អា​ជ្ញា​ធរខេតុ្ត​ព្រះ​សីហនុ​ វាយ​កម្ទេច​សំណង់​រំលោភ​លើ​ច្បាប់​ចូល​តំបន់​ឆ្នេរ​អូរ​ត្រេះ

ខេត្តព្រះសីហនុ ៖ សំណង់​អត់​ច្បាប់​ជាមួយ​កន្លែង​ដែល​ធ្វើការ​សាងសង់​នៅ​តាម​បណ្ដោយ​ឆ្នេរ​សមុទ្រ​​​​​តំបន់​អូរត្រេះ ស្ថិតនៅ​ក្នុង​ភូមិ​លេខ​៦ សង្កាត់​លេខ​៤ ក្រុង​ព្រះ​សីហ​នុ​ នឹង​ត្រូវ​វាយ​កំទេច​ចោល​ នៅ​ព្រឹក​ថ្ងៃទី​២៣ ខែ​​សីហា ឆ្នាំ​២០១៤​នេះដោយ​សមត្ថកិច្ច​របស់​អា​ជ្ញា​ធរ​ខេត្ត​ដែល​ដឹក​នាំ​ដោយ​ឯកឧត្តម  ឈិនសុខុន អភិបាលខេត្តព្រះសីហនុហើយនឹង​មិន​អនុញ្ញាត​ឲ្យ​កើតមាន​បន្ត​ទៀត​​​​​ឡើយ​​ដើម្បី​រៀបចំ​ឆ្នេរ​តំបន់​នេះ​​​ឡើងវិញ​ជា​ឆ្នេរ​ គំរូ​សំរាប់​ខេត្ត​ព្រះសីហនុ​។​

​ឯក​ឧត្តម ឈិ​ត សុខុន បាន​មានប្រសាសន៍​បញ្ជាក់ថា បើតាម​ការពិនិត្យ​សំ​ណង់​​នៅ​តំបន់​អូរត្រេះ​​នេះ​​ដូចជា​មាន​ភាព​ស្មុ​គ្រ​ស្មាញ​បន្តិច​ដោយ​សំណង់​ខ្លះ​ពិនិត្យ​ឃើញ​ថា​ធ្វើ​ការ​សាងសង់​រំ​លោភ​​​បំ​ពាន​​​ប៉ះពាល់​ដី​ចំណី​អូរ និង​ដី​ចំណី​ព្រែក​ក៏ដូចជា​ដី​ចំណី​ឆ្នេរសមុទ្រ ហើយ​កន្លែង​ខ្លះទៀត​សង្ស័យ​ថា​​សាង​សង់​ល្មើសច្បាប់​ផងដែរ​។​ដោយឡែក ​សំរាប់​សំណង់​គ្រប់​ប្រភេទ​នៅតាម​ឆ្នេរសមុទ្រ​អូរ​ត្រេះ​​​​វិញ​លោក​ អភិបាលខេត្ត​ក៏បាន​ឲ្យ​ដឹងផង​ដែរ​ថា នៅ​តំបន់​ឆ្នេរសមុទ្រ​អូរត្រេះ​នេះ​មិន​ឲ្យ​មាន​ការ​​សាងសង់​សំណង់​ថ្មី​នោះទេ ប៉ុន្តែ​បើ​មាន​សំណង់​មែន​នោះ​គេច​មិន​ផុតពី​ការ​វាយ​កំទេចចោល​ដោយ​​​គ្មាន​ ការតវ៉ា​អ្វី​ទាំងអស់​។​ជា​ ស្តែង​ដូចជា​សំណង់​ខាងលើនេះ​គឺ​នៅមុន​ធ្វើការ​សាងសង់​សមត្ថ​​​​​កិច្ច​អាជ្ញាធរ​ មូលដ្ឋាន​បាន​ចុះ​ធ្វើការ​ហាមឃាត់​ម្តង​ជា​ពីរដង​រួចមកហើយ គឺ​មិន​អនុញ្ញាត​ឲ្យ​ធ្វើ​​ការ​សាងសង់​នោះទេ ប៉ុន្តែ​ម្ចាស់​សំណង់​មិន​ស្តាប់​ហើយ​ផ្ទុយទៅវិញ​នៅតែ​បន្តធ្វើ​ការសាងសង់​ ដដែល​បង្ក​ភាព​ស្មុ​គ្រ​ស្មាញ​ដល់​ការអនុវត្តន៍​ច្បាប់​។ ជា​លទ្ធផល​សំណង់​នោះ​ត្រូវ​វាយកំទេច​ចោល​តែម្តង​ហើយ​អាច​ប្រ​ឈម​មុខ​ជាមួយនិង​ ផ្លូវច្បាប់​ផងដែរ​។​ឯកឧត្តមបន្តថា ​សមត្ថកិច្ច​ចំរុះនឹង​ធ្វើ​ការ​​​​ពិនិត្យមើល​ ជាក់ស្តែង​នូវ​សំណង់​ជាច្រើន​កន្លែង​ក្នុង​តំបន់​អូរត្រេះ​ដែល​សង្ស័យថា ជាការ​សាង​សង់​​​​ល្មើសច្បាប់ ព្រមទាំង​បាន​បញ្ជា​ឲ្យ​ធ្វើការ​ឈូសឆាយ​កំទេចចោល​នូវ​សំណង់​ថ្មី​ដែល​ទើប​ និង​ធ្វើ​​ការ​សាងសង់​លើ​តំបន់​ហាមឃាត់​ដី​ចំណី​ឆ្នេរសមុទ្រ​អូរត្រេះ​បង្ក​ ផលប៉ះពាល់​ដល់​បរិស្ថាន​ឆ្នេរ​ផង​ដែរ​៕