បសុ​ព្យាបាល​ខេត្ត​ចុះ​ចាក់​ថ្នាំ​វ៉ាក់សាំង​ការ​ពារ​ជម្ងឺ​សារ​ទឹក​ដល់​គោ​ក្របី​ចំនួន ៩៥០ក្បាល ជូន​ប្រជា​កសិករ​នៅ​ភូមិ​២​ក្នុង​ឃុំអណ្តូងស្នាយ

កំពង់ឆ្នាំង៖ សត្វ​គោក្របីដែលជាកំលាំងអូសទាញរបស់បងប្អូនប្រជាកសិករ​យើង​ចំនួន​៩៥០​ក្បាល​ ត្រូវ​បានក្រុមការងារបសុព្យាបាលនិងផលលិតកម្មក្រសួង និងខេត្ត ចុះ​ចាក់​ថ្នាំ​វ៉ាក់សាំង​បង្កា​ជម្ងឺ​សារ​ទឹក​នៅពេលទឹកជំនន់ទន្លេនៅតែមានការកើនឡើង។ ការ​ចុះ​ចាក់​ថ្នាំ​បង្កា​រ​សត្វ​គោ​ក្របី​នេះ​បាន​នៅធ្វើឡើងក្នុងបរិវេណសាលាបុណ្យភូមិប៉ាហ៊ី ស្ថិតក្នុងឃុំអណ្តូងស្នាយ ស្រុករលាប្អៀរ នៅ​ព្រឹក​ថ្ងៃទី២១ ខែសីហាឆ្នាំ២០១៤ ដោយមានការចូលរួមពីលោក គង់ចាន់ អនុរដ្ឋ​លេ​ខា​ធិ​ការ​ក្រសួង​កសិកម្ម លោកសួនសុធឿន អនុប្រធាននាយកដ្ឋានផលិតកម្មនិងបសុព្យាបាល។ លោក គង់​ចាន់ បានធ្វើការ​សំណេះ​សំណាល​ជាមួយ​បងប្អូន​ប្រជា​ពលរដ្ឋ​ថា​៖​ រដូវ​នេះ​ជា​រដូវ​វស្សា​ទឹក​ជំនន់​ដូច្នេះ​ដើម្បីទប់ស្កាត់ជម្ងឺសារទឹកគោក្របី ទើបក្រុមការងារបសុព្យាបាលនិងផលិតកម្មក្រសួង និងខេត្តនាំគ្នាចុះមកចាក់ថ្នាំបង្កាទប់ស្កាត់ជម្ងឺសារទឹកដល់សគោក្របីដែលជាកំលាំងអូសទាញរបស់​បង​​ប្អូនប្រជាកសិករនៅពេលនេះ។លោក​បានធ្វើការផ្តាំផ្ញើដល់បងប្អូនទាំងអស់ត្រូវយកចិត្តទុកដាក់ថែទាំសត្វគោក្របីរបស់ខ្លួនអោយ​បាន​ល្អ​ នៅ​ពេលសត្វមានជម្ងឺសូមរាយការបន្ទាន់មកពេទ្យសត្វភូមិ ដើម្បី​ចុះ​ពិនិត្យ​ចាក់​ថ្នាំ​ព្យាបាល​និង​ការពារ​ភ្លាមៗ ដើម្បីកុំអោយខាតផលប្រយោជន៍ក្នុងការធ្វើស្រែចំការរបស់បងប្អូន។ ក្រោយពីបានចាក់ថ្នាំបង្ការជម្ងឺដល់សត្វគោក្របីរួចមក ប្រតិភូ​បាន​ចុះ​ពិនិត្យ​កន្លែង​ទីទួល​សុវត្ថិភាព​សម្រាប់​ដាក់សត្វគោក្របីពេលទឹកជំនន់ ពិសេសការទុកដាក់ ចំបើង​បំរុង​ទុក​នៅ​រដូវ​ទឹក​ឡើង​អោយ​គោក្របីស៊ី។បន្ទាប់មកលោក ហ៊ុន លី អនុ​ប្រធាន​ការិយាល័យ​ផលិតកម្ម​និង​បសុព្យាបាល​ខេត្ត​ បាននាំប្រតិភូក្រសួងទៅពិនិត្យមើលសហគមន៍ចិញ្ចឹមសត្វ និង​កសិករ​គំរូ​នៅ​ក្នុង​ភូមិ​ត្រពាំង​ក្រវ៉ាន់​ ឃុំ​ជ្រៃបាក់ ដែល​បាន​ទទួល​យក​ការ​ប្រើ​ប្រាស់​ឡ​ជី​វ​ឧស្មន័​ដែល​បាន​ប្រើ​ប្រាស់​នៅ​ក្នុង​គ្រួសារ​​ក្រោមការណែនាំពីមន្ទីរកសិកម្មខេត្ត គឺបានជួយកាត់បន្ថយពេលវេលាក្នុងការចំ អិនម្ហូប អា​ហារ​ បាយទឹក និងអាចដាក់ភ្លើងបំភ្លឺនៅក្នុងផ្ទះផងដែរ ស្រប​តាម​គោល​នយោបាយ​ចតុកោណ​របស់​​ប្រមុខរាជរដ្ឋាភិបាលក្នុងការកាត់បន្ថយភាពក្រីក្រប្រជាពលរដ្ឋនៅតាមមូលដ្ឋាន៕អត្ថបទដោយ៖ ឈាងវណ្ណៈ