ដំណើរទស្សនៈកិច្ចដកស្រង់បទពិសោធន៍ការងារនៅសាលាខេត្តកំពង់ស្ពឺ

របស់គណៈប្រតិភូសាកលវិទ្យាល័យNAGOYAនៃប្រទេសជប៉ុន និង​សាកល​វិទ្យា​ល័យ​ភូមិន្ទ​ភ្នំ​ពេញ​ រសៀល​​ថ្ងៃទី១៨ ខែសីហា ឆ្នាំ២០១៤ នៅសាលាខេត្តកំពង់ស្ពឺ បាន​រៀប​ចំ​ទទួល​ក្រុម​និសិ្សត​ចំរុះ​ជាតិ សាសន៍ មកពីសាកលវិទ្យាល័យNAGOYAនៃប្រទេសជប៉ុន និង​ក្រុម​និសិ្សត​មក​ពី​សាកល​វិទ្យា​ល័យ​ភ្នំពេញចំនួន៤១នាក់ចែកចេញជា៤ក្រុម ដឹកនាំដោយ សាស្រ្តាចារ្យបរទេស និង​សា​ស្រ្តា​ចារ្យ​កម្ពុជាចំនួន​៨រូប បានចូលរួមសំដែងពិភាក្សាការងារ ជាមួយ ឯកឧត្តម សឿ សុខណាល់ អភិ​បាល​រងខេត្ត និងមានការចូលរួមពីបណ្តាមន្ទីរចំនួន៧មន្ទីរក្នុងខេត្កតកំពង់ស្ពឺ។ រួមមានមន្ទីរ សេដ្ឋ​កិច្ច​​ និងហិរញវត្ថុ មន្ទីររៀបចំដែនដីនគររូបណីយកម្ម និងសំណង មន្ទីរអភិវឌ្ឍន៍ជនបទ មន្ទីរ​សង្គម​កិច្ច​ មន្ទីរអប់រំយុវជន និងកីឡា មន្ទីរកសិកម្ម និងមន្ទីរធនធានទឹក។
ក្នុងកិច្ចពិភាក្សានោះ ឯកឧត្តម សឿ សុណាល់ អភិបាលរងខេត្ត បានធ្វើរបាយការណ៏សង្ខេបស្តិពី ភាព​រីកចំរើនរបស់ខេត្ត និងមានសក្តានុពលធំៗមួយចំនួនទៀត។ ជាមួយ​គ្នា​នេះ​ផង​ដែរ​ក៏​មាន​បញ្ចាំង​ Slide ស្តីពីសកម្មភាព និងសមិទ្ធផលនានាដែលខេត្តសម្រេចបានរយៈពេលកន្លងមក។ បន្ទាប់​ពីបាន ស្តាប់របាយការណ៍ ព្រមទាំងបង្ហាញតាមSlide រួចមក។ ក្រុមនិសិ្សតបានលើកសំនួរមួយចំនួន ចោទសួរដល់មន្ត្រីជំនាញតាមបណ្តាមន្ទីរទាំង៧។ ថ្ងៃ​បន្ទាប់​ក្រុម​និសិ្សតបានបែងចែកជាក្រុម ដើម្បីចុះដក ស្រង់បទពិសោធន៏ តាមមន្ទីរនីមួយៗ តាម​ការ​គ្រោង​ទុកនៃផែនការ នៃកិច្ចដំណើរការ​ទស្សនកិច្ចរបស់ខ្លួន៕