សម្លាប់មនុស្សរួចគេចខ្លួនជាង១ឆ្នាំ ត្រូវសមត្ថកិច្ចក្របួចជាប់ ~ វិទ្យុសឹង្ហមាស

Sunday, August 24, 2014

សម្លាប់មនុស្សរួចគេចខ្លួនជាង១ឆ្នាំ ត្រូវសមត្ថកិច្ចក្របួចជាប់

Posted by Unknown on 12:47 AM with No comments

ក្រុងព្រះសីហនុ: ជនជាប់ចោទពីបទឃាតកម្មគិតទុកជាមុន ដែលសម្លាប់អ្នកចាំចម្ការឲ្យគេម្នាក់នៅភូមិភូធឿង ឃុំបិតត្រាង ស្រុកព្រៃនប់ ខេត្តព្រះសីហនុ ហើយបានរត់គេចខ្លួនរយៈពេលជាងមួយឆ្នាំមកនោះ នៅពេលនេះត្រូវបានសមត្ថកិច្ចស្រាវជ្រាវ និងចាប់ខ្លួនបានហើយ នៅម៉ោងប្រមាណ ៦ព្រលប់ ថ្ងៃទី២២ ខែសីហា ឆ្នាំ២០១៤ នៅភូមិលេខ៥ សង្កាត់លេខ៤ ក្រុងព្រះសីហនុ។
តាមប្រភពពីលោក វរៈសេនីយ៏ទោ នូវ សាវុធ នាយការិយាល័យព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តព្រះសីហនុ បានឲ្យដឹងថា ជនដៃដល់ឈ្មោះ តូ សុផាត ហៅ ផាត អាយុ៣២ឆ្នាំ មានស្រុកកំណើតក្នុងភូមិកំណប់ ឃុំកំណប់ ស្រុកគីរីវង់ ខេត្តតាកែវ មានទីលំនៅបច្ចុប្បន្ន ភូមិលេខ១ សង្កាត់លេខ៤ ក្រុងព្រះសីហនុ មុខរបរមិនពិតប្រាកដ។
ការចាប់ខ្លួនឃាតកខាងលើនេះគឺ អនុវត្តន៍តាមដីការបស់សាលាដំបូង ខេត្តព្រះសីហនុ ចេញដោយ លោកស្រី ស៊ លីនណា ចៅក្រមស៊ើបសួរ ចោទប្រកាន់ពីបទសម្លាប់មនុស្ស គិតទុកជាមុន ដែលប្រព្រឹត្តិនៅភូមិ-ឃុំកើតហេតុខាងលើ កាលពីយប់ថ្ងៃទី៩ ខែឧសភា ឆ្នាំ២០១៣ ដោយជនរងគ្រោះ មានមុខរបរចាំចម្ការឲ្យគេ។ប្រភពដដែលបានបញ្ជក់ថា ជនដៃដល់ខាងលើនេះ កន្លងមកធ្លាប់ជាប់ពន្ធនាគារចំនួន២លើករួចមកហើយពាក់ព័ន្ធបទល្មើសហិង្សាដោយចេតនា មានស្ថានទម្ងន់ទោស និងពាក់ព័ន្ធបទល្មើស មួយចំនួនទៀតផងដែរ។
ក្រោយការឃាត់ខ្លួនជនស្មលើសត្រូវបានសមត្ថកិច្ចនាំខ្លួនទៅឃុំ នៅពន្ធនាគារបណ្តោះអាសន្នរងចាំបើក សវនាការ ដើម្បីចាត់ការតាមច្បាប់ជាក្រោយ៕

ពត៌មាន, ពត៌មានជាតិ

0 comments:

Post a Comment

ពីស្ថានីយ៍វិទ្យុសឹង្ហមាស

លោកអ្នកអាចធ្វើការទំនាក់ទំនងផ្សព្វផ្សាយពាណិជ្ជកម្ម នៅវិទ្យុុសឹង្ហមាសនិងប្លុករបស់យើងខ្ញុំ តាមរយៈលេខទូរស័ព្ទនឹងអ៊ីម៉ែលយើងខ្ញុំបាន។ យើងខ្ញុំមានផលិតស្ពតពាណិជ្ជកម្មសំរាប់វិទ្យុនិងទូរទស្សន៍ យើងខ្ញុំនឹងរងចាំស្វាគមន៍ដោយក្ដីរីករាយ។ សូមអរគុណសំរាប់ការទស្សនានិងស្ដាប់នូវវិទ្យុុសឹង្ហមាស FM 104 MHz ប្រចាំខេត្តព្រះសីហនុ។

សឹង្ហមាស

លោកអ្នកអាចធ្វើការផ្ដល់មតិយោបល់អំពីប្លុករបស់យើងខ្ញុំបាន ដើម្បីជួយកែតម្រូវនិងស្ថាបនា។ សូមអរគុណ! ស្ថានីយ៍វិទ្យុុសឹង្ហមាស FM 104 MHz ប្រចាំខេត្ដព្រះសីហនុ.....ពត៌មាន អប់រំ កំសាន្ដ!!!!!!!!!

Sunday, August 24, 2014