ស្រីធ្វើប្រុសម្នាក់ចងកសម្លាប់ខ្លួននៅក្រុងព្រះសីហនុ

ខេត្តព្រះសីហនុ ៖ មនុស្សស្រីតែងខ្លួន​ធ្វើប្រុស​ម្នាក់​ត្រូវបាន​ក្មេងៗ​ដើរកម្សាន្តលេងតាម​មាត់ ឆ្នេរ​សមុទ្រ​​ប្រទះ​ឃើញចងកសម្លាប់​ខ្លួនក្នុងខ្ទម​បាក់បែក​មួយដែលគេទុកចោល នៅ​ចំនុច​ភ្នំ​ពយ​តា​មូង​ស្ថិត​ក្នុង ក្រុមទី ១៤ ភូមិ ៤ សង្កាត់ ៤ ក្រុង-ខេត្តព្រះសីហនុ កាលពីវេលាម៉ោង ៣ និង ៣០ នាទី រសៀល ថ្ងៃទី ២១ ខែ សីហា ឆ្នាំ ២០១៤។

ប្រភពពីសមត្ថកិច្ចនគរបាលសង្កាត់ ៤ បានអោយដឹងថា មនុស្សតែងខ្លួនធ្វើប្រុស​រូបនេះ​សមត្ថកិច្ច​ពុំ​ទាន់​ស្គាល់អត្តសញ្ញាណនៅឡើយទេ ហើយឥឡូវនេះ សមត្ថកិច្ចកំពុងតែទំនាក់ទំនង​សួរ​រក​សាច់​ញាតិ​ជ​នរងគ្រោះ ដែលចងកសម្លាប់ខ្លួននេះ។

ប្រភពដដែលបានអោយដឹងទៀតថា តាមការធ្វើកោសល្យវិច្ច័យរបស់លោកវេជ្ជបណ្ឌិត សែ សិទ្ធិ​ផោតិ អនុប្រធានមន្ទីរ​សុខាភបាលខេត្តព្រះសីហនុ ទទួលបន្ទុកពិនិត្យសាកសព បាន​អោយដឹងថា ជន​​រងគ្រោះខាងលើនេះ ពិតជា​ធ្វើអត្តឃាតចងកសម្លាប់ខ្លួនពិតប្រាកដមែន។

សាកសពជនរងគ្រោះដែលចងកសម្លាប់ខ្លួនខាងលើនេះ សមត្ថកិច្ចកំពុងទំនាក់ទំនង​រក​សាច់​ញាតិ ដើម្បី​ទទួលយកទៅធ្វើបុណ្យតាមប្រពៃណី ។