ព្រះសង្ឃនៅខេត្តព្រះសីហនុ ចំនួន ១៤អង្គ ធ្វើការប្រលងសូត្រ បាតិមោក្ខកោវិទ លើកទី១ នៅវត្តជោតញ្ញាណ ខេត្តព្រះសីហនុ

ព្រះភិក្ខុសង្ឃនៅខេត្តព្រះសីហនុ ចំនួន ១៤អង្គ និមន្តមក​ពី​បណ្តាវត្តនានា​និមន្ត​ចូលរួម​ក្នុងការប្រឡងសូ​ត្របាតិ​មោក្ខ​កោវិទ​​ជាលើកទី១នៅ​វត្ត​ជោត​ញ្ញាណ​ក្រុងព្រះសីហនុ កាលពីថ្ងៃទី ១៣ ខែ សីហា ឆ្នាំ២០១៤។ជាការពិត​ណាស់​យោង​​តាមព្រះរាជ​សង្ឃ​​ប្រកាសលេខ​ ០៩/១១ ស.ន.ក.ជ ចុះថ្ងៃទី ០៩ ខែ កុម្ភៈ ឆ្នាំ ២០១១ ស្តីពីការបែង​ចែក​តួនាទី និង ភារកិច្ចមន្ត្រីសង្ឃរាជធានី ខេត្ត ក្រុង ស្រុក ខ័ណ្ឌ របស់​គណៈសង្ឃ​នាយកនៃ​ព្រះរាជាណាចក្រកម្ពុជា​ដើម្បី​ធានា​ការគ្រប់គ្រងដឹកនាំ​វិស័យ​ព្រះពុទ្ឋ​សាសនា​អោយបានគង់វង្សដើម្បីអោយព្រះសង្ឃក្នុងការអនុវត្តនិងការគោរពព្រះធម៌វិន័យ របស់អ្នកបួស​អោយ​មាន​ភាព​ត្រឹមត្រូវតាមត្រៃសិក្ខា។ចំពោះ​​​ខេត្តព្រះសីហនុ ការប្រលងសូត្រ​បាតិមោក្ខកោវិទនេះជា លើកទី១ ហើយដែលមិនធ្លាប់មានពីមុនមកយើងជាពុទ្ឋបរិស័ទនៅខេត្តព្រះសីហនុ ពិតជាមានមោទនភាពណាស់ ចំពោះ​មន្ត្រីសង្ឃ ក្នុងសាលាគុណខេត្ត មានព្រះតេជគុណ គៀត ច័ន្ទធុច ដ៏ឈ្លៀសវ័យបាននិមន្តព្រះសង្ឃ បើកការប្រឡងសូត្របាតិមោក្ខកោវិទជាលើកទី១សំរាប់ខេត្តព្រះសីហនុមិនដែលធ្លាប់មានពីមុន។ព្រះតេជគុណ គៀត ច័ន្ទធុច ព្រះរាជា​គណៈថ្នាក់​កិត្តិយស​ទីប្រឹក្សាផ្ទាល់សម្តេចអគ្គមហាសង្ឃរាជាធិបតី ទេព វង្សនិងជាព្រះមេគុណខេត្តព្រះសីហនុមានសង្ឃដីកាអោយដឹងថាដោយមានការប្រឹងប្រែង​ពីមន្ត្រីសង្ឃ​ដើម្បីការ​ស្ថិតស្ថេរចិ​រកាសនៃពុទ្ឋវិន័យក្នុង​វិស័យ​​សាសនានេះក្នុងនោះក៏មានការចូលរួមពីពុទ្ឋបរិស័ទ​ចូលរួមគោរព​ប្រតិ​បត្តិរបស់ព្រះសង្ឃ។ការ​ប្រឡង​សូត្របាតិមោក្ខកោវិទនេះជាកិច្ចមួយ​សំខាន់សំរាប់ព្រះសង្ឃ​ជាសូត្រនូវ​ព្រះវិន័យ​ឬផ្ទៀងផ្ទាត់​ព្រះវិន័យ​របស់​ព្រះភិក្ខុសង្ឃមានចំនួន ២២៧សិក្ខាបទបាតិមោក្ខកោវិទនៃព្រះពុទ្ឋសាសនា និង ជាភារកិច្ចរ​បស់អ្នក​បួស​ហើយការបួសជាព្រះសង្ឃត្រូវតែបាតិមោក្ខវិទហើយម៉្យាងវិញទៀតការរក្សា​គឺជាការ​ពង្រឹងនូវភិក្ខបាតិមោក្ខនេះដើម្បីជំរះបញ្ញាការចំរើនបញ្ញាជាការជំរះសិលដែលសម្បយុត្តិធម៌ជាមគ្គផល​សម្រាប់​អ្វីដែលជាកំពូលឬគោល​ដៅ​គឺ​អមតៈមហានិព្វារបស់មនីទាំងឡាយក្នុងលោកទាំងបី។នៅក្នុង​រយៈ​ពេល​នៃ​ការ​ប្រឡង​នេះព្រះសង្ឃ​ទទួល​​​បានការឧបត្ថម្ភពីសំណាក់ព្រះតេជគុណ គៀត ច័ន្ទធុច រួមមានបច្ច័យ និង ចង្ហាន់ជាប្រចាំផងដែរ ៕