ដើម្បីចូលរួមតាមសេចក្តីជូនដំណឹងស្តីពីការចាត់តាំងធ្វើសំអាតអនាម័យបរិស្ថានតាមដងផ្លូវនិងទី
សាធារណៈនៅខេត្តព្រះសីហនុលោកគ្រូអ្នកគ្រូនិងសិស្សានុសិស្សនៃមជ្ឈមណ្ឌលចំណេះទូទៅអន្តរទ្វីបជាង៥០០នាក់និងលោកគ្រូអ្នកគ្រូ៣០នាក់បានរួមគ្នាធ្វើពលកម្មសំអាតអនាម័យបរិស្ថានតាមដងផ្លូវនិងទីប្រជុំជនទីសាធារណៈក្នុងក្រុងព្រះសីហនុ។
លោក ណុប អូ ប្រធានមន្ទីរមុខងារសាធារណៈខេត្តព្រះសីហនុនិងជានាយកមជ្ឈមណ្ឌលចំណេះទូទៅអន្តរទ្វីថ្លែងថាសកម្មភាពគឺជាផ្នែកមួយរួមជាមួយអាជ្ញាធរខេត្តសំដៅលើកកំពស់សុខភាព
និងសណ្តាប់ធ្នាប់សាធារណៈធ្វើអោយសោភណ៍ភាពកាន់តែប្រសើរឡើងនិងជួយអភិវឌ្ឍន៏វិស័យទេសចរណ៏។ ដោយយោងតាមសរាចរណែនាំសំរាប់អនុវត្តអចិន្ត្រៃយ៏លេខ ០៩ សរណន ចុះថ្ងៃទី ១៩
ខែ មិថុនា ឆ្នាំ ២០០៣ របស់រាជរដ្ឋាភិបាល កម្ពុជា
ស្តីពីការរៀបចំចាត់តំាងព្រះរាជពិធីបុណ្យ ទ្វាទសមាស បុណ្យប្រពៃណីជាតិ
បុណប្រពៃណីសាសនា បុណ្យជាតិ និង បុណ្យអន្តរជាតិ
ក្នុងស្មារតីអង្គប្រជុំរបស់គណៈអភិបាលខេត្ត ស្តីពីការរៀបចំចាត់តាំង
ធ្វើអនាម័យបរិស្ថាន នៅតាមដងផ្លូវ និង ទីសាធារណៈនានា ក្នុងខេត្តព្រះសីហនុ
អាជ្ញាធរខេត្ត បានចេញសេចក្តីជូនដំណឹងជូន ដល់បងប្អូនប្រជាពលរដ្ឋ
មន្ត្រីរាជការ កងកម្លាំងប្រដាប់អាវុធ ក្នុងនោះខេត្តព្រះសីហនុ
ចូលរួមធ្វើអនាម័យសំអាតបរិស្ថាន តាមដងផ្លូវ និង
ទីសាធារណៈតាមបណ្តោយវិថីអូរឈើទាល វិថីលំហែព្រះភូមិន្ទ ថិវីឯករាជ
វិថីមិត្តភាព និង វិថី ៧មករា ។ ឯកឧត្តម ឈិត សុខុន អភិបាលខេត្តព្រះសីហនុ
ថ្លែងការអបអរសាទរ ដល់បងប្អូនប្រជាពលរដ្ឋ មន្ត្រីរាជការ ទាំងអស់
ដែលបានរួមគ្នាសំអាតអនាម័យ បរិស្ថាន ទៅតាមដងផ្លូវ និង ទីសាធារណៈ
ក្នុងក្រុងព្រះសីហនុ ហើយថាសកម្មភាពនេះគឺជាសារមួយដល់ប្រជាពលរដ្ឋឋ
គ្រប់រូបមេត្តាជួយយកចិត្តទុកដាក់ ថែទាំ និង សំអាតអនាម័យបរិស្ថាន
នៅតាមគេហដ្ឋានដើម្បីគេហដ្ឋានយើង គឺស្រុកយើងមានបរិស្ថាន បៃតង
ស្រស់ស្អាតរួមចំណែកក្នុងចលនាប្រលងប្រណាំងទីក្រុងស្អាត
សំរាប់ភ្ញៀវទេសចរណ៏ជាតិ និង អន្តរជាតិ មកសំរាកកំសាន្តសក្តិសម និង
កិត្តិយសដែលប្រមុខរាជរដ្ឋាភិបាល ប្រសិទ្ឋិនាមជាតារាៈនាទិសនារតី ។
.jpg)
0 comments:
Post a Comment