សាលា​បច្ចេក​ទេស​ដុនបូស្កូ ខេត្តព្រះសីហនុ ធ្វើពិធីប្រគល់សញ្ញាប័ត្រ បណ្តោះអាសន្ន ថ្នាក់បច្ចេកទេសជាន់ខ្ពស់ ឆ្នាំសិក្សា ២០១២ - ២០១៤ ដល់សិស្សជំនាន់ទី ៤

សាលាបច្ចេកទេសដុនបូស្កូ ខេត្តព្រះសីហនុ បានប្រារព្ឋធ្វើពិធីប្រគល់សញ្ញាប័ត្រ បណ្តោះអាសន្ន ថ្នាក់​ច្ចេកទេសជាន់​ខ្ពស់ ឆ្នាំសិក្សា ២០១២ - ២០១៤ ជូនដល់សិស្សានុសិស្សជំនាន់ទី ៤ កាលពីព្រឹកថ្ងៃទី ២៩ ខែ សីហា ឆ្នាំ ២០១៤ ក្រោមអធីបតីភាពឯកឧត្តម ឈិត សុខុន អភិបាល នៃ​គណៈ​អភិបាល​ខេត្ត​ព្រះសីហនុ​ លោកឪពុក ចនវីសឺ អធិការសាលាដុនបូស្កូ ។ ក្នុង​ប្រសាសន៏​សំណេះ​សំណាល​របស់​គណៈ​អធិបតី ក៏ដូចជារបាយការណ៏របស់គណៈគ្រប់គ្រងសាលាបានអោយដឹងថា សាលា​បច្ចេក​ទេស​​ដុន​បូស្កូ បានបង្កើតឡើងក្នុងគោលបំណង បណ្តុះបណ្តាលផ្នែកបច្ចេកទេស ជូន​ដល់​សិស្សានុ​សិស្ស ​ដែល​មាន​ជីវភាពក្រីក្រ ឬ កំព្រាឪពុក ម្តាយ ហើយគ្មានលទ្ឋភាពបន្តការសិក្សា នៅ​សាលា​ដ៏ទៃ​ទៀត​ សាលា​បច្ចេក​ទេស​ដុនបូស្កូ បានធ្វើការទទួលសិស្សអោយចូលរៀនពីគ្រប់បណ្តារាជធានី ខេត្ត ជារៀងរាល់ឆ្នាំ ហើយបេក្ខជនមានអាយុចាប់ពី ១៧ឆ្នាំ ដល់ ២៤ឆ្នាំ ដែលកំរិតសិក្សាប្រលងធ្លាក់ថ្នាក់ទី ១២​ បើតាំងពីបើកទ្វាមកសាលាបច្ចេកទេសដុនបូស្កូ បានបណ្តុះបណ្តាលដល់សិស្សានុសិស្ស បាន ១៤​វគ្គមកហើយ មានសិស្សសរុបចំនួន ១៧០២នាក់ ស្រី ៥២៤នាក់ សិក្សាលើមុខជំនាញរួមមាន ផ្នែក​យន្ត​សាស្ត្រ​ទូទៅ ផ្នែកអគ្គិសនី ផ្នែកយន្តសាស្ត្ររថយន្ត ផ្នែកផ្សារលោហៈ ផ្នែកលេខាធិការ ផ្នែក​ទំនាក់​ទំនង​សង្គម និង សារព័ត៌មាន និង សណ្ឋាគារ ។
ដោយ​ឡែក​ក្នុងឆ្នាំសិក្សា ២០១៣ - ២០១៤ សាលាបានបញ្ចប់ការសិក្សាជាន់ខ្ពស់ ដល់សិស្សជំនាន់ទី ៤​ ចំនួន ២៤២នាក់ ផ្នែកយន្តសាស្ត្រទូទៅ ៤៥នាក់ ផ្នែកអគ្គិសនី ៥០នាក់ ផ្នែកយន្តសាស្ត្ររថយន្ត ៤១នាក់ ផ្នែកលេខាធិការ ២៥នាក់ ផ្នែកទំនាក់ទំនងសង្គម និង សារព័ត៌មាន ១៧នាក់ និង សណ្ឋាគារ​ចំនួន​ ៦៤នាក់ សំរាប់ឆ្នាំសិក្សា ២០១៤ - ២០១៥ សាលាមានសិស្សសរុបចំនួន ៥៦៦នាក់ ស្រី ១៦៧​នាក់​ ។ ឯកឧត្តម ឈិត សុខុន អភិបាលខេត្តព្រះសីហនុ បានមានប្រសាសន៏សំណេះសំណាលថា ការ​ប្រគល់​សញ្ញាប័ត្រនេះ គឺឆ្លុះបញ្ចាំងអោយឃើញ អំពីលទ្ឋផលវិជ្ជមានរបស់សាលាបច្ចេកទេសដុនបូស្កូ ខេត្ត​ព្រះសីហនុ ក្នងចលនាបណ្តុះបណ្តាលធនធានមនុស្សនៅកម្ពូជា ប្រកបដោយសមត្ថភាព ហើយ​កន្លង​មក​សិស្សានុសិស្ស បានបញ្ចប់ការសិក្សាពី សាលាបច្ចេកទេសដុនបូស្កូ ទទួល​បាន​ឱកាស​ធ្វើ​ការ​ងារ នៅតាមគ្រឹះស្ថាន ទាំងស្ថាប័នរដ្ឋ និង ឯកជន មានអង្គភាព ស្ថាប័នសាធារណៈ អង្គការ មិន​មែន​​រដ្ឋាភិបាល ធនាគារ និង ក្រុមហ៊ុនឯកជន ដែលក្នុងនោះអតីតសិស្សានុសិស្ស ដែល​បញ្ចប់​ការ​សិក្សា​ពីសាលាបច្ចេកទេសដុនបូស្កូ ឯកឧត្តម អភិបាលខេត្ត ជំរុញ​អោយ​ការ​បណ្តុះបណ្តាល​សិស្សា​នុ​សិស្ស​ ទទួលបានទាំងបរិមាណ និង គុណភាព ធ្វើយ៉ាងណាធ្វើយ៉ាងណាអោយសិស្សានុ​សិស្ស ដែល​បញ្ចប់​ការ​បណ្តុះបណ្តាលទទួលបានសញ្ញាប័ត្រ ហើយនោះគឺជាសិស្សដែលមានគ្រប់លក្ខណៈសម្បត្តិ ក្នុង​ការ​បំពេញ​ការងារ ។