2014-09-07 ~ វិទ្យុសឹង្ហមាស

Saturday, September 13, 2014

ពិធីផ្សព្វផ្សាយច្បាប់ស្តីពីទេសចរណ៏ និង អនុក្រឹត្យ ស្តីពីការគ្រប់គ្រងមណ្ឌលកំសាន្តទេសចរណ៏ មនុស្សពេញវ័យ

Posted by Unknown on 1:05 AM with No comments

ដើម្បីចូលរួមការពារសន្តិសុខ សុវត្ថិភាព និង សណ្តាប់ធ្នាប់សាធារណៈ ទប់ស្កាត់ រាល់ផលប៉ះ ពាល់អវិជ្ជមាន គ្រប់បែបយ៉ាងក្នុងឱកាសបុណ្យភ្ជុំបិណ្ឌ ប្រពៃណីជាតិខ្មែរ មន្ទីរទេសចរណ៏ ខេត្តព្រះសីហនុ បានធ្វើការផ្សព្វផ្សាយច្បាប់ស្តីពីទេសចរណ៏ និង អនុក្រឹត្យស្តីពីការគ្រប់គ្រង មណ្ឌលកំសាន្តទេសចរណ៏មនុស្សពេញវ័យ ដល់ម្ចាស់ ឬ អ្នក គ្រប់គ្រង អាជីវកម្ម សេវាកម្ម ទេសច រណ៏ នៅមន្ទីរទេសចរណ៏ខេត្តព្រះសីហនុ នារសៀលថ្ងៃទី ១១ ខែ កញ្ញា ឆ្នាំ ២០១៤ ក្រោមអធិបតីភាពឯកឧត្តម ឈិន សេងងួន អភិបាលរងខេត្តព្រះសីហនុ ។ មានប្រសាសន៏ក្នុងឱកាសផ្សព្វផ្សាយ ឯកឧត្តម ឈិន សេងងួន បានគូសបញ្ចាក់ថា វិស័យទេសចរណ៏មានលក្ខណៈជាប្រព័ន្ឋ គឺជាវិស័យអាទិភាពមួយ ត្រូវបានកំណត់នៅក្នុងយុទ្ឋសាស្ត្រចតុកោណរបស់រាជរដ្ឋាភិបាល ។ វិស័យនេះបានរួមចំណែកយ៉ាងសំខាន់ក្នុងការកសាងសេដ្ឋកិច្ចសង្គម ផ្តល់ឱកាសការងារ រកប្រាក់ចំណូល លើកកំពស់ជីវភាពរស់នៅ និង ការកាត់បន្ថយភាពក្រីក្ររបស់ប្រជាពលរដ្ឋ ដែលបានទទួលស្គាល់ថា ជាមាសបៃតង ។ ដោយខេត្តព្រះសីហនុ មានសក្តានុពលទេសចរណ៏បែបធម្មជាតិដ៏កម្រ និង ជាប៉ូលសេដ្ឋកិច្ចពាណិជ្ជកម្ម ឧស្សាហកម្ម និង ទេសចរណ៏ ដែលបានប្រសិទ្ឋិនាមថា ឆ្នេរសមុទ្រកម្ពុជា ជាតារារៈនាទិសនារតី ដែលមានឆ្នេរខ្សាច់សស្អាត ខ្យល់អាកាសបរិសុទ្ឋ រមណីយដ្ឋានធម្មជាតិជីវៈចម្រុះ ជាច្រើនសំរាប់ទាក់ទាញទេសចរមកកម្សាន្ត ។ លើសពីនេះទៅទៀតប្រព័ន្ឋហេដ្ឋារចនាសម្ព័ន្ឋ គមនាគមន៏ ព្រលានយន្តហោះអន្តរជាតិ កំពង់ផែអន្តរជាតិ និង គម្រោងវិនិយោគផ្នែកវិស័យទេសចរណ៏ជាច្រើន ក៏ជាកត្តាសំខាន់ក្នុងការជំរុញកំណើនសេដ្ឋកិច្ច និង ទេសចរណ៏អោយនិរន្តរភាពផងដែរ ។ ជាក់ស្តែងក្នុងឆ្នាំ ២០១៣ មានភ្ញៀវទេសចរណ៏កម្សាន្តនៅខេត្តព្រះសីហនុ មានចំនួន ១.០៣៣.៩២៩នាក់ កើន ១៨.៧៧% ក្នុងនោះទេសចរណ៏ជាតិចំនួន ៧៣១.៦០៤នាក់ កើន ១១.២១% អន្តរជាតិចំនួន ៣០២.៣២៥នាក់ កើន ៤២.១៧% ដោយឡែកគិតត្រឹម៨ខែ ឆ្នាំ ២០១៤ មានភ្ញៀវ ៨៩១.២៦៤នាក់ កើន ២៤.២៤% បើប្រៀប៨ខែដូចគ្នា ក្នុងឆ្នាំ ២០១៣ ។ ដើម្បីឆ្លើយតបនឹងកំណើនភ្ញៀវទេសចរណ៏ ឯកឧត្តមអភិបាលរងខេត្ត សំណូមពរដល់ស្ថាប័នពាក់ព័ន្ឋ និង ដៃគូអភិវឌ្ឍន៏នានា បន្តចូលរួមក្នុងការផ្សព្វផ្សាយការពារបរិស្ថាន សំអាតឆ្នេរ ការពារសន្តិសុខ សុវត្ថិភាព ទេសចរណ៏ ចូលរួមចលនាប្រឡងប្រណាំង ទីក្រុងស្អាត រមណីយដ្ឋានស្អាត សេវាល្អ សំដៅធ្វើអោយខេត្តព្រះសីហនុ ជាគោលដៅទេសចរណ៏ប្រកបដោយគុណភាព ពិសេសបំផុតរក្សាតម្លៃម្ហូបអាហារ តម្លៃបន្ទប់ស្នាក់នៅ ក្នុងតំលៃសមរម្យ ក្នុងឱកាសអបអរសាទរពិធីបុណ្យភ្ជុំបិណ្ឌ ប្រពៃណីជាតិខ្មែរខាងមុខនេះ ដើម្បីផ្តល់នូវជំនឿជឿជាក់ និង ភាពកក់ក្តៅដល់ភ្ញៀវទេសចរណ៏ ដែលបានមកកំសាន្តនៅខេត្តព្រះសីហនុ ៕

កុងតឺន័រដាច់ហ្វ្រាំង បុករះរថយន្ត២គ្រឿង របួស៣នាក់ នៅក្រុងព្រះសីហនុ

Posted by Unknown on 6:04 PM with No comments

ខេត្តព្រះសីហនុ ៖ យ៉ាងហោចណាស់មនុស្ស២នាក់រងរបួសធ្ងន់ និងម្នាក់ទៀតរបួសស្រាល ក្នុងហេតុការណ៍គ្រោះថ្នាក់ចរាចរណ៍ បង្កឡើងដោយរថយន្តកុងតឺន័រដាច់ហ្វ្រាំងបុកបង្គោលភ្លើង រួចជ្រុលបុករថយន្ត២គ្រឿងទៀត ។គ្រោះថ្នាក់ដ៏រន្ធត់នេះកើតឡើងកាលពី វេលាម៉ោង៣និង៣០នាទីរសៀលថ្ងៃទី១១ កញ្ញា នៅមុខស្ថានីយរថភ្លើង ស្ថិតក្នុងភូមិ៣ សង្កាត់៣ ក្រុងព្រះសីហនុ។ យោងតាមប្រភពពីសមត្ថកិច្ចចរាចរណ៏ជើងគោកខេត្តព្រៈសីហនុបានបញ្ជាក់ថា នៅវេលាកើតហេតុខាងលើមានករណីគ្រោះថ្នាក់ចរាចរណ៏មួយបានកើតឡើងដែលបង្ករឡើងដោយរថយន្តធន់ធំដឹកកុងតៃនឺមួយគ្រឿងពណ៏សរពាក់ស្លាកលេខ ភ្នំពេញ3A 1022 បើកបរដោយឈ្មោះយឿន ឆាយភេទ ប្រុស អាយុ២៥ឆ្នាំមានស្រុកកំណើតនៅខេត្តកំពង់ស្ពឺរងរបួសធ្ងន់ ជាកម្មសិទ្ឋរបស់ក្រុមហ៊ុន book seang ដឹកទំនិញរោងចក្រ បើករបរក្នុងទិសដៅភ្នំពេញ -ក្រុងព្រះសីហនុ បានដាច់ហ្វ្រាំង រេចង្កូតទៅបុកបង្គោលភ្លើងប៉ើងទៅបុកជាមួយរថយន្តកុងតៃនឺ ម៉ាក KAI ពណ៏ ខៀវ ពាក់ស្លាកលេខភ្នំពេញ 3A 3928 បើកបរដោយឈ្មោះ ប៉ាង ធឿន ភេទ ប្រុស អាយុ ៤២ឆ្នាំចតប៉ះកង់ក្បែរនោះរងការខូចខាតក្បាលរថយន្តទាំងស្រុងពុំមានគ្រោះថ្នាក់នោះទេ រួចបន្តទៅបុករថយន្តកូរេពណ៏ខៀវ៥តោនបើកបរស្របទិសគ្នាជាមួយរថយន្តបង្ករ ពាក់ស្លាកលេខភ្នំពេញ 2AA 8319 បើកបរដោយឈ្មោះ អឿន សុភ័ក្រ ភេទប្រុស អាយុ៣២ឆ្នាំ រងរបួធ្ងន់ រួមជាមួយព្រូម្នាក់ទៀតឈ្មោះ ដុស ភារម្យ អាយុ២២ឆ្នាំ អ្នកទាំង២នាក់មានស្រុកកំណើតនៅខេត្តកំពង់ចាម។ យោងតាមប្រភពសាក្សីនៅក្បែរកន្លែងបាននិយាយទាំងតក់ស្លុតថា ខណះពេលរូបគាត់កំពុងឈយាមនៅមុខផ្ទះសំណាក់ ឌីឌីម៉ាត១ បានឬ សម្លេងរថយន្តស៊ីផ្លេ យ៉ាងខ្លាំងចុះពីចំណោតមក នៅពេលគាត់ក្រឡេកទៅបានឃើញរថយន្តមួយគ្រឿងបើកយ៉ាងលឿនរហូតមកដល់ចំនុចកើតហេតុក៏បានរេចង្កូតទៅបុកបង្គោលភ្លើងលាន់ដូចរន្ទះ រួចបន្តទៅបុករថយន្តដឹកទំនិញចតប៉ះកង់ពេញទំហឹងខូចខាតផ្នែកខាងមុខទាំងស្រុង ហើយបានបន្តទៅបុករថយន្តមួយគ្រឿងទៀតដែលកំពុងបើកស្របទិសគ្នាទាំងកំរោលបណ្តាលអោយក្រឡាប់ទាំងពីរផ្ងាជើងច្រង៉ាង បង្ករភាពភ្ញាក់ផ្អើល ស្ទះផ្លូវជិត២ម៉ោង។ ក្រោយកើតហេតុ រងយន្តទាំង៣គ្រឿង ត្រូវបានសមត្ថកិច្ចចរាចរណ៏ស្ទួចយករក្សាទុកនៅការិយាល័យចរាចរណ៏ជើងគោកខេត្ត រងចាំការដោះស្រាយនៅពេលបន្ទាប់។ សូមបញ្ជាក់ផងដែរថា កាលពីពាក់កណ្តាលខែសីហារនៅក្បែរចំនុចនេះក៏មានរថយន្តកុងតៃនឺដាច់ហ្វ្រាំងបុករថយន្ត និងម៉ូតូ បណ្តាលអោយមនុស្ស២នាក់ឪពុកនិងកូនបានស្លាប់ ហើយមនុស្សចំនួន៧នាក់រងរបួសធ្ងន់និងស្រាលផងដែរ៕

គណះបញ្ជាការឯកភាព ខេត្តព្រះសីហនុ បើកកិច្ចប្រជុំផ្សព្វផ្សាយផែនការ ណែនាំរបស់គណៈកម្មការជាតិ និង ការពង្រឹងចលនាការពារ ភូមិ ឃុំ មានសុវត្ថិភាព

Posted by Unknown on 5:56 PM with No comments

នៅសាលាខេត្តព្រះសីហនុ ព្រឹកថ្ងៃទី ១១ ខែ កញ្ញា ឆ្នាំ ២០១៤ គណះបញ្ជាការឯកភាព ខេត្តព្រះសីហនុ បានបើកកិច្ចប្រជុំការងារ។ កិច្ចប្រជុំនេះ បានលើកយករបៀបវីរៈចំនួន ៣ មកធ្វើការដោះស្រាយ និង ចាត់វិធានការណ៏ចំពោះមុខ ទី១ ពិភាក្សា និង ដោះស្រាយបាតុភាព ការរំលោភចាប់យកដីតំបន់ក្បាលឆាយ ក្នុងក្រុងព្រះសីហនុ ទី២ ផ្សព្វផ្សាយគោលការណ៏ណែនាំវាយតម្លៃ ពីចំណាត់ថ្នាក់ប្រឡងប្រណាំងអនុវត្ត គោលនយោបាយភូមិ ឃុំ មានសុវត្ថិភាព ទី៣ ផ្សព្វផ្សាយផែនការណែនាំរបស់គណះកម្មាការជាតិ រៀបចំបុណ្យជាតិ និង អន្តរជាតិ និង ផ្សេងៗ ពិភាក្សារិះរកវិធានការណ៏រក្សាការពារសន្តិសុខ សណ្តាប់ធ្នាប់សាធារណៈ រៀបចំបុណ្យកាន់បិណ្ឌ ភ្ជុំបិណ្ឌ និង កឋិនទាន ជាបុណ្យប្រពៃណីព្រះពុទ្ឋសាសនា ដ៏សំខាន់របស់ពុទ្ឋបរិស័ទខ្មែរគ្រប់រូប។ ការពង្រឹងចលនាអនុវត្តន៏គោលនយោបាយភូមិ ឃុំ មានសុវត្ថិភាព នៅតែជាប្រធានបទសំខាន់បំផុត ដែលកិច្ចប្រជុំរបស់គណះបញ្ជាការឯកភាពខេត្ត បានដាក់ទិសដៅសំរាប់អនុវត្តបន្ត នេះបើតាមប្រសាសន៏របស់ឯកឧត្តម ឈិត សុខុន អភិបាលខេត្ត និង ជាប្រធានគណះបញ្ជាការឯកភាព ខេត្តព្រះសីហនុ កិច្ចពិភាក្សាក៏បានផ្តោតទៅលើការងារសន្តិសុខ សណ្តាប់ធ្នាប់សាធារណៈ បញ្ហាសន្តិសុខ សុវត្ថិភាពទូទៅជាដើម។ ឯកឧត្តម អភិបាលខេត្តព្រះសីហនុ ជាមួយនឹងការកោតសរសើរចំពោះ មន្ត្រីរាជការ កងកម្លាំងប្រដាប់អាវុធ និង ជាប្រជាពលរដ្ឋខេត្តព្រះសីហនុ ដែលបានរួបរួមគ្នាកសាង និង អភិវឌ្ឍន៏ប្រទេសជាតិ តាមគោលការណ៏នយោបាយរបស់រាជរដ្ឋាភិបាល ទទួលបានលទ្ឋផលល្អជាច្រើន កន្លងមក ឯកឧត្តម ឈិត សុខុន ក៏បានអំពាវនាវអោយប្រជាពលរដ្ឋ មន្ត្រីរាជការ កងកម្លាំងប្រដាប់អាវុធទាំងអស់ អោយបញ្ឈប់បន្ទាន់នូវការចាប់ ឬ ទិញយកដីក្នុងតំបន់ក្បាលឆាយ ដីរដ្ឋធ្វើជាកម្មសិទ្ឋិរបស់ខ្លួន ។ ឯកឧត្តមអភិបាលខេត្ត អំពាវនាវអោយប្រជាពលរដ្ឋ គ្រប់រូបគ្រប់ក្រុមគ្រួសារ ជួយអប់រំញាត្តិមិត្ត និង កូនចៅនាំគ្នាប្រព្រឹត្តិតែអំពើល្អ ចៀសអោយឆ្ងាយពីអំពើអបាយមុខនានា ដូចជាការសេពគ្រឿងញៀ ការប្រព្រឹត្តិល្បែងស៊ីសង ប្រព្រឹត្តអំពើចោរកម្ម ដែលសុទ្ឋសឹងជាដើមហេតុនាំអោយ មានវិនាសដល់ខ្លួនឯង ក្រុមគ្រួសារ និង ប៉ះពាល់ដល់សង្គមជាតិ ហើយបង្ករហេតុនោះច្បាប់ និងមិនមានការលើកទោសបានឡើយ៕

វេទិកាពិគ្រោះយោបល់ស្តីពីបញ្ហាប្រឈមនៅក្នុង សង្គម និង ផលប៉ះពាល់របស់យុវវ័យនៅខេត្តព្រះសីហនុ

Posted by Unknown on 11:59 PM with No comments

នៅខេត្តព្រះសីហនុ មានរៀបចំធ្វើវេទិកាពិគ្រោះយោបល់ស្តីពីបញ្ហាប្រឈមនៅក្នុងសង្គម និង ផលប៉ះពាល់របស់យុវវ័យ កាលពីព្រឹកថ្ងៃទី 10 ខែ កញ្ញា ឆ្នាំ 2014 រៀបចំឡើងដោយនាយកដ្ឋានស្រ្តី និង ការអប់រំ ក្រសួងកិច្ចការនារី មានតំណាងត្រូវបានចូលរួមពីថ្នាក់ដឹកនាំក្រសួងកិច្ចការនារី និង នាយកដ្ឋានពាក់ព័ន្ធមន្ទីរអប់រំ យុវជន និង កីឡា មន្ទីរធម្មការ និង សាសនា មន្ទីរកិច្ចការនារី ចំនួន ៨ខេត្តចូលរួម គឺខេត្តព្រះសីហនុ កោះកុង កែប កំពត កំពង់ស្ពឺ កំពង់ឆ្នាំ តាកែវ និង ខេត្តកណ្តាល និង សាស្ត្រាចារ្យនិស្សិត ចំនួន ២៥០នាក់ វេទិកានេះមានគោលបំណងដើម្បីបង្កើតការយល់ដឹងពីសិលធម៌សង្គម និង កាត់បន្ថយនូវរាល់ទស្សនៈឥរិយាបថអវិជ្ជមាន របស់យុវវ័យរួមគ្នា លើកកំពស់សិលធម៌សង្គមតម្លៃស្ត្រី និង គ្រួសារខ្មែរ និង លើកកំពស់សមភាពយេនឌ័រ ដើម្បីសុខមាលភាពសង្គម អប់រំ លោកជំទាវ អ៊ីម ស៊ីថែ រដ្ឋលេខាធិការក្រសួងកិច្ចការនារី ដែលអញ្ជើញជាអធិបតីក្នុងវេទិកានេះ មានប្រសាសន៏សំណេះសំណាលដោយចាត់ទុកថា ចាវេទិកាផ្តល់សារៈសំខាន់សំរាប់មន្ត្រីគ្រប់ស្ថាប័ន ពាក់ព័ន្ឋបានជ្រួតជ្រាប និង បញ្ហាប្រឈមមុខទាំងឡាយរបស់យុវវ័យ ការអប់រំយុវវ័យជាចំណុចសំខាន់ណាស់ ក្នុងការជំរុញអោយក្មេងស្រី ទទួលឱកាសក្នុងការសិក្សាខ្ពស់នូវក្មេង ប្រុស លោកជំទាវ រដ្ឋលេខាធិការក្រសួងកិច្ចការនារី បញ្ជាក់ថា ការអប់រំយុវវ័យ ជាចលករជាសរសរទ្រូង និង ជាធនធានមនុស្សដែលមិនអាចខ្វះបាន សម្រាបង់កិច្ចវអភិវឌ្ឍន៏ជាតិ ។ បច្ចុប្បន្នប្រទេសកម្ពុជា ជួបប្រះនូវបញ្ហាជាច្រើន ដូចជាអំពើពាលាអាវ៉ាសែ អំពើអាចារ្យលើស្ត្រី និង កុមារ អំពើហិង្សាក្នុងគ្រួសារ ការជួញដូរមនុស្ស ការកេងប្រវ័ញ្ចគ្រប់រូបភាព លើស្ត្រី និង កុមារការប្រើប្រាស់គ្រឿងញៀន ស្រវឹង ក្រុមក្មេងទំនើង ល្បែងស៊ីសងគ្រប់ប្រភេទ។ បញ្ហាទាំងនេះក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី និង ដោះស្រាយតាមរយៈការអនុវត្តយុទ្ឋសាស្ត្រចតុកោណ ដំណាក់កាលទី ១ ទី ២ ស្តីពីកំណើនការងារសមភាព និង ប្រសិទ្ឋិភាពគណៈកម្មាធិការជាតិ លើកកម្ពស់សីលធម៌សង្គម តម្លៃស្ត្រី និង គ្រួសារខ្មែរ ដែលសម្តេចកិត្តិព្រឹទ្ឋបណ្ឌិត ប៊ុនរ៉ានីហ៊ុនសែន ជាប្រធានកិត្តិយសយកចិត្តទុកដាក់ ជំរុញថ្នាក់ជាតិ និងថ្នាក់ក្រោមជាតិ ធ្វើការងារដើម្បីទប់ស្កាត់អោយមានប្រសិទ្ឋិភាព៕

ឯកឧត្តមអភិបាលខេត្តព្រះសីហនុ អញ្ជើញប្រារព្ធពិធីបុណ្យកាន់បិណ្ឌនៅវត្តជោតញ្ញាណ ក្រុងព្រះសីហនុ

Posted by Unknown on 7:14 PM with No comments

ខេត្តព្រះសីហនុ ៖ នៅថ្ងៃដំបូងនាឱកាសពិធីបុណ្យកាន់បិណ្ឌឆ្នាំនេះ ដែលជាបុណ្យប្រពៃណីទំនៀមទំលាប់ព្រះពុទ្ធសាសនា ដែលតែងតែប្រារព្ធធ្វើជារៀងរាល់ឆ្នាំ ឯកឧត្តម ជាម ហ៊ីម ប្រធានក្រុមប្រឹក្សាខេត្ត និង ឯកឧត្តម ឈិត សុខុន អភិបាលនៃគណៈអភិបាលខេត្តព្រះសីហនុ រួមនឹងប្រធានមន្ទីរអង្គភាព ស្ថាប័នក្នុងខេត្ត មន្ត្រីរាជការ និង ពុទ្ធបរិស័ទ បានអញ្ជើញនាំយកនូវទេយ្យវត្ថុ បច្ច័យនិង ចង្ហាន់បិណ្ឌបាត្រ ទៅប្រគេនព្រះសង្ឃវត្តជោតញ្ញាណ ក្នុងក្រុងព្រះសីហនុ ខេត្តព្រះសីហនុ ដើម្បីជាកិច្ចចូលរួមក្នុងពិធីបុណ្យកាន់បិណ្ឌ វេនទី ១ នាថ្ងៃ ១រោជ ខែ ភទ្របទ ត្រូវនឹងថ្ងៃទី ៩ខែ កញ្ញា ឆ្នាំ ២០១៤ ដើម្បីបំពេញកិច្ចកុសល ឧទ្ទិសជូនចំពោះវិញ្ញាណក្ខ័ន្ធបុព្វការីជន មាតាបីតា ញ្ញាត្តិការ ៧ សន្តាន ដែលបានចែកស្ថានទៅកាន់លោកខាងមុខ។ ព្រះវិមលសាគរ គៀត ច័ន្ទធុច ព្រះរាជាគណៈថ្នាក់កិតិ្តយស ទីប្រឹក្សាសម្តេចអគ្គមហាសង្ឃរាជាធិបតី ទេព វង្ស និង ព្រះមេគុណ ខេត្តព្រះសីហនុ មានសង្ឃដីការអោយដឹងថា ឆ្នាំនេះក៏ដូចជាឆ្នាំមុនៗដែរ នៅខេត្តព្រះសីហនុ គ្រប់បណ្តាវត្តទាំងអស់ បានរៀបចំដំណើរការបុណ្យកាន់បិណ្ឌ ប្រព្រឹត្តទៅប្រកបដោយបរិយាកាសរីករាយ តាមសទ្ធាជ្រះថ្លារបស់ប្រជាពលរដ្ឋ ហើយចំពោះវត្តមានរបស់ឯកឧត្តម អភិបាលខេត្តព្រះសីហនុ និង ក្រុមគ្រួសារ ព្រមទាំងវត្តមានមន្ត្រីរាជការគ្រប់ជាន់ថ្នាក់ សំរាប់ពិធីបុណ្យកាន់បិណ្ឌនេះ គឺបានបង្ហាញអំពីការយកចិត្តទុកដាក់របស់អាជ្ញាធរខេត្ត ក៏ដូចជាប្រជាពលរដ្ឋ ពុទ្ធបរិស័ទទាំងអស់ក្នុងការគោរពបូជា និង លើកស្ទួយវិស័យព្រះពុទ្ធសាសនា ដែលជាសាសនា របស់រដ្ឋ អោយមានការរីកចំរើនឡើងជាបន្តបន្ទាប់។ ឯកឧត្តមអភិបាលខេត្តព្រះសីហនុ មានប្រសាសន៍ក្នុងពិធីបុណ្យដាក់បិណ្ឌនេះថា ដោយលើកឡើងពីស្ថានភាពទូទៅនៃការប្រារព្ធបុណ្យកាន់បិណ្ឌរបស់ប្រជាពលរដ្ឋ ជាពុទ្ធសាសនិកជន នៅខេត្តព្រះសីហនុ ថាប្រព្រឹត្តទៅបានល្អ ក្នុងនោះគ្រប់វត្តមានការចូលរួមធ្វើបុណ្យតាមធម្មតា។ ជាមួយនឹងការនាំយកនូវបច្ច័យមួយចំនួន ប្រគេនព្រះសង្ឃក្នុងវត្តជោត្តញ្ញាណ ដើម្បីជួយកសាងសមិទ្ធិផលក្នុងវត្តនេះ ឯកឧត្តមអភិបាលខេត្តព្រះសីហនុ ក៏បានអំពាវនាវអោយព្រះសង្ឃគណៈកម្មាការអាចារ្យវត្ត ក្នុងខេត្តព្រះសីហនុ ក៏ដូចជាពុទ្ធបរិស័ទធ្វើការចែករំលែកម្ហូបអាហារ ដើម្បីផ្តល់ជូនទៅកងទ័ព ឬ ក្រុមក្មេងកំព្រា ជនខ្វះខាត ខ្វះទីពឹង ហើយចាត់ទុកថា នេះជាវប្បធម៌នៃការចែករំលែក និង ក៏ជាកុសលផលបុណ្យសំរាប់កាន់បិណ្ឌ និង ភ្ជុំបិណ្ឌនេះដែរ ៕

ទេសភាពនាព្រឹកព្រលឹម

Posted by Unknown on 6:12 PM with No comments

ក្រុមអធិការកិច្ចក្រសួងឧស្សាហកម្មនិងសិប្បកម្មចុះពិសោធន៏រកសារធាតុគីមី

Posted by Unknown on 6:09 PM with No comments

ខេត្តព្រះសីហនុៈទីតាំងកែច្នៃប្រហិតត្រីសមុទ្រនៅតំបន់ទំនប់រលកក្រុងព្រះសីហនុត្រូវបានមន្ត្រីជាន់ខ្ពស់នៃក្រសួងឧស្សាហកម្មណែនាំអោយក៏ដូចជាតម្រូវអោយផ្លាស់ប្តូទីតាំងផលិតបើទោះបីជាទីតាំងកិនត្រីសំរាប់ធ្វើប្រហិតមួយកន្លែងនេះរកពុំឃើញសារធាតុគីមីប៉ះពាល់ដល់សុខភាពប្រជាពលរដ្ឋក្រោយការធ្វើពិសោធន៏នៅនឹងកន្លែងយ៉ាងណាក្តី។ លោកចាន់បូរិន្ទអគ្គនាយក ISC នៃក្រសួងឧស្សាហកម្មនិងសិប្បកម្មបានថ្លែងភា្លមៗ ប្រាប់អ្នកកាសែតនៅព្រឹកថ្ងៃទី៨ ខែកញ្ញាឆ្នាំ២០១៤នេះក្រោយពីក្រុមអធិការកិច្ចក្រសួងឧស្សាហកម្មនិងសិប្បកម្មបានចុះមកពិនិត្យគុណភាពសាច់ប្រហិតរបស់អ្នកស្រីជាផល្លាជាលទ្ធផលការកែច្នៃប្រហិតនេះល្អពុំមានសាធាតុគីមីអ្វីទេប៉ុន្តែចាំបាច់ទីតាំងសិប្បកម្មមួយនេះចាំបាច់ត្រូវតែដោះដូរទីតាំងថ្មីក្នុងរយៈពេលពីរខែខាងមុខនេះបើពុំដូចនោះទេខាងក្រសួងឧស្សាហកម្មនឹងធ្វើការពិន័យនឹងអាចឈានទៅដល់ការបជ្ឈប់អាជីវកម្ម។

លោក ចាន់ បូរិន្ទ អគ្គនាយក ISC បានបន្តថាចំពោះមូលហេតុដែលខាងក្រសួងតម្រូវអោយផ្លាស់ប្តូរទីតាំងថ្មីព្រោះ ក្រុមអធិការកិច្ចពិនិត្យឃើញថាទីតាំងចាស់នេះពុំសាកសមទៅនឹងទំហ៊ំនៃការផលិតមានការខ្វះអនាម័យច្រើនបើទោះបីជាពុំមានសាធារតុគីមីក៏ដោយទីតាំងនេះវាអាចធ្វើអោយប៉ះពាល់សុខភាពអ្នកបរិភោគ។ សូមបញ្ជាក់ផងដែរថាទីតាំងកិនសាច់ត្រីសំរាប់យកទៅធ្វើជាប្រហិតនេះ មន្ទីពិសោធន៏ធ្លាប់ចេញលិខិតបញ្ចាក់ចំនួន២ដងមកហើយ ប៉ុន្តែនៅមានពាក្យចចាមអារាមថានៅតែមានសារធាតុគីមីទើមឯកឧត្តមចមប្រសិទ្ឋបញ្ជាអោយក្រុមអធិការកិច្ចចុះមកពិនិត្យនៅនឹងកន្លែងជាក់ស្តែងដើម្បីបញ្ចាក់អំពីការពិត៕