កំពង់ស្ពឺ ៖ ប្រជាកសិករ ចំនួន៤៣៩គ្រួសារក្នុងឃុំភក្តី និងឃុំនិទាន ស្រុកបរសេដ្ឋ ខេត្តកំពង់ស្ពឺទទួលបានគ្រាប់ពូជស្រូវ២ប្រភេទសម្រាប់យកទៅសាប ព្រួសដើម្បីធ្វើការដកស្ទូង ពីអាជ្ញាធរខេត្តកំពង់ស្ពឺ។ មិនតែប៉ុណ្ណោះអាជ្ញាធរបានចុះបូមទឹកពីប្រឡាយរលាំងជ្រៃទាំង២ នៅស្រុកសំរោងទង និងនៅទំនប់តាស៊ុយ ស្រុកបរសេដ្ឋ ដាក់តាមប្រឡាយរងសម្រាប់ដាក់ឲ្យកសិករធ្វើការដកស្ទូងតាមលទ្ធភាពជាក់ស្តែង។ ឯកឧត្ត អ៊ូ សំអួន អភិបាលខេត្តកំពង់ស្ពឺបានថ្លែងទៅកាន់ប្រជាកសិករ ក្នុងស្រុកសំរោងទង និងស្រុកបរសេដ្ឋ កាលពីព្រឹកថ្ងៃទី២២ ខែសីហា ឆ្នាំ២០១៤ ថា៖ ទោះបីជាឆ្នាំនេះទូទាំងខេត្តជួបប្រទះរាំងស្ងួតអស់រយៈពេលជាច្រើនខែ។ ក៏ប៉ុន្តែយើងមិនត្រូវអស់សង្ឃឹមទេ គឺត្រូវតែខិតខំបង្កបង្កើតផល ឲ្យអស់លទ្ធភាព។ ឯកឧត្តមបានបន្តថា៖ ក្រៅពីការងារបង្កបង្កើនផលស្រូវរដូវវស្សាយើងអាចធ្វើការដាំដុះ ដំណាំរួមផ្សំផ្សេងៗ និងចិញ្ចឹមសត្វដើម្បីផ្គត់ផ្គង់ជីវភាពប្រចាំថ្ងៃ។ ឯកឧត្តម បន្តថា៖ អាជ្ញាធរគ្រប់លំដាប់ថ្នាក់ ត្រូវចុះជាប់ជាមួយប្រជាពលរដ្ឋគ្រប់ពេលវេលាដើម្បីធ្វើការតាមដាន និងឆ្លើយតបតម្រូវការចាំបាច់របស់ពួកគាត់។ ពូជស្រូវដែលបានចែកជួននាពេលនេះមាន២ប្រភេទគឺ ពូជស្រូវជលសារ និង AR ដែលជាពូជស្រូវរយៈពេលខ្លីត្រឹមតែជាង៩០ថ្ងៃអាចទទួលបានផល។
សូមរំលឹកថា ក្នុងរដូវវស្សាឆ្នាំនេះទូទាំងខេត្តកំពង់ស្ពឺជួបប្រទះភាពរាំងស្ងួត តាំងពីដើមរដូវរហូតមកដល់ពេលនេះទើប មេឃបង្អោទឹកភ្លៀងតាមតំបន់មួយចំនួន ប៉ុន្តែវាមិនទាន់មានទឹកគ្រប់គ្រាន់សម្រាប់ធ្វើសាប ព្រួស ដកស្ទូង នៅឡើយទេ។ ដោយសារតែគ្រោះរាំងស្ងួតបែបនេះបានធ្វើឲ្យសំណាបបានងាប់ និងខ្លះទៀតមិនបានសាបនៅឡើយ។ ស្របពេលនេះ ស្ថិតចុងរដូវវស្សា ហើយលទ្ធភាពការងារបង្កបង្កើនផលស្រូវវស្សាស្ទើរតែហួសពេល ដូច្នេះប្រជាកសិករគួរតែជ្រើសរើសពូជស្រូវដែលមានរយៈពេលខ្លី និងមិនប្រកាន់រដូវសម្រាប់ ដក ស្ទូងជំនួសស្រូវវស្សា។ ឯកឧត្តមផ្តាំផ្ញើដល់ប្រជាកសិករ ជាពិសេសត្រូវបង្កើនការដាំដុះដំណាំផ្គួបផ្សំផ្សេងៗ និងចិញ្ចឹមសត្វបន្ថែមទុកគ្រាន់ដោះស្រាយជីវភាព។
បញ្ជាក់ ថា ប្រជាកសិករដែលបានមកទទួលពូជស្រូវពីអាជ្ញាធរខេត្តកំពង់ស្ពឺមាន ចំនួន៤៣៩គ្រួសារមកពីឃុំភក្តី និងឃុំនិទាន ស្រុកបរសេដ្ឋ ក្នុងមួយគ្រួសារៗទទួលបានចំនួន១០គីឡូក្រាម ក្រៅពីស្រុកបរសេដ្ឋ និងតាមស្រុកផ្សេងៗទៀតក៏ទទួលបានគ្រាប់ពូជ ស្រូវអាអ៊ែ និងបានសាបថ្នាលរួម បានចំនួន៤ហិកតា នៅឃុំវល្លិ៍ស ស្រុកសំរោងទងផងដែរ។ ហើយដីបង្ករបង្កើនផលទូទាំងខេត្តមានចំនួន១១៣ ៦០០ហិកតា សាបព្រោះបុកដាំទើបបានតែ២៥ ៥០០ហិកតាប៉ុណ្ណោះ៕
សូមរំលឹកថា ក្នុងរដូវវស្សាឆ្នាំនេះទូទាំងខេត្តកំពង់ស្ពឺជួបប្រទះភាពរាំងស្ងួត តាំងពីដើមរដូវរហូតមកដល់ពេលនេះទើប មេឃបង្អោទឹកភ្លៀងតាមតំបន់មួយចំនួន ប៉ុន្តែវាមិនទាន់មានទឹកគ្រប់គ្រាន់សម្រាប់ធ្វើសាប ព្រួស ដកស្ទូង នៅឡើយទេ។ ដោយសារតែគ្រោះរាំងស្ងួតបែបនេះបានធ្វើឲ្យសំណាបបានងាប់ និងខ្លះទៀតមិនបានសាបនៅឡើយ។ ស្របពេលនេះ ស្ថិតចុងរដូវវស្សា ហើយលទ្ធភាពការងារបង្កបង្កើនផលស្រូវវស្សាស្ទើរតែហួសពេល ដូច្នេះប្រជាកសិករគួរតែជ្រើសរើសពូជស្រូវដែលមានរយៈពេលខ្លី និងមិនប្រកាន់រដូវសម្រាប់ ដក ស្ទូងជំនួសស្រូវវស្សា។ ឯកឧត្តមផ្តាំផ្ញើដល់ប្រជាកសិករ ជាពិសេសត្រូវបង្កើនការដាំដុះដំណាំផ្គួបផ្សំផ្សេងៗ និងចិញ្ចឹមសត្វបន្ថែមទុកគ្រាន់ដោះស្រាយជីវភាព។
បញ្ជាក់ ថា ប្រជាកសិករដែលបានមកទទួលពូជស្រូវពីអាជ្ញាធរខេត្តកំពង់ស្ពឺមាន ចំនួន៤៣៩គ្រួសារមកពីឃុំភក្តី និងឃុំនិទាន ស្រុកបរសេដ្ឋ ក្នុងមួយគ្រួសារៗទទួលបានចំនួន១០គីឡូក្រាម ក្រៅពីស្រុកបរសេដ្ឋ និងតាមស្រុកផ្សេងៗទៀតក៏ទទួលបានគ្រាប់ពូជ ស្រូវអាអ៊ែ និងបានសាបថ្នាលរួម បានចំនួន៤ហិកតា នៅឃុំវល្លិ៍ស ស្រុកសំរោងទងផងដែរ។ ហើយដីបង្ករបង្កើនផលទូទាំងខេត្តមានចំនួន១១៣ ៦០០ហិកតា សាបព្រោះបុកដាំទើបបានតែ២៥ ៥០០ហិកតាប៉ុណ្ណោះ៕
.jpg)
0 comments:
Post a Comment