អង្គការមូលនិធិថែទាំសុខភាពអ្នកជំងឺអេដស៍ធ្វើកម្មវិធីជួបជុំមិត្ត ឆ្នាំ២០១៤ ដើម្បីពិភាក្សាពីការទទួលបាននៃការធ្វើតេស្តឈាម និងការព្យាបាលទាន់ពេលវេលា

ខេត្តព្រះសីហនុ ៖ លោកជំទាវ ប្រាក់ ច័ន្ទសុខា អភិបាលរងខេត្ត​ព្រះសីហនុ និងលោកស្រីឱសថការី មិន សុគន្ធា អនុប្រធានមន្ទីរសុខាភិបាលខេត្តព្រះសីហនុព្រមទាំងមន្ត្រីតំណាងពាក់ព័ន្ធ​ជា​ច្រើនរូ​ប​ទៀត​បាន​អញ្ជើញចូលរួមកម្មវិធីជួបជុំមិត្តឆ្នាំ២០១៤ដើម្បីពិភាក្សាការ​ទទួលបាន​នៃការ​ធ្វើ​តេស្ត​ឈាម​​​​​​​​​​​​​​​​​​​​​​​​​​​​​​​​​​​​​​​​​​​​​និងការព្យាបាលទាន់ពេលវេលារបស់​​​ក្រុមបុរស​ស្រលាញ់​បុរស​និង​ក្រុម​ស្រី​ស្រស់​និង​ក្រុម​ផ្សេងៗ​ទៀតនៅខេត្តព្រះសីហនុរយៈពេលមួយថ្ងៃកាលពីព្រឹកថ្ងៃទី១៥ សីហា ឆ្នាំ២០១៤ ដើម្បី​សិក្សា​ការងារឆ្លើយតបមេរោគអេដស៍ ជំងឺអេដស៍ព្រមទាំង​ពិភាក្សាផ្តល់ព័ត៌មាន​ពី​គំរោងការ​ផ្តល់​ប្រឹក្សា​​និងការធ្វើតេស្តឈាមរកមេរោគអេដស៍ដោយ ជោះចុចម្រាមដៃ តាម​សហគមន៍​និង​ព្យាបាល​ដោយ​ឱសថប្រឆាំងមេរោគអេដស៍ព្រមទាំងពិភាក្សាបង្កើត​បណ្តាញ​ក្រុមបុរស​ស្រលាញ់​បុរសនិង​ជំរុញ​យ៉ាងខ្លាំងដើម្បីទទួលបានធ្វើតេស្តឈាមអោយបានច្រើននិងព្យាបាលអោយទាន់ពេល
វេលា​។​​​​ នៅក្នុងប្រសាសន៍សំណេះសំណាលរបស់គណៈអធិបតីនិងតំណាងពាក់ព័ន្ធ​ដែល​ថ្លែង​ក្នុង​កម្មវិធីនេះបានបង្ហាញពីគោលបំណងរួមសំរាប់កិច្ចប្រជុំនេះបានបង្ហាញអោយឃើញថាបញ្ហាប្រឈមនិងគ្រោះថ្នាក់បណ្តាលមកពីមេរោគអេដស៍ទៅលើក្រុមបុរសស្រលាញ់បុរសដែលចាំបាច់ត្រូវតែរួមគ្នាទប់ស្កាត់ក្នុងនោះការអប់រំផ្សព្វផ្សាយអំពីវិធានការណ៍ការពារទាំងចំពោះនិង​ដោយ​ប្រយោល​គឺជា​គន្លឹះ​ដ៏សំខាន់ដើម្បីអោយក្រុមបុរសស្រលាញ់បុរស​និង​ក្រុម​ស្រី​ស្រស់​មាន​ការ​ស្វែង​យល់​កាន់​តែ​ច្រើន​ពីគ្រោះថ្នាក់មកពីមេរោគអេដស៍ ។ កម្មវិធីនេះក៏មានសមាភាពចូលរួមចំនួន១១០នាក់ មក​ពី​អង្គ​ការ​និងរោងចក្រ អង្គការ KWCD អង្គការ RHAC អង្គការKHEMARA មណ្ឌលសំចត AHF និង​តំណាង​រោងចក្រ Cassino ។ ក្នុងកិច្ចប្រជុំនេះក៏បាននិងស្វែងរកការគាំទ្រដើម្បីកាត់បន្ថយការមាក់ងាយ និង​ការ​រើស​អើង​ចំពោះ​ក្រុមបុរសស្រលាញ់បុរសនិងក្រុមស្រីស្រស់ហើយពិភាក្សាការចែករំលែកបទពិសោធន៍គ្នាទៅវិញទៅមកពីភាពងាយស្រួលការលំបាកនិងរកដំណោះស្រាយហើយលើកទឹកចិត្តដល់អង្គការឬដៃគូរអនុវត្ត​​​​​គំរោង​តាមរយៈការផ្តល់ គាំទ្របច្ចេកទេសដើម្បី​អោយ​គេ​អាច​សំរេច​បាន​នូវ​គោល​ដៅ​និង​គោល​បំ​ណង​​​​ចំពោះមុខ៕