រថយន្ត​ទូរីស​១គ្រឿង​ដឹក​កូន​ត្រីរ៉ស់​រាប់ម៉ឺន​ក្បាល​ត្រូវ​ខណ្ឌ័​រដ្ឋ​បាល​ជល​ផល​កំពង់​ឆ្នាំង​សហការ​ ជាមួយ​ការិ​យាល័យ​ទី២​យោធ​ភូមិ​ភាគ​ពិសេស​ស្ទាក់​ចាប់​បាន

កំពង់ឆ្នាំង៖កូនត្រីរ៉ស់រាប់ម៉ឺនក្បាល ដឹកតាមរថយន្តទូរីស១គ្រឿងពី ខេត្តតា​កែវ​ឆ្ពោះ​ទៅ​កាន់​ខេត្តពោធិ​ សាត់ត្រូវសមត្ថកិច្ចខណ្ឌ័រដ្ឋបាល ជលផលកំពង់ឆ្នាំងសហការជាមួយ នាការិយាល័យ ទី២​យោធ​ភូមិភាគ ពិសេសប្រចាំទិសកំពង់ឆ្នាំង ស្ទាក់ ចាប់បានកណ្តាលយប់។ករណី បង្ក្រាប​បទ​ល្មើស​នេសាទនេះបានធ្វើឡើងនៅម៉ោង១០និង៣០នាទីយប់ថ្ងៃទី២៤ ខែសីហា​ឆ្នាំ២០១៤​​នៅ​លើ​ផ្លូវ​ជាតិ​​លេខ៥ ចំណុចទួលក្រាំងក្នុងភូមិទី៨ សង្កាត់ខ្សាម ក្រុងកំពង់ឆ្នាំង។ លោក ប្រាក់ លាងហួរ នាយក​រងខណ្ឌ័រដ្ឋបាលជលផលកំពង់ឆ្នាំងនិងលោក ជុំ ណារិន នា ការិយាល័យ​ទី២​យោធ​ភូមិ​ភាគ​ពិសេសប្រចាំទិសកំពង់ឆ្នាំងជាអ្នកដឹកនាំកម្លាំងបង្ក្រាករណីខាងលើនេះបានអោយដឹងថា៖ក្រោយពីទទួលបានព័ត៌មានពីបណ្តាញរបស់ខ្លួនសមត្ថកិច្ចទាំង២បានសហការគ្នាដាក់កម្លាំងស្ទាក់ចាប់បានរថយន្តទូរីស១គ្រឿងម៉ាកសាំយ៉ុងពណ៍សំបកឪឡឹកពាក់ស្លាកលេខភ្នំពេញ2W-8006ដឹក​កូន​ត្រីរ៉ស់រាប់លាន ក្បាល។ ក្នុងពេលនោះសមត្ថកិច្ចបានឃាត់ខ្លួនបុរស៣នាក់គឺ៖ ១ឈ្មោះ យ៉ន​ ហ៊ុន អាយុ២៨ឆ្នាំរស់នៅភូមិព្រៃចំពក ឃុំព្រៃចំពក ស្រុកគីរីវង្ស ខេត្តតាកែវ និង​ព្រូរថយន្ត​២​នាក់​​​​ទៀត។ នៅ​ចំពោះ​មុខ​សមត្ថ​កិច្ចជន​ល្មើស​បាន​សារភាព​ថា​៖​ ពួកគេ​បាន​ស៊ីឈ្នួល​គេដឹក​កូន​ត្រីរ៉ស់​នេះ​ចេញ​ពី​ភ្នំដិន​ខេត្តតាកែវ​ឆ្ពោះ​ទៅកាន់​ខេត្តពោធិសាត់​ដើម្បី​យក​ទៅលក់​អោយគេ​ចិញ្ចឹម​នៅ​​​ទីនោះ។ប៉ុន្តែ​ពួកគេ​​មិនទាន់​បាន​ប្រាប់​ថា​អ្នកណា​ជា​ម្ចាស់កូន​ត្រី​នេះ​នៅ​ឡើយ​ទេ​ដែល​សមត្ថកិច្ច​សង្ស័យ​ថា កូនត្រី​​​ទាំងអស់នេះជា របស់ពួកគេ តែម្តង។
កូនត្រី​ទាំងអស់នោះត្រូវបានគេដឹកដាក់ក្នុងអាងស្បោងផ្លាស្ទិចបួនជ្រុង២អាងនៅក្នុងរថយន្ត ដែល​អាងទី១មានទំហំប្រមាណ១ម៉ែត្រគុណនិង១,៥០ម៉ែត្រ​និងជម្រៅ០,៥០ម៉ែត្រចំណែក​អាង​ទី២​មាន​ទំហំប្រមាណ១,៥០ម៉ែត្របួនជ្រុងមានជម្រៅដូចគ្នាកូនត្រីរ៉ស់ទំហំប៉ុនៗចុងចង្កឹសទាំងអស់នេះមាន​ចំនួនរាប់ម៉ឺនក្បាល។ នៅ​ព្រឹកថ្ងៃទី២៥ ខែសីហានេះលោក សេង ប៊ុនឈឿន នាយ​ខ័ណ្ឌ​រដ្ឋបាល​ជល​ផល​​កំពង់​ឆ្នាំង​បាន​ថ្លែង​អោយ​ដឹងថា៖កូនត្រីឆ្តោរទាំងអស់មានចំនួន​ប្រមាណ១០ម៉ឺនក្បាល​ត្រូវ​បាន​យក​ទៅ​ព្រលែងចូលក្នុងបឹង​ធម្ម​ជាតិវិញក្នុង​បឹងតំបន់​ព្រៃលិច​ទឹក​ធម្មជាតិ​និង​ជា​ជំរក​ត្រី​ពង​កូន​ ស្ថិតនៅ​ក្នុងភូមិ​ចុងកោះ សង្កាត់ផ្សារឆ្នាំង ដោយក្រោយពីការព្រលែងកូនត្រីហើយលោកបាន​ដាក់​​កំលាំង​របស់​លោកអោយនៅយាម​កន្លែងព្រលែង​រហូត​ដល់កូនត្រីទាំងនោះ​ហែលទៅឆ្ងាយ​ពី​មាត់​​បឹង​​អស់។​ ដោយ​ឡែក​ជនសង្ស័យ​ទាំង​៣​នាក់​និង​មធ្យោបាយ​ដឹកជញ្ជូន​កូនត្រី​ឆ្តោរ​ត្រូវ​បាន​សមត្ថកិច្ចរកសាងសំណុំរឿងទៅតាមនីតិវិធីនិងបញ្ជូនខ្លួនទៅតុលាការឬត្រូវពិន័យជាប្រាក់តាមច្បាប់​ជលផល។ គួរបញ្ជាក់ថា​៖​ នៅក្នុង​ឆ្នាំ២០១៤​នេះជា​លើកទី១​ហើយ​ដែល​សមត្ថកិច្ច​ខណ្ឌ័រដ្ឋបាល​ជល​ផល​កំពង់ឆ្នាំងបង្ក្រាបបានបទល្មើសដឹកជញ្ជូនកូនត្រីខុសច្បាប់ ដែល​បទល្មើស​ដូចនេះ​ពិបាក​នឹង​ដឹង​ដើម្បីធ្វើការបង្រ្កាបណាស់៕