ សង្កាត់២ក្រុងព្រះសីហនុ ក្រោយពេលកើតហេតុ រថយន្តទាំងពីរ គ្រឿង ត្រូវបានសមត្ថកិច្ចនគរបាលចរាចរណ៍ហៅរថយន្តស្ទូចដឹកយកទៅរក្សាទុកនៅការិយាល័យចរាចរណ៍ ផ្លូវគោកដើម្បីដោះស្រាយពេលក្រោយ៕

សន្និបាតបូកសរុបលទ្ឋផលការងារ ប្រចាំឆមាសទី ១ ឆ្នាំ ២០១៤ និង លើកទិសដៅការងារអនុវត្តបន្ត របស់ស្នងការដ្ឋាននគរបាល ខេត្តព្រះសីហនុ

Posted by Unknown on 3:16 AM with No comments

ស្នងការដ្ឋាននគរបាល ខេត្តព្រះសីហនុ កាលពីព្រឹកថ្ងៃទី ២៨ ខែ សីហា ឆ្នាំ ២០១៤ បានប្រារព្ឋបើកសន្និបាតបូកសរុបលទ្ឋផលការងារ ប្រចាំឆមាសទី ១ ឆ្នាំ ២០១៤ និង លើកទិសដៅការងារអនុវត្តបន្ត ។ លោកឧត្តមសេនីយ៏ត្រី សៀង កុសល ស្នងការដ្ឋាននគរបាល ខេត្តព្រះសីហនុ មានប្រសាសន៏បើកកិច្ចប្រជុំ និង ធ្វើរបាយការណ៏ដោយលើកឡើង អំពីការខិតខំប្រឹងប្រែង របស់មន្ត្រីនគរបាល គ្រប់លំដាប់ថ្នាក់ ដោយសហការជាមួយស្ថាប័នអង្គភាពរួម និង ប្រជាពលរដ្ឋ ក្នុងការបំពេញភារកិច្ចជូនប្រទេសជាតិកន្លងមក ។ ហើយតាមរយៈរបាយការណ៏ការងារ លោកស្នងការនគរបាលខេត្ត បានបង្ហាញថា ក្នុងឆមាសទី ១ ឆ្នាំ ២០១៤ បទល្មើសព្រហ្មទណ្ឌកើតមានឡើងចំនួន ៤៥ករណី លើ ៥៧ករណី ពាក់ព័ន្ឋជនបរទេស ១២ករណី ប្រៀបធៀបឆមាសទី ១ ឆ្នាំ ២០១៣ ថយចុះចំនួន ១២ករណី បទឧក្រិដ្ឋមាន ៨ករណី លើ ៥ករណី បទមជ្ឈឹមាន ៣៧ករណី លើ ៥២ករណី ពាក់ព័ន្ឋជនបរទេស ១២ករណី ។ បទល្មើសគ្រឿងញៀន បង្ក្រាបបានចំនួន ១៤ករណី ឃាត់ខ្លួន ២៤មុខសញ្ញា ករណីប្រើប្រាស់់គ្រឿងញៀនខុសច្បាប់ ៤ករណី ឃាត់ខ្លួន ១៤មុខសញ្ញា ករណីគ្រោះថ្នាក់ចរាចរផ្លូវគោក កើតមានចំនួន ១០៨លើក លើ ១១៣លើក ប្រៀបធៀបនឹងឆមាសទី ១ ឆ្នាំ ២០១៣ ថយចុះ ៥លើក បង្ករដោយរថយន្ត និង រថយន្ត ១៣លើក រថយន្ត និង ម៉ូតូ ៥២លើក រថយន្ត និង សត្វ ១លើក រថយន្តបង្ករដោយខ្លួនឯង ២លើក រថយន្ត និង អ្នកថ្មើរជើង ៥លើក ម៉ូតូ និង ម៉ូតូ ២២លើក ម៉ូតូ និងកង់ ១លើក ការគ្រោះថ្នាក់នេះបានបាត់បង់ជីវិតមនុស្សចំនួន ៤៨នាក់ លើ ៥៥នាក់ រងរបួស ២០៨នាក់ លើ ២០៦នាក់ ខូចខាតរថយន្ត ៧៩គ្រឿង ម៉ូតូ ១០៦គ្រឿង និង កង់ ១គ្រឿង ។ ឯកឧត្តម សំ សំអាត អភិបាលរងនៃគណៈអភិបាលខេត្តព្រះសីហនុ អញ្ជើញជាអធិបតីក្នុងពិធីនេះ មានប្រសាសន៏សំណេះសំណាល ដោយថ្លែងថា ការកោតសរសើរចំពោះមន្ត្រីនគរបាលជាតិគ្រប់រូប រួម និង ប្រជាពលរដ្ឋទាំងអស់ តាមរយៈការខិតខំបំពេញភារកិច្ចនេះ ឯកឧត្តម អភិបាលរងខេត្ត អោយមន្ត្រីនគរបាល ខិតខំយកចិត្តទុកដាក់អនុវត្តចាត់វិធានការណ៏ ទប់ស្កាត់បង្ក្រាបសកម្មភាព បទល្មើសជួញដូរមនុស្ស ជួញដូរផ្លូវភេទ ទប់ស្កាត់សកម្មភាពចរាចរគ្រឿងញៀន ៕

វគ្គបណ្តុះបណ្តាលស្តីពីកត្តាហានិភ័យ នៃការមិនពាក់មួកសុវត្ថិភាព ខ្សែក្រវ៉ាត់សុវត្ថិភាព និង ការបើកបរក្រោមឥទ្ឋិពលគ្រឿងស្រវឹង

Posted by Unknown on 3:09 AM with No comments

ក្រុមការងារសហភាពសហព័ន្ឋយុវជនកម្ពុជា ក្នុងចក្ខុវិស័យសាធារណៈការ និង ដឹកជញ្ជូន ក្រសួងសាធារណៈការ និង ដឹកជញ្ជូន គណៈកម្មាធិការជាតិ សុវត្ថិភាពចរាចរណ៏ផ្លូវគោក និង កំពង់ផែស្វយ័តក្រុងព្រះសីហនុ ដោយមានការឧបត្ថម្ភ ពីអង្គការមូលនិធិបង្ការរបួសអាស៊ី AIP កាលពីព្រឹកថ្ងៃទី ២៩ ខែ សីហា ឆ្នាំ ២០១៤ នៅកំពង់ផែស្វយ័ត ក្រុងព្រះសីហនុ មានរៀបចំវគ្គបណ្តុះបណ្តាល ស្តីពីកត្តាហានិភ័យ នៃការមិនពាក់មួកសុវត្ថិភាព ខ្សែក្រវ៉ាត់សុវត្ថិភាព និង ការបើកបរក្រោមឥទ្ឋិពលស្រវឹង ។ វគ្គបណ្តុះបណ្តាលនេះ ប្រពញរឹត្តិទៅរយៈពេល ១ព្រឹក ក្នុងនោះបើតាមប្រសាសន៏ និង ចំណាប់អារម្មណ៏របស់គណៈអធិបតីអញ្ជើញចូលរួម ក្នុងពិធីនេះ មានឯកឧត្តម លូ គឹមឈន់ ប្រតិភូរាជរដ្ឋាភិបាល និង ជាប្រធានអគ្គនាយកកំពង់ផែស្វយ័ត ក្រុងព្រះសីហនុ លោក គឹម បញ្ញា នាយកអង្គការមូលនិធិបង្ការរបួសអាស៊ី ប្រចាំកម្ពុជា ឯកឧត្តម ហ៊ុន ម៉ានី ប្រធានសហភាពសហព័ន្ឋយុវជនកម្ពុជា និង លោកជំទាវ មឹន មាណវី រដ្ឋលេខាធិការក្រសួងសាធារណៈការ និង ដឹកជញ្ជូន មានប្រសាសន៏អោយដឹងថា គ្រោះថ្នាក់ចរាចរណ៏ បាននឹងកំពង់ក្លាយទៅជាឃាតករសំលាប់ជីវិតមនុស្ស នៅលើដងផ្លូវ ដ៏ច្រើនបំផុត និង បង្ករអោយប៉ះពាល់យ៉ាងខ្លាំងដល់សុខភាពសាធារណៈ ក្នុងប្រទេសកម្ពុជា ក្នុងរយៈពេល ៦ឆ្នាំចុងក្រោយ ការស្លាប់ដោយគ្រោះថ្នាក់ចរាចរណ៏ បានកើនឡើងទ្វេដង ។ ក្នុងឆ្នាំ ២០១៣ មានមនុស្សស្លាប់ប្រមាណជិត ២០០០នាក់ បានស្លាត់បាត់បង់ជីវិត និង ជាច្រើនពាន់នាក់បានទទួលរងរបួស បង្ករឡើងដោយគ្រោះថ្នាក់ចរាចរណ៏ នៅប្រទេសកម្ពុជា ទោចក្រយានយន្តជាមធ្យោបាយធ្វើដំណើរដ៏សំខាន់ អ្នកបើកបរ និង អ្នករួមដំណើរតាមទោចក្រយានយន្ត គឺជាប្រភេទអ្នកប្រើប្រាស់ផ្លូវ ដែលមានគ្រោះថ្នាក់ចរាចរណ៏ ខ្ពស់បំផុត នៅក្នុងឆ្នាំ ២០១៣ ប្រមាណ ៦២ភាគរយ នៃជនរងគ្រោះដល់ស្លាប់ដោយគ្រោះថ្នាក់ចរាចរណ៏ ។ អាត្រានៃការពាក់មួកសុវត្ថិភាព ស្ថិតក្នុងកំរិតមួយទាបគួរព្រួយបារម្ភ និង គ្រោះថ្នាក់ចរាចរណ៏ដែលបណ្តាលមកពីការបើកបរ ដោយមិនគោរពច្បាប់ចរាចរណ៏ ជាពិសេសមិនពាក់មួកសុវត្ថិភាព ការបើកបរហួសល្បឿនកំណត់ និង ការបើកបរក្រោមឥទ្ឋិពលនៃគ្រឿងស្រវឹង ។ ដើម្បីជួយចូលរួមជាមួយរាជរដ្ឋាភិបាល កម្ពុជា ក្នុងការកាត់បន្ថយក្នុងការគ្រោះថ្នាក់ចរាចរណ៏ អង្គការមូលនិធីបង្ការរបួសអាស៊ី នៅក្នុងខែ សីហា ឆ្នាំ ២០១៤ នេះអង្គការបានជួយអនុវត្តគំរោងមួយសុវត្ថិភាព មួយជួយជីវិតម្នាក់ ៕

ឯកឧត្តម ឈិត សុខុនអភិបាលខេត្តព្រះសីហនុ បានដឹកនាំក្រុមការងារជំនាញពាក់ព័ន្ធ ចុះទេៅត្រួតពិនិត្យដីសម្បទានសេដ្ឋកិច្ចរបស់ក្រុមហ៊ុន ចំនួន១០

Posted by Unknown on 3:02 AM with No comments

ព្រឹកថ្ងៃទី៣០ ខែ សីហា ឆ្នាំ ២០១៤ នេះ ឯកឧត្តម ឈិត សុខុនអភិបាលខេត្តព្រះសីហនុ បានដឹកនាំក្រុមការងារជំនាញពាក់ព័ន្ធ ចុះទេៅត្រួតពិនិត្យដីសម្បទានសេដ្ឋកិច្ចរបស់ក្រុមហ៊ុន ចំនួន១០នៅតំបន់សួនឧទ្យានជាតិរាម ស្ថិតក្នុងឃុំរាមនិង ឃុំ អូរឧកញ៉ាហេងស្រុកព្រៃនប់ ខេត្តព្រះសីហនុ។

ទេសភាពស្រុកស្រែដ៍សែនមនោរម្យ

Posted by Unknown on 2:41 AM with No comments

ប្រជាពលរដ្ឋនិងអាជ្ញាធរឃុំអូរជ្រៅ ស្រុកព្រៃនប់ ជួសជុលផ្លូវលំនិងបំផុស សហគមន៍ប្រជាពលរដ្ឋជួយថែរក្សាផ្លូវក្នុងភូមិ

Posted by Unknown on 2:34 AM with No comments

ផ្លូវលំជនបទមួយខែ្សមានទទឹង៤ម៉ែត្របណ្តោយ ៦៣០ម កសាងដោយចាក់ក្រាលគ្រួសក្រហមចូលទៅភូមិដ្ឋានប្រជាពលរដ្ឋក្នុងភូមិស្រែរាមក្រោម ស្ថិតនៅឃុំអូជ្រៅ ស្រុកព្រៃនប់ ខេត្តព្រះសីហនុដែលរងការខូចខាត អាជ្ញាធរអូរជ្រៅ បានបំផុសចលនាដល់សហគមន៍ប្រជាពលរដ្ឋធ្វើការជួសជុលឡើងវិញដើម្បីសំរួលដល់ការធ្វើដំណើរ ឆ្លងកាត់លោកអនុសេនីយ៍ត្រី ហួ យ៉ៃ ប្រធាននគរបាលប៉ុស្តិ៍រដ្ឋបាលឃុំនិងលោកយន់ ឆេង មេឃុំអូជ្រៅ ស្រុកព្រៃនប់អោយដឹងពីគំរោងសាងសង់ផ្លូវនេះ ធ្វើឡើងតាមសំណូមពររបស់ប្រជាពលរដ្ឋក្នុងភូមិនិងឧបត្ថម្ភការសាងសង់ទាំងស្រុងពីអាជ្ញាធរឃុំនិង សហគមន៍ប្រជាពលរដ្ឋដែលមានលំនៅដ្ឋានក្នុងភូមិ លោកមេឃុំអូជ្រៅអោយដឹងថាផ្លូវក្រាលក្រួសក្រហមមួយខ្សែនេះជាផ្លូវតភ្ជាប់ពីផ្លូវជាតិឆ្លងកាត់ចំនួន៣ឃុំ គឺឃុំអូឧញ៉ាហេង ឃុំបឹងតាព្រហ្ម និងឃុំអូជ្រៅកាត់តាមភូមិដ្ឋានប្រជាពលរដ្ឋក្នុងភូមិស្រែរាមក្រោមមានបណ្តោយប្រវែង៦៣០ម និងទទឹង៤០ម ដែលបានសាងសង់រួច និងដំណើរការប្រើប្រាស់កាលពីឆ្នាំ២០១៣ ហើយបច្ចុប្បន្នដោយសាររងនូវទឹកភ្លៀងហូរច្រោះផងនោះផ្លូវនេះបានដាច់ខូចខាតដោយកន្លែង ។ ទាំងក្រុមប្រឹក្សាឃុំ កងកម្លាំងនគរបាលប៉ុស្តិ៍រដ្ឋបាល កម្លាំងប្រជាការពារនិង ប្រជាពលរដ្ឋបានប្រមាណជិត៦០នាក់ធ្វើការជួសជុលចាក់ដីបំពេញកន្លែងខូចខាត បាក់បែកឡើងវិញដែលជាផ្នែកមួយជួយសំរួលផ្នែកសហគមន៍ក្នុងមូលដ្ឋានអាជ្ញាធរឃុំក៏មានអះអាងថា ផ្លូវលំមួយខ្សែមានផលប្រយោជន៍ដល់ប្រជាពលរដ្ឋក្នុងសហគមន៍ផងដែរ ។ លោកយន់ ឆេង ក្នុងនាមអាជ្ញារធរឃុំអូរជ្រៅមានប្រសាសន៍កោតសរសើរនិងថ្លែងអំណគុណចំពោះលោកអនុសេនីយ៍ត្រី ហួ យ៉ៃ ប្រធាននគរបាលប៉ូស្តិ៍រ្ដដ្ឋបាលឃុំអូជ្រៅដែលបានចំណាយថវិកាជួយជួសជុលផ្លូវលំជនបទមួយខ្សែក្នុងភូមិស្រែរាម ក្រោមឃុំអូរជ្រៅ ស្រុកព្រៃនប់ដែលផ្លូវលំក្រាលគ្រួសក្រហមឆ្លងកាត់លំនៅដ្ឋានប្រជាពលរដ្ឋក្នុងភូមិសែ្រ ក្រោមនេះសំរាប់ធ្វើចរាចរឆ្លងកាត់ប្រចាំថ្ងៃ ៕

ប្រជាពលរដ្ឋចំនួន៣ឃុំ ក្នុងស្រុកព្រៃនប់ ធ្វើវេទិការផ្សព្វផ្សាយ ពិគ្រោះយោបល់ និង ផ្តល់ព័ត៌មាន រវាង ក្រុមប្រឹក្សាស្រុក និង អាជ្ញាធរស្រុកព្រៃនប់

Posted by Unknown on 2:14 AM with No comments

វេទិកាសាធារណៈ ដែលរដ្ឋបាលស្រុក និង ក្រុមប្រឹក្សាស្រុកព្រៃនប់ ខេត្តព្រះសីហនុ រៀបចំធ្វើកាលពីព្រឹកថ្ងៃទី ២៨ ខែ សីហា ឆ្នាំ ២០១៤ គឺជាវេទិការពិគ្រោះយោបល់រវាងមន្ត្រី ក្រុមប្រឹក្សាស្រុក និង អាជ្ញាធរស្រុកព្រៃនប់ ជាមួយប្រជាពលរដ្ឋចំនួន ៣ឃុំមកពី ឃុំអូរឧកញ៉ាហេង ឃុំបឹងតាព្រហ្ម និង ឃុំអូរជ្រៅ ។ ការប្តេជ្ញាចិត្តរួមគ្នា នៅក្នុងវេទិការពិគ្រោះយោបល់ សាធារណៈរវាងមន្ត្រីក្រុមប្រឹក្សា និង អាជ្ញាធរស្រុកជាមួយប្រជាពលរដ្ឋ តំណាងមកពីឃុំទាំង៣ ក្នុងស្រុកព្រៃនប់ នៅតែសម្តែងពីកង្វល់ចំពោះបញ្ហាផ្លូវថ្នល់ បញ្ហាក្នុងការកែប័ណ្ណកម្មសិទ្ឋិលើដីធ្លីរបស់ពួកគាត់ ។ ការប្តេជ្ញាចិត្តរួមគ្នាក្នុងវេទិកាពិគ្រោះយោបល់ រវាងមន្ត្រី និង ប្រជាពលរដ្ឋធ្វើឡើងតាមរយៈ កិច្ចពិភាក្សានេះ តំណាងប្រជាពលរដ្ឋនានា មានពាក់ព័ន្ឋនឹងជម្លោះដីធ្លី បានស្នើរកអន្តរាគមន៏ដល់មន្ត្រីអាជ្ញាធរគ្រប់លំដាប់ថ្នាក់ អោយពិនិត្យរកដំណោះស្រាយលើបញ្ហា លើដីដែលពួកគាត់អះអាងថា ជាដីស្រែចំការ ផ្ទះសម្បែងរបស់ពួកគាត់ កាន់កាប់ និង រស់នៅរាល់ថ្ងៃ ប៉ុន្តែមានការរំលោភបំពានពីខាងក្រុមហ៊ុនមួយចំនួន ។ លោក អក សេងហ៊ន អភិបាលរងស្រុកព្រៃនប់ និង លោកស្រី ហៀក ហ៊ីមុល្លី ប្រធានក្រុមប្រឹក្សាស្រុក បានទទួលសំណូមពររបស់ប្រជាពលរដ្ឋ និង អះអាងពីការជំរុញអោយមានការពិនិិត្យលើគ្រប់ស្ថាប័នជំនាញ លើបញ្ហាក្នុងការរំលោភបំពានពីខាងក្រុមហ៊ុនវិនិយោគ មួយចំនួន ដើម្បីដោះស្រាយជូនប្រជាពលរដ្ឋ បានកាន់កាប់ស្របច្បាប់ លើកលែងតែអ្នករំលោភបំពានចូលទៅកាន់កាប់ខុសច្បាប់ អាជ្ញាធរមិនទទួលខុសត្រូវឡើយ ហើយចំពោះបញ្ហាផ្លូវខូចខាត ក៏ដូចគ្នាអាជ្ញាធរ និង ប្រើប្រាស់មូលនិធីរបស់ឃុំ ជួសជុលតាមជំហ៊ានៗ និង តាមលទ្ឋភាព ។ នៅក្នុងវេទិកាសាធារណៈ នេះដែរប្រជាពលរដ្ឋ និង អាជ្ញាធរមូលដ្ឋានប្តេជ្ញាចិត្តរួមគ្នាអនុវត្តគោលការណ៏ការពារភូមិ ឃុំ មានសុវត្ថិភាព ដែលធ្វើឡើងតាមរយៈកិច្ចពិភាក្សា ក្នុងវេទិកាផ្សព្វផ្សាយពិគ្រោះយោបល់នៅវត្តភ្នំតូចស្ថិតក្នុង ឃុំតាព្រហ្ម ស្រុកព្រៃនប់នេះ ដែលមានការចូលពីគ្រប់សមត្ថកិច្ច គ្រប់ថ្នាក់ ទប់ស្កាត់អោយបាន និង លុបបំបាត់នូវល្បែងស៊ីសងអំពើចោរកម្ម និង អំពើហិង្សាក្នុងគ្រួសារ ៕