បុរសជនជាតិឥណ្ឌូនេស៊ីម្នាក់ស្រវឹងធ្លាក់ភ្នែកបើករថយន្តយ៉ាងលឿនជ្រុលទៅបុករបាំងថ្មចែកទ្រូងផ្លូវ

បុរសជនជាតិឥណ្ឌូនេស៊ី វ័យ២៩ឆ្នាំម្នាក់ផឹកស្រវឹងខ្លាំង បើករបររថយន្តយ៉ាងលឿនមិនប្រយ័ត្នជ្រុល​ ចង្កូតទៅបុករបាំងថ្មចែកទ្រូងផ្លូវ សំណាងល្អមិនបង្ករឲ្យរងគ្រោះថ្នាក់ ដល់អ្នក​ដទៃ​គ្រាន់តែ​ខូចខាត​ទ្រព្យ​​សម្បត្តិ​សាធារណៈរបស់រដ្ឋ។
ហេតុការគ្រោះថ្នាក់ចរាចរណ៍បង្ករដោយខ្លួនឯងនេះបានកើតឡើងកាលពីវេលាម៉ោង២និង៤០រំលងអា​ធ្រាត្រឈានចូល ថ្ងៃទី១៨ ខែសីហា ឆ្នាំ២០១៤ ត្រង់ចំណុច ផ្លូវកោងអតីតៈតុលាការចាស់ ស្ថិត​ក្នុង​ភូមិ៣ សង្កាត់៤ ក្រុង-ខេត្តព្រះសីហនុ។
ប្រភពពីពីប្រជាពលរដ្ឋដែលរស់នៅក្បែរកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តនេះបើកយ៉ាងដូចហោះទិសដៅពីលិចទៅកើតលុះមកដល់ចំណុចកើតហេតុស្រាប់តែឃើញរថយន្តជ្រុលចង្កូតទៅបុកជាមួយរបាំងថ្មចែកទ្រូងផ្លូវ ភូងលាន់ លឺដូចផ្ទុះ គ្រាប់បែ​ក​បណ្តាល​ឲ្យ​ប្រេះ​របើក​អស់ចំនួន៩ផ្ទាំង និង រថយន្ត​បែកកង់​មុខ​ចំ​ហ៊ាង​ខាង​ឆ្វេង​សំណាង​ល្អអ្នក​បើកបរ​និងអ្នករួម​ដំ​ណើរ​៣នាក់ជាបុរសជនជាតិឥណ្ឌូនេស៊ីផ្សេងទៀតមិនរងរបួស។
ភ្លាមៗនោះផងដែរអ្នកបើកបររថយន្តនិងអ្នករួមដំណើរជាមួយស្ទុះបើកទ្វារចេញមកក្រៅរួចរករឿងគេ​ឯង​មិនឲ្យអ្នកណាម្នាក់ឈរមើលបាន។
ប្រភពពីភ្នាក់ងារនគរបាលចរាចរណ៍បានឲ្យដឹងថា រថយន្តម៉ាក សឿលីកា ពណ៌ទឹកប្រាក់ ពាក់​ស្លាក​លេខ​ ភ្នំពេញ 2V-9998 បើកបរដោយបុរសជនជាតិ ឥណ្ឌូនេស៊ី ម្នាក់ឈ្មោះ ប៉ាយ មិន ភេទប្រុស អាយុ​ ២៩ ឆ្នាំ រួមជាមួយនិងបុរស៣នាក់ផ្សេងទៀតមិនស្គាល់ឈ្មោះ​ជា​ភ្ញៀវទេសចរណ៍ ចូល​មក​ស្នាក់​នៅ ក្រុង-ខេត្តព្រះសីហនុ។ ក្រោយពេលកើតហេតុរថយន្តបង្ករត្រូវសមត្ថកិច្ចនគរបាលចរាចរណ៍ ធ្វើការ​វាស់វែង​រួចហៅ​រថយន្ត​ស្ទូចៗ​យកទៅរក្សាទុកនៅការិយាល័យ ចរាចរណ៍ ផ្លូវគោក រងចាំម្ចាស់​ចូល​ខ្លូន​មក​ធ្វើការ​ដោះ​ស្រាយ​ជួ​សជុលព្រទ្យសម្បត្តិរដ្ឋដែលបាន ខូចខាត ដោយ រថយន្ត​ខាងលើ​បុករួចរាល់​ទើប​ប្រគល់​ឲ្យ​ម្ចាស់​យកទៅវិញ៕