រថយន្តរបស់ក្រុមហ៊ុនសន្តិសុខឯកជន Mpaមួយគ្រឿងដឹកលុយចេញពីធនាគារឆ្ពោះទៅទីស្នាក់ការ សន្តិសុខ បានពាក់កណ្តាលផ្លូវរថយន្តក៏ កាំងចង្កូតរេទៅបុកដើមលឿងរាជ នៅចញ្ចើមផ្លូវសំណាង
ល្អមិនមានអ្នកណាម្នាក់រងគ្រោះថ្នាក់ដល់អាយុជីវិតឡើយ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០និង០០នាទីព្រឹក ថ្ងៃទី២៦ ខែ សីហា ឆ្នាំ២០១៤ នៅតាមបណ្តោយវិថីឯករាជ ត្រង់ចំណុចខាងមុខស្ថានទូត វៀតណាម ប្រចាំខេត្តព្រះសីហនុ ស្ថិតក្នុងភូមិ២ សង្កាត់លេខ៣ ក្រុងខេត្តព្រះសីហនុ។ តាមសាក្សីនៅកន្ថែងកើតហេតុបានឲ្យដឹងថាមុនពេលកើតហេតុគេឃើញរថយន្តបើកពីទិសកើតទៅលិច ដោយល្បឿនយឺតល្មមព្រោះរថយន្តបានបើកឡើងចំណោតលុះមកដល់កន្លែងកើត ហេតុស្រាប់ តែគេ ឃើញរថយន្តរេចង្កូតទៅបុកដើមលឿងរាជតែម្តងបណ្តាលឲ្យអ្នកជិះក្នុងរថយន្ត ម្នាក់ខ្ទាត ចេញតាមទ្វារធ្វើឲ្យរងរបួសស្រាល។
ប្រភពពីសមត្ថកិច្ចនគរបាលចរាចរណ៍បានឲ្យដឹងថា រថយន្ត គ្លុបពណ៌ខៀវ លាយស ពាក់ស្លាកលេខភ្នំពេញ 2F-5347 ជាកម្មសិទ្ធិរបស់ក្រុមហ៊ុន សន្តិសុខឯកជនMpa បើកបរដោយបុរសម្នាក់ឈ្មោះ ចាន់ រាំងស៊ី ភេទ ប្រុស អាយុ ៣២ឆ្នាំ មុខរបរសន្តិសុខក្រុមហ៊ុន Mpa បានរងរបួសស្រាលគ្រាន់តែពកក្បាល និង អ្នករួមដំណើរ៤នាក់ផ្សេងទៀតគឺ:ទី១ ឈ្មោះ សៀង ជា មុខរបរ សន្តិសុខ ទី២ ឈ្មោះ សៅ សារ៉ាក់ មានមុខងារជា នគរបាល ទី៣ លឹម លី មានមុខងារ ជា នគរបាល និងទី៤ឈ្មោះ ចាន់ ផាន់ណា ប្រធានក្រុមសន្តិសុខ ខាងលើ អ្នកទាំងបួនរងរបួសស្រាលដូចគ្នា។ ក្រោយពេលកើតហេតុរថយន្តបង្ករត្រូវបានភ្នាក់ងារនគរបាលចរាចរណ៍ធ្វើការវាស់វែងរួចយករថយន្តទៅរក្សាទុកនៅការិយាល័យចរាចរណ៍ផ្លូវគោកដើម្បីដោះស្រាយឲ្យភាគីខាងក្រុមហ៊ុនដាំដើមឈើសង រដ្ឋវិញទើបឲ្យរួចខ្លួន៕
.jpg)
0 comments:
Post a Comment